Main Menu

షారూఖ్ ని మించిపోయిన కోహ్లీ

Spread the love

మన దేశానికి సంబంధించి ‘ప్రసిద్ధ ప్రచారకర్తల జాబితా’లో భారత క్రికెట్ జట్టు కెప్టెన్ విరాట్ కోహ్లీ ప్రముఖ బాలీవుడ్ నటుడు షారుఖ్ ఖాన్‌కు కిందకు నెట్టేశాడు. ప్రఖ్యాత కార్పొరేట్ వాణిజ్య సలహాదారు అయిన ‘దుఫ్ అండ్ ఫెల్ప్స్’ సంస్థ నిర్వహించిన తాజా సర్వేలో ఈ విషయం తేటతెల్లమైంది. ‘కోటీశ్వరుల ఎదుగుదల’ పేరిట ఆ సంస్థ విడుదల చేసిన నివేదికలో భారత్‌లో ‘ప్రచారకర్తలైన ప్రసిద్ధ వ్యక్తుల జాబితా’లో కోహ్లీ, నటి దీపికా పదుకొనె, నటుడు రణ్‌వీర్ సింగ్ స్థానం సంపాదించుకున్నారు. తాము ర్యాంకింగ్‌లు ఇస్తున్నప్పటి నుంచి చూస్తే- తొలిసారిగా షారుఖ్ స్థాయి కిందకు పడిపోయిందని, ఆ స్థానాన్ని విరాట్ కోహ్లీ భర్తీ చేశాడని ఆ సంస్థ తెలిపింది.

ఇపుడు ఉత్పత్తిదారులు తమ అమ్మకాలను విస్తృతం చేసుకునేందుకు ‘బ్రాండ్ అంబాసిడర్’గా కోహ్లీనే ఎక్కువగా కోరుకుంటున్నారని ‘డుఫ్ అండ్ ఫెల్ప్స్’ మేనేజింగ్ డైరెక్టర్ వరుణ్ గుప్తా తెలిపారు. కోహ్లీతో పాటు బాలీవుడ్ ప్రముఖులు ఆలియా భట్, వరుణ్ ధావన్, బ్యాడ్మింటన్ క్రీడాకారిణి పీవీ సింధులకు ‘బ్రాండ్ అంబాసిడర్లు’గా డిమాండ్ పెరుగుతోంది. బ్రాండ్ అంబాసిడర్లుగా బాలీవుడ్ నటీనటులకు ఆదరణ తగ్గకపోయినా, ఇపుడు కోహ్లీ, ధోనీ, పీవీ సింధు వంటి క్రీడాకారులకు ‘క్రేజ్’ పెరుగుతోంది. పర్యాటకం, క్రీడాపోటీలు, సౌందర్య సాధనాలు, ఆహారం, పానీయాలు, ఆటోమొబైల్స్, దుస్తులు, సెల్‌ఫోన్లు, ఎలక్ట్రానిక్ పరికరాలు, ఇతర ఉత్పత్తులకు బ్రాండ్ అంబాసిడర్లను నియమించడం పరిపాటిగా మారింది. ప్రముఖ నటీనటులనే కాదు, ప్రసిద్ధ క్రీడాకారులను బ్రాండ్ అంబాసిడర్లుగా నియమిస్తూ భారత్‌లోని కార్పొరేట్ సంస్థలు కొత్త పంథాను అనుసరిస్తున్నాయని ‘దుఫ్ అండ్ ఫెల్ప్స్’ చెబుతోంది.






Related News

కోహ్లీ చుట్టూ కొత్త వివాదం

Spread the loveటీమిండియా కెప్టెన్ విరాట్ కోహ్లీ వ్య‌వ‌హారం కొత్త వివాదానికి దారితీస్తోంది. బీసీసీఐ కి పెద్ద త‌ల‌నొప్పిగా మారింది.Read More

సిరీస్ పోయినా అది మిగిలింది…!

Spread the loveఇంగ్లడ్ గ‌డ్డ‌పై జ‌రిగిన‌ టెస్టు సిరీస్‌లో టీమిండియా ప‌రాజ‌యం పాల‌య్యింది. అయిన‌ప్ప‌టికీ టెస్ట్ క్రికెట్ ర్యాంకింగ్స్‌లో త‌నRead More

Leave a Reply

Your email address will not be published. Required fields are marked *