Main Menu

సీబీఐ చిక్కుల్లో వైసీపీ ఎమ్మెల్యే

Spread the love

వైసీపీ కి చెందిన మరో నేత చిక్కుల్లో పడ్డారు. సీబీఐ కేసుల్లో చిక్కుకున్నారు. ఇప్పటికే పలువురు వైసీపీ నేతలు సీబీఐ కేసుల్లో ఉండగా తాజాగా మరో ఎమ్మెల్యే చేరడం విశేషంగా మారుతోంది. తాజాగా ప్రకాశం జిల్లా ఎమ్మెల్యే మీద సీబీఐ కేసు నమోదయ్యింది. వైసీపీ ఎమ్మెల్యే ఆదిమూలపు సురేశ్‌పై సీబీఐ ఆదాయానికి మించిన ఆస్తుల కేసు నమోదు చేసింది. ఆయన భార్య, చెన్నై ఆదాయపు పన్ను శాఖలో అసిస్టెంట్‌ కమిషనర్‌గా పనిచేస్తున్న టీహెచ్‌ విజయలక్ష్మిపైనా సీబీఐ అధికారులు కేసు నమోదు చేశారు.

adimulam

ఈ కేసులో విజయలక్ష్మిని ఏ-1గా పేర్కొనగా, సురేశ్‌ను ఏ-2గా పేర్కొన్నారు. సురేశ్‌ ప్రస్తుతం ప్రకాశం జిల్లా సంతనూతలపాడు ఎమ్మెల్యేగా ఉన్నారు. రాజకీయాల్లోకి రాకముందు సురేశ్‌ ఇండియన్‌ రైల్వే అకౌంట్స్‌ సర్వీసు(ఐఆర్‌ఏఎ్‌స)లో డిప్యూటీ ఫైనాన్షియల్‌ అడ్వైజర్‌ హోదాలో పనిచేశారు. 2009లో ఆయన ఉద్యోగానికి రాజీనామా చేసి కాంగ్రెస్‌ పార్టీలో చేరి, అదే ఏడాది ఎర్రగొండపాలెం నియోజవకర్గం నుంచి కాంగ్రెస్‌ ఎమ్మెల్యేగా గెలుపొందారు.

2010-2016 మధ్యకాలంలో సురేశ్‌ దంపతులు ఆదాయాలను లెక్కించిన సీబీఐ వారు ఆదాయానికి మించి ఆస్తులను కూడగట్టారని గుర్తించి కేసు నమోదు చేసింది. ఈమేరకు బుధవారం ఎఫ్‌ఐఆర్‌ నమోదు చేసింది. ఏపీ, తెలంగాణ, తమిళనాడు రాష్ట్రాల్లో ఈ దంపతులు భారీ ఎత్తున ఆస్తులను కూడబెట్టారని ఎఫ్‌ఐఆర్‌లో పేర్కొంది. 2010-16 మధ్యకాలంలో వీరి ఆదాయం రూ.4.84కోట్లు కాగా, వీరు కొనుగోలు చేసిన ఆస్తుల విలువ రూ.5.95 కోట్లుగా ఉందని, సుమారు రూ.1.10 కోట్లు విలువైన ఆస్తులను ఆదాయానికి మించి కూడబెట్టారని సీబీఐ పేర్కొంది.






Related News

వైసీపీ లో పెరిగిన పోటీ!

Spread the loveవ‌చ్చే ఎన్నిక‌ల్లో అధికారంపై ఆశ‌తో సాగుతున్న వైసీపీలో వేడి పుడుతోంది. టికెట్ ఆశావాహుల సంఖ్య పెరుగుతోంది. ప్ర‌కాశంRead More

ఆనం రామ‌నారాయ‌ణ రెడ్డికి ఆ సీటు ఖాయం..!

Spread the loveనెల్లూరు జిల్లా వైసీపీ లో ప‌రిణామాలు వేగంగా మారుతున్నాయి. వ‌చ్చే ఎన్నిక‌ల‌కు త‌గ్గ‌ట్టుగా ప‌లు మార్పులు జ‌రుగుతున్నాయి.Read More

Leave a Reply

Your email address will not be published. Required fields are marked *