ర‌హానే, పుజారా సెంచ‌రీల జోరు

pujara
Spread the love

శ్రీలంకతో జరుగుతున్న రెండో టెస్ట్‌లో భారత బ్యాట్స్‌మెన్లు చతేశ్వర్ పుజారా, అజింక్యా రహానేలు సెంచరీలతో చెలరేగారు. దీంతో తొలిరోజు ఆట ముగిసే సమయానికి టీమిండియా 90 ఓవర్లలో 3 వికెట్ల నష్టానికి 344 పరుగులు చేసి భారీ దిశగా సాగుతోంది. వైరల్ ఫీవర్ కారణంగా తొలి టెస్టు ఆడని ఓపెనర్ లోకేశ్ రాహుల్ (92 బంతుల్లో 57: 7ఫోర్లు) కొలంబో టెస్టు తొలి ఇన్నింగ్స్‌లో హాఫ్ సెంచరీతో ఆకట్టుకున్నాడు. మరో ఓపెనర్ శిఖర్ ధావన్ (37 బంతుల్లో 35: 5 ఫోర్లు, 1 సిక్స్) వేగంగా ఆడే క్రమంలో పెరీరా బౌలింగ్‌లో ఔటయ్యాడు. దీంతో తొలి వికెట్‌కు 56 పరుగుల భాగస్వామ్యం లభించింది.

లంక కెప్టెన్ చండీమల్ మెరుపు ఫీల్డింగ్‌తో రాహుల్ రెండో వికెట్‌గా వెనుదిరిగాడు. కెప్టెన్ కోహ్లీ(13) త్వరగా పెవిలియన్ బాటపట్టాడు. కోహ్లీ ఔటయ్యాక క్రీజులోకొచ్చిన రహానేతో కలిసి పుజారా ఇన్నింగ్స్ నిర్మించాడు. తొలిటెస్టులో సెంచరీ చేసిన పుజరా కొలంబో టెస్టులోనూ ఇన్నింగ్స్‌కు గోడలా నిలిచాడు. చెత్తబంతులను బౌండరీలకు తరలిస్తూ బ్యాటింగ్ కొనసాగించిన పుజారా 164 బంతుల్లో శతకం పూర్తిచేశాడు. పుజారా (225 బంతుల్లో 128 నాటౌట్: 10 ఫోర్లు, 1 సిక్స్) కు ఇది 13వ టెస్టు సెంచరీ. అనంతరం రహానే (168 బంతుల్లో 103 నాటౌట్: 12 ఫోర్లు) సెంచరీ సాధించాడు. వీరిద్దరూ నాలుగో వికెట్ కు అజేయంగా డబుల్ సెంచరీ (211) భాగస్వామ్యాన్ని అందించడంతో భారత్ భారీ స్కోరు దిశగా సాగుతోంది. ఈ జంటను విడతీసేందుకు లంక బౌలర్లు ఎంతగానో శ్రమించినా ఫలితం దక్కలేదు. తొలిరోజు ఆట నిలిపివేసే సమయానికి వీరిద్దరూ క్రీజులో ఉన్నారు.






Related News

pujara vijay

చేతులెత్తేసిన టీమిండియా

Spread the love1Shareరెండో టెస్టులోనూ టీమిండియా చేతులెత్తేసింది. పేసర్ల దాటికి విలవిల్లాడింది. సునాయాసంగా బ్యాటింగ్ చేయడానికి తగ్గట్టుగా పిచ్ అనుకూలిస్తున్నాRead More

team india

టీమిండియా కూర్పుపై ఆగ్రహం

Spread the love6Sharesతొలిటెస్టులో రహానేకి బదులుగా రోహిత్ శర్మను తీసుకోవడం ద్వారా విమర్శలకు అవకాశం ఇచ్చిన టీమిండియా రెండో టెస్టులోRead More

  • టీమిండియాకి గుణపాఠాలు
  • సౌతాఫ్రికాకి ఎదురుదెబ్బ: స్టెయిన్ అవుట్
  • దీనస్థితిలో సనత్ జయసూర్య
  • హార్థిక్ పాండ్యా ఒంటరిపోరు, అయినా..
  • ధోనీ గ్రేడ్ పడిపోతోంది..
  • ధావన్ ఫిట్, జడేజా డౌట్
  • కొట్టి తీరతామంటున్న కోహ్లీ
  • ఎంజాయ్ చేస్తున్న కొత్త జంట
  • Leave a Reply

    Your email address will not be published. Required fields are marked *