Main Menu

అయ్యో..బైరెడ్డి

Spread the love

బైరెడ్డి రాజ‌శేఖ‌ర్ రెడ్డి..క‌ర్నూలు జిల్లా రాజ‌కీయాల్లో ఈ పేరు చిర‌ప‌రిచితం. రాయ‌ల‌సీమ వాసుల‌కు కూడా కొంత ప‌రిచ‌యం. మంచి వాగ్దాటి గ‌ల మాజీ మంత్రిగా ఆంధ్ర‌ప్ర‌దేశ్ లో అంద‌రికీ తెలిసిన నాయ‌కుడు. కానీ ఆయ‌న‌కు కాలం క‌లిసి వ‌స్తున్న‌ట్టు క‌నిపించ‌డం లేదు. గ‌డిచిన ఎన్నిక‌ల్లో రాజ‌కీయంగా అవ‌కాశం లేకుండా పోయిన ఆయ‌న‌కు ఈసారి కూడా అలాంటి ప‌రిస్థితి త‌ప్ప‌దా అనే సందేహం వ్య‌క్తం అవుతోంది. ఇప్ప‌టికే ఆయ‌న కెరీర్ కు సంబంధించిన స్ప‌ష్ట‌త లోపించ‌డంతో ఈ అనుమానాలు మ‌రింత బ‌ల‌ప‌డుతున్నాయి..

2009 ఎన్నిక‌ల త‌ర్వాత ఆయ‌న రాయ‌ల‌సీమ నినాదంతో టీడీపీకి దూర‌మ‌య్యారు. ఆ త‌ర్వాత 2014 ఎన్నిక‌ల ఫ‌లితాల‌తో మ‌ళ్లీ ద‌గ్గ‌ర‌య్యేందుకు ప్ర‌య‌త్నించినా చంద్ర‌బాబు అనుమ‌తించ‌లేదు. కానీ ఎమ్మెల్సీ ఎన్నిక‌ల్లో త‌న అనుచ‌రుడిని ఇండిపెండెంట్ గా బ‌రిలో దింప‌డంతో టీడీపీ అధిష్టానం కూడా బైరెడ్డిని ఆహ్వానించింది. చంద్ర‌బాబుతో చ‌ర్చ‌లు జ‌రిగాయి. చివ‌ర‌కు నామినేష‌న్ ఉప‌సంహ‌రించుకుని ఏక‌గ్రీవానికి స‌హ‌క‌రించిన బైరెడ్డిని మ‌ళ్లీ టీడీపీలో చేర్చుకోవ‌డానికి అంగీక‌రించిన‌ట్టు ప్ర‌చారం జ‌రిగింది. ఆ విష‌యాన్ని బైరెడ్డి కూడా అనుచ‌రుల వ‌ద్ద ప్ర‌స్తావించారు. తాను వ‌చ్చే సంక్రాంతి త‌ర్వాత మ‌ళ్లీసైకిలెక్కుతున్న‌ట్టు సంకేతాలిచ్చేశారు. కానీ అది ఆచ‌ర‌ణ‌కు నోచు కోవ‌డం లేదు. టీడీపీ అధిష్టానం ఆహ్వానించ‌డం లేదు. సంక్రాంతి, శివ‌రాత్రి, ఉగాది, శ్రీరామ‌న‌వ‌మి ఇలా పండుగ‌ల‌న్నీ దాటిపోతున్నా పిలుపులేక‌పోవ‌డంతో బైరెడ్డి రాజ‌శేఖ‌ర్ రెడ్డి ఉసూరుమంటున్నారు.

ముఖ్యంగా జిల్లాలోని టీడీపీ కీల‌క నాయ‌క‌త్వం అంతా ఆయ‌న రాకును వ్య‌తిరేకిస్తోంది. దాంతో చంద్ర‌బాబు కూడా చివ‌ర‌కు ఏమీ చేయ‌లేని స్థితిలో ఉన్నార‌నే వాద‌న వినిపిస్తోంది. టీడీపీలో చేరాల‌ని చేసిన ప్ర‌య‌త్నాలు ఫ‌లించే అవ‌కాశం లేద‌ని ఇప్పుడు ఆయ‌న భావిస్తున్నారు. దాంతో త‌న భ‌విష్య‌త్తు ఏమిట‌న్న‌ది అగ‌మ్య‌గోచ‌రంగా మారుతుండ‌డం ప‌ట్ల ఆందోళ‌న వ్య‌క్తం చేస్తున్నారు. వీల‌యినంత త్వ‌ర‌గా నిర్ణ‌యం తీసుకునే యోచ‌న‌లో ఉన్నారు. ముఖ్యంగా నందికొట్కూరు సీటు ఎస్సీ రిజ‌ర్వుడు అయిన త‌ర్వాత ఆయ‌న‌కు మ‌రో సీటు కూడా క‌ష్టంగా మారుతోంది. దాంతో ఆయ‌న ప‌రిస్థితి ఏమిట‌న్న‌ది ఇప్పుడు ఆస‌క్తిని రేపుతోంది. ఒక‌ప్పుడు ఒంటిచేత్తో జిల్లా రాజ‌కీయాల‌ను శాసించ‌గ‌ల స్థాయికి ఎదిగిన బైరెడ్డి ఇప్పుడు ఇలా సందిగ్ధ స్థితిలో మిగిలిపోవ‌డం గ‌మ‌నిస్తే బ‌ళ్లు ఓడ‌లు..ఓడ‌లు బ‌ళ్లు కావ‌డం అంటే ఇదేనేమో అనిపిస్తోంది.






Related News

చిన‌బాబు చ‌ల‌వతోనైనా ఆ ఎంపీ గ‌ట్టెక్కేనా?

Spread the loveఏపీ రాజ‌కీయాల్లో అనూహ్య ప‌రిణామాల‌కు కొద‌వ‌లేదు. అందుకు త‌గ్గ‌ట్టుగానే ఉంటుంది క‌ర్నూలు ఎంపీ బుట్టా రేణుక రాజ‌కీయRead More

చంద్ర‌బాబు సంచ‌ల‌నం- చిన‌బాబుకి లైన్ క్లియ‌ర్

Spread the love చంద్ర‌బాబు వ్యూహాత్మ‌కంగా అడుగులు వేస్తున్నారు. వ‌చ్చే ఎన్నిక‌ల‌కు త‌గ్గ‌ట్టుగా ప‌లు వ్యూహాలు ర‌చిస్తున్నారు. ముఖ్యంగా త‌న‌యుడుRead More

Leave a Reply

Your email address will not be published. Required fields are marked *