‘ఫిదా’ మూవీ రివ్యూ

fidaa1
Spread the love

సినిమా : ఫిదా
తారాగణం : వరుణ్ తేజ్, సాయి పల్లవి, సాయి చంద్, రాజా, శరణ్య ప్రదీప్ త‌దిత‌రులు
సంగీతం : శక్తికాంత్
దర్శకత్వం : శేఖర్ కమ్ముల
నిర్మాత : దిల్ రాజు

మెగా హీరో వ‌రుణ్ తేజ్ మంచి హిట్ సినిమా కోసం ఎదురుచూస్తున్న‌ట్టే, కొంత విరామం త‌ర్వాత మ‌ళ్లీ టాలీవుడ్ లో త‌న మార్క్ చూపించాల‌ని లీడ‌ర్ ద‌ర్శ‌కుడు శేఖ‌ర్ క‌మ్ముల ఆలోచిస్తున్నారు. వీళ్లిద్ద‌రి కాంబినేష‌న్ లో వ‌చ్చిన సినిమా కావ‌డంతో స‌హ‌జంగానే ఆస‌క్తి పెరిగింది. దాంతో ఈసారి లవ్ , ఎంట‌ర్ టైన‌ర్ మువీగా ఫిదాని ఎంచుకోవ‌డంతో ప్రేక్ష‌కుల ఫిదా అవుతారా లేదా అన్న చ‌ర్చ సాగింది. చివ‌ర‌కు దిల్ రాజు నిర్మించిన ఈ సినిమా థియేట‌ర్ల‌లో అడుగుపెట్టింది. మ‌రి శేఖ‌ర్ క‌మ్ముల మ‌ళ్లీ త‌న‌శైలి ప్ర‌ద‌ర్శించారా…వ‌రుణ్ తేజ్ అభిమానాల‌ను సంతృప్తిప‌రించిందా..ఫిదాకి ప్రేక్ష‌కులు ఎంత‌మేర‌కు సంతృప్తి ప‌డ‌తారో ఈ రివ్యూలో చూద్దాం..

కథ :
అమెరికాలో డాక్టర్ చదువుతున్న వరుణ్ (వరుణ్ తేజ్).. అన్న రాజా, తమ్ముడు బుజ్జితో కలిసి ఉంటుంటాడు. తల్లీ తండ్రి లేకపోవటంతో వరుణ్, బుజ్జిలే రాజాకు పెళ్లి చేయాలని నిర్ణయించుకుంటారు. నిజామాబాద్ జిల్లా బాన్సువాడలో ఉండే రేణుక (శరణ్య ప్రదీప్) అనే అమ్మాయితో రాజా పెళ్లి కుదురుతుంది. పెళ్లి కోసం ఇండియాకు వచ్చిన వరుణ్, పెళ్లి కూతురు చెల్లెలు భానుమతి (సాయి పల్లవి) తో ప్రేమలో పడతాడు. భానుమతికి కూడా వరుణ్ అంటే ఇష్టం కలుగుతుంది.

కానీ తన తండ్రిని వదిలి వెళ్లటం ఇష్టం లేని భానుమతి, వరుణ్ కు దూరంగా ఉండాలని నిర్ణయించుకుంటుంది. అదే సమయంలో వరుణ్ తన మామయ్య కూతురు శైలుతో క్లోజ్ గా ఉండటం చూసి మరింతగా దూరమవుతుంది. రాజా పెళ్లి తరువాత అన్నా వదినలతో కలిసి అమెరికా వెల్లినా వరుణ్, భానుమతిని మర్చిపోలేకపోతాడు. చివరకు భానుమతికి తన ప్రేమ గురించి చెప్పేస్తాడు. కానీ భానుమతి వరుణ్ కి నో చెపుతుంది. తరువాత వరుణ్, భానుమతి మనసు ఎలా గెలుచుకున్నాడు..? తండ్రి వదిలి వెల్లటం ఇష్టం లేని భానుమతి, వరుణ్ తో పెళ్లికి ఒప్పుకుందా..? అన్నదే మిగతా కథ.

ప్లస్ పాయింట్స్ :
వరుణ్, సాయి పల్లవి జోడీ
కామెడీ
ఎమోషనల్ సీన్స్

మైనస్ పాయింట్స్ :
సెకండాఫ్
సినిమా నిడివి
క్లైమాక్స్

నటీనటులు :
వరుణ్ తేజ్.. ఎన్నారై అబ్బాయిగా పర్ఫెక్ట్ గా సూట్ అయ్యాడు. లవర్ బాయ్ లుక్స్ తో అదరగొట్టాడు. రొమాంటిక్ సీన్స్ తో పాటు ఎమోషనల్ సీన్స్ లోనూ ఆకట్టుకున్నాడు. ఈ సినిమాతో తెలుగు తెరకు పరిచయం అయిన మలయాళీ బ్యూటీ సాయి పల్లవి అందరినీ ఫిదా చేసింది. తెలంగాణ అమ్మాయిగా రఫ్ అండ్ టఫ్ రోల్ లో మెప్పించింది. అల్లరి అమ్మాయిగా బబ్లీగా కనిపిస్తూనే ఎమోషనల్ సీన్స్ లోనూ తనదైన నటనతో మెప్పించింది. చాలా కాలం తరువాత తెలుగు తెర మీద కనిపించిన సాయిచంద్ తండ్రి పాత్రలో ఒదిగిపోయారు. ఇతర పాత్రల్లో రాజా, శరణ్య ప్రదీప్, సత్యం రాజేష్ లు తమ పరిధి మేరకు ఆకట్టుకున్నారు.

టెక్నీషియ‌న్ :
కొంత గ్యాప్ తరువాత ఫిదా సినిమాతో ప్రేక్షకుల ముందుకు వచ్చిన దర్శకుడు శేఖర్ కమ్ముల మరోసారి తన మార్క్ చూపించారు. క్యూట్ లవ్ స్టోరిని తనదైన టేకింగ్ లో ఆకట్టుకునే విధంగా తెరకెక్కించారు. తన స్టైల్ లోనే ఎలాంటి హడావిడి లేకుండా నెమ్మదిగా సాగే కథలో అద్భుతమైన ఎమోషన్స్ పండించారు. ఇప్పటి వరకు కాలేజ్, కాలనీ బ్యాక్ డ్రాప్ లనే ఎక్కువగా ఎంచుకున్న శేఖర్, ఈ సినిమాతో తెలంగాణ పల్లెటూళ్లను మరింత అందంగా చూపించాడు. కేవలం పరిస్థితులు, యాస మాత్రమే కాదు సాంప్రదాయాలను కూడా చాలా బాగా తెరకెక్కించాడు. శక్తికాంత్ అందించిన పాటలు, బ్యాక్ గ్రౌండ్ స్కోర్ సినిమా స్థాయిని పెంచాయి. తెలంగాణ బాణీలో సాగే వచ్చిండే పాట విజువల్ కూడా సూపర్బ్. విజయ్ సి కుమార్ సినిమాటోగ్రఫి సినిమాకు మరో ఎసెట్, తెలంగాణ పల్లె వాతావరణాన్ని, అమెరికా లోకేషన్స్ ను చాలా అందంగా చిత్రీకరించాడు. మార్తండ్ కె వెంటేష్ ఎడిటింగ్ పరవాలేదు. సినిమా నిడివి ఇంకాస్త తగ్గించి ఉంటే మరింత ఆకట్టుకునేది. దిల్ రాజు ఎక్కడా కాంప్రమైజ్ కాకుండా చాలా రిచ్ గా సినిమాను తెరకెక్కించాడు.

పంచ్ లైన్ ఫిదా అయిపోతారంతే
updateap రేటింగ్: 3/5






Leave a Reply

Your email address will not be published. Required fields are marked *