Main Menu

టీమిండియా కూర్పుపై ఆగ్రహం

Spread the love

తొలిటెస్టులో రహానేకి బదులుగా రోహిత్ శర్మను తీసుకోవడం ద్వారా విమర్శలకు అవకాశం ఇచ్చిన టీమిండియా రెండో టెస్టులో మరిన్ని సమస్యలు కొనితెచ్చుకుంది. టీమ్ కూర్పు విషయంలో తగిన జాగ్రత్తలు పాటించలేదనే విమర్శలు వస్తున్నాయి. తొలిరోజు టాస్ గెలిచి బ్యాటింగ్ ఎంచుకున్న దక్షిణాఫ్రికాని 265 రన్స్ కే 6 వికెట్లు తీసి కట్టడి చేసినప్పటికీ జట్టు ఎంపికపై మాత్రం వివాదం కొనసాగేలా ఉంది.

రెండవ టెస్టు మ్యాచ్‌లో భారత్ జట్టు ఎంపికపై మాజీ కెప్టెన్, లిటిల్ మాస్టర్ సునీల్ గవాస్కర్ ఇప్పటికే అసంతృప్తి వ్యక్తం చేశాడు. భారత్ జట్టు ఓపెనర్ శిఖర్ ధావన్ స్థానంలో కేఎల్ రాహును ఎంపిక చేయడంతోపాటు భువనేశ్వర్ కుమార్ స్థానంలో ఇషాంత్ శర్మను జట్టులోకి తీసుకోవడం ఎంతవరకు సబబని ఆయన ప్రశ్నించాడు. తన ఉద్దేశంలో మాత్రం శిఖర్‌ధావన్‌ను బలిపశువును చేశారని ఆయన వ్యాఖ్యానించాడు. ఒక ఇన్నింగ్స్‌లో బాగా ఆడనంతమాత్రాన అతనిని జట్టులోకి తీసుకోరా అని ఆయన ప్రశ్నించాడు. అదేవిధంగా వికెట్ కీపర్ వృద్ధిమాన్ షా స్థానంలో పార్థివ్ పటేల్‌ను తీసుకోవడం కూడా ఆక్షేపణీయమని అన్నాడు. కేప్‌టౌన్‌లో జరిగిన మొదటి ఇన్నింగ్స్‌లో మూడు వికెట్లు పడగొట్టిన భువనేశ్వర్ స్థానంలో ఇషాంత్ శర్మను తీసుకోవడంలో అర్ధం లేదని, భువనేశ్వర్ లేని లోటును ఇషాంత్ భర్తీ చేయగలడా అని ఆయన ప్రశ్నించాడు.

పలువురు మాజీలు కూడా ఇలాంటి అభిప్రాయంతోనే ఉన్నారు. దక్షిణాఫ్రికా టూర్ లో టీమిండియా వ్యవహారాలను తూర్పారపడుతున్నారు. తొలి టెస్టులో స్టార్ బ్యాట్స్ మెన్లుకు మించిన బ్యాటింగ్ తీరు ప్రదర్శించడంతోనే భువీకి ఉద్వాసన పలికినట్టున్నారంటూ నెటిజన్లు కామెంట్లు కూడా చేస్తున్నారు.






Related News

టాప్ లోనే కింగ్ కోహ్లీ

Spread the loveఅంతర్జాతీయ క్రికెట్‌ నియంత్రణ మండలి(ఐసిసి) మంగళవారం విడుదల చేసిన టెస్ట్‌ ర్యాంకింగ్స్‌లో భారత సారథి విరాట్‌ కోహ్లీRead More

కోహ్లీ సేన కొత్త రికార్డులు

Spread the love ఆస్ట్రేలియాతో జరిగిన ఇక్కడ జరిగిన తొలి టెస్టులో టీమిండియా 31 పరుగుల తేడాతో విజయం సాధించింది.Read More

Leave a Reply

Your email address will not be published. Required fields are marked *