పాపం..క‌మ‌ల నాధులు..!

bjp-tdp
Spread the love

కూర‌లో క‌రివేపాకు గురించి తెలుసు క‌దా. దానికున్న ప్రాధాన్య‌త త‌క్కువేం కాదు. కానీ తీరా కూర తింటున్న‌ప్పుడు క‌రివేపాకు ప‌రిస్థితి ఎలా ఉంటుందో ప్ర‌స్తుతం ఏపీలో క‌మ‌ల‌నాధుల ప‌రిస్థితి అలా తయార‌య్యింది. వాస్త‌వానికి కేంద్రంలో అధికార పార్టీ అయినా ఏపీలో ఆపార్టీ ప‌రిస్థితి అంతంత‌మాత్ర‌మే. అందుకే ఇప్పుడు నంద్యాల వంటి ప‌రిస్థితుల్లో దాదాపు అంట‌రాని పార్టీగానే మారిపోయింది. అయినా రాజ‌కీయంగా టీడీపీకే త‌మ మ‌ద్ద‌తు అని ఆపార్టీ అధికారికంగా ప్ర‌క‌టించింది.

వాస్త‌వానికి మిత్ర‌పక్షాలు అన్న‌ప్పుడు క‌లిసి ప‌నిచేయాల్సి ఉంటుంది. ఇరుపార్టీలు ఉమ్మ‌డిగా ప్ర‌చార బాధ్య‌త‌లు స‌హా అన్నీ చూడాల్సి ఉంటుంది. కానీ నంద్యాల సీన్ రివ‌ర్స్. దానికి కార‌ణం కూడా లేక‌పోలేదు. నంద్యాల‌లో మైనార్టీల ప్ర‌భావం చాలా ఎక్కువ‌. అందులోనూ మైనార్టీల‌కు క్యాబినెట్ లో చోటు క‌ల్పించ‌లేద‌న్న కార‌ణంతో టీడీపీ మీద ఆ వ‌ర్గంలో వ్య‌తిరేక‌త క‌నిపిస్తోంది. అదే స‌మ‌యంలో మోడీకి మ‌ద్ద‌తు ప‌లుకుతున్న నేప‌థ్యంలో తెలుగుదేశానికి ఆ సెగ ఖాయం అన్న‌ట్టుగా ఉంది. అలాంటి ప‌రిస్థితుల్లో క‌మ‌ల‌నాధుల‌తో క‌లిసి సాగ‌డం ఇష్టం లేని టీడీపీ ఒంట‌రిగానే బ‌రిలో దిగింది.

క‌నీసం ఒక్క జెండా కూడా కాషాయం క‌నిపించ‌కుండా జాగ్ర‌త్త ప‌డుతోంది, కేంద్ర‌, రాష్ట్ర ప్ర‌భుత్వాల భాగ‌స్వామే అయిన‌ప్ప‌టికీ నంద్యాల‌లో మాత్రం పొత్తు లేద‌న్న‌ట్టుగా ప్ర‌వ‌ర్తిస్తోంది. అయినా బీజేపీ నేత‌లు ఏమీ అన‌లేని స్థితి. చివ‌ర‌కు జెండా లేకుండా ప్ర‌చారానికి రావాలంటూ పరిమితులు పెట్టినా క‌మ‌ల‌ద‌ళం క‌నీసం నోరెత్తలేని ప‌రిస్థితి ఉంది. కేంద్రం పెద్ద‌లు స్పందించ‌కుండా తాము టీడీపీతో వ్య‌వ‌హారం మీద విమ‌ర్శ‌లు చేయ‌డం ఇబ్బందిక‌రమ‌ని భావిస్తున్న నేత‌లంతా దాదాపుగా సైలెంట్ అయిపోయారు. అయినా చివ‌ర‌కు త‌మ‌ను దూరంగా పెడుతున్న టీడీపీకే మ‌ద్ధ‌తు అంటూ బీజేపీ ఏపీ క‌మిటీ ప్ర‌క‌టించ‌డం విశేషం. ఇక ఇప్పుడైనా బీజేపీ జెండా నంద్యాల‌లో క‌నిపిస్తుందా లేదా అన్న‌ది చ‌ర్చ‌నీయాంశ‌మే.






Related News

Payyavula-Keshav

పయ్యావుల కేశవ్ బాధపడుతున్నాడట..

Spread the loveతెలంగాణ తెదేపా కార్యనిర్వాహక అధ్యక్షుడు రేవంత్‌రెడ్డి తనను ఉద్దేశించి చేసిన వ్యాఖ్యలు బాధించాయని ఆ పార్టీ ఎమ్మెల్సీ,Read More

Adinarayana-Reddy1455803904

మంత్రి వర్సెస్ ఎంపీ

Spread the loveనిన్న మొన్న వరకూ తెలుగుదేశం తరపున చక్రం తిప్పిన వ్యక్తి ఆయన. రాష్ట్రానికి సీఎం చంద్రబాబు అయితేRead More

  • వైసీపీ నేత దుర్మరణం
  • రచ్చకెక్కిన వైసీపీ విబేధాలు
  • వైసీపీ నేతల అరెస్ట్
  • వైసీపీలో గందరగోళం
  • టీడీపీ ఎమ్మెల్యే ఇంట్లో బెల్ట్ షాప్
  • నేను పోటీ చేస్తున్నా…
  • మళ్లీ చేతికి పనిచెప్పిన బాలయ్య
  • ఎమ్మెల్యే బంధువుని చితక్కొట్టిన జనం
  • Leave a Reply

    Your email address will not be published. Required fields are marked *