తెలుగుదేశంలో భగ్గుమన్న విబేధాలు

tdp
Spread the love

తెలుగుదేశం పార్టీలో విబేధాలు భగ్గుమన్నాయి. పార్టీలో చిచ్చు రేగడంతో ఇప్పుడు పెను కలకలం రేగుతోంది. ఏకంగా పలువురు నేతలు రాజీనామా చేసేవరకూ సాగింది. ఇది కడప జిల్లా టీడీపీ నేతలను కలవరపరుస్తోంది. ఒక్కసారిగా పెల్లుబికిన విబేధాలతో ఇన్నాళ్లుగా చాపకింద నీరులా ఉన్న వివాదాలు తెరమీదకు వచ్చాయి. కడప జిల్లాలో టీడీపీ చాలాకాలంగా వర్గవిబేధాలతో కొట్టిమిట్టాడుతోంది. ఇటీవల పార్టీలో చేరిన నేతలతో పలు సమస్యలు ఏర్పడుతున్నాయి. ఇప్పటికే జమ్మలమడుగు వివాదం అందరికీ తెలిసిందే. మంత్రి ఆదినారాయణరెడ్డి, ఎమ్మెల్సీ రామసుబ్బారెడ్డి తగాదా చల్లారేలా కనిపించడం లేదు. అదే సమయంలో ఇప్పుడు బద్వేలు నియోజకవర్గంలో తెలుగుదేశంలో విబేధాలు తారస్థాయికి చేరుకున్నాయి. దాంతో బ‌ద్వేలు, గోప‌వ‌రం టిడిపి జెడ్పీటీసీ స‌భ్యులు రాజీనామా చేశారు. టిడిపి అధిష్టానం త‌మ‌ను ప‌ట్టించుకోవ‌డం లేద‌ని ఆవేదన వ్య‌క్తం చేస్తున్నారు. పార్టీలో పనిచేసిన వారికి ప్రాధాన్యం లేదని వాపోయారు. తెలుగుదేశం పార్టీలో కొనసాగలేక పదవులకు రాజీనామా చేస్తున్నట్టు ప్రకటించారు.

దాంతో ఈ వ్యవహారం ఇప్పుడు జిల్లా వ్యాప్తంగా చర్చనీయాంశం అవుతోంది. తెలుగుదేశం పార్టీ నేతలకు తలనొప్పిగా మారుతోంది.






Leave a Reply

Your email address will not be published. Required fields are marked *