Main Menu

కర్నూలు కాక చల్లార్చే యత్నంలో బాబు

Spread the love

తెలుగుదేశం పార్టీ కర్నూలు జిల్లా రాజకీయాల్లో వేడి చల్లార్చేయత్నం మొదలయ్యింది. కాక కుదుట పరిచే యత్నంలో పార్టీ అధినేత ఉన్నారు. అందుకు తగ్గట్టుగానే తాజాగా అమరావతిలో జరిగిన పార్టీ సమన్వయ కమిటీ సమావేశంలో నిర్ణయం జరిగినట్టు తెలుస్తోంది. జిల్లాలో పార్టీలో ఏర్పడిన విబేధాలు చల్లార్చడానికి అధినేత కుస్తీ ప్రారంభించినట్టు సమాచారం. ప్రధానంగతా కర్నూలు, నంద్యాల, కోడుమూరు నియోజకవర్గాల పరిణామాలు పాలకపక్షానికి తలనొప్పిగా మారాయి. గతంలో పలుమార్లు హెచ్చరించినా ఫలితం లేదని అర్థమవుతోంది. దాంతో చివరి మార్గంగా విభేదాలు పరిష్కరించిందేకు డిప్యూటీ సీఎం కేఈ కృష్ణమూర్తి, జిల్లా ఇన్‌చార్జి మంత్రి కాలవ శ్రీనివాసులు, ఎమ్మెల్సీ టీడీ జనార్ధన్‌లతో కూడిన కమిటీని ఏర్పాటు చేశారు.

నేతలంతా సమస్యలపై ఒకరినొకరు చర్చించుకుని నిర్ణయాలు తీసుకుంటే సమస్య ఉండదని ఇద్దరి మధ్య రాజీ కుదరకపోతే కమిటీ జోక్యం చేసుకోవాల్సి ఉంటుందని చంద్రబాబు ప్రకటించారు. ఎవరికి వారు భీష్మించుకు కూర్చుంటే పార్టీకి నష్టం జరుగుతుంది, ఇంత కాలం అవకాశమిచ్చినా సద్వినియోగం చేసుకోలేదని చివరి అవకాశమిస్తున్నానని ఇకనైనా కలిసి పని చేయకపోతే చర్యలు తప్పవని కఠువుగానే హెచ్చరించినట్టు చెబుతున్నారు.

గుండ్రేవుల జలాశయ నిర్మాణం, వేదావతి ఎత్తిపోతల, పత్తికొండ, ఆలూరు, డోన్ నియోజకవర్గాల్లోని చెరువులకు కృష్ణా జలాలను తరలింపు అంశంలో అధికారిక ప్రకటన కావాలని జిల్లా నేతలు కోరడంతో చంద్రబాబు స్పందించారు. అదే సమయంలో బైరెడ్డి రాజశేఖర్ రెడ్డి చేరిక మీద ఎవరూ మాట్లాడవద్దని చంద్రబాబు సూచించినట్టు సమాచారం. పార్టీ అధిష్టానం నిర్ణయం తీసుకుంటుందని, జిల్లా నేతలు అనవసరంగా వివాదాలు రాజేయవద్దని సూచించినట్టు తెలుస్తోంది. అయితే ఈ సమావేశానికి టీజీ వెంకటేష్ హాజరుకాలేదు. ఆయన పార్లమెంట్ సమావేశాల్లో ఉండడంతో రాలేదని పార్టీ నేతలు తెలిపారు.






Related News

చెవిరెడ్డి ఎందుకు ట్రాన్స‌ఫ‌ర్ చేశారు…?

Spread the loveచిత్తూరు జిల్లా రాజ‌కీయాల్లో చెవిరెడ్డి భాస్క‌ర్ రెడ్డి మ‌రోసారి సంచ‌ల‌నంగా మారారు. పెద్ద స్థాయిలో చ‌ర్చ‌నీయాంశం అయ్యారు.Read More

రేణుక ‘బుట్టా’ దాఖలు…!

Spread the loveకర్నూలు ఎంపీ బుట్టా రేణుక కలలు పండేలా లేదు. ఆమె ఆశలన్నీ అడియాశలయ్యేలా మారుతోంది. పార్టీ ఫిరాయించినRead More

Leave a Reply

Your email address will not be published. Required fields are marked *