జ‌గ‌న్, విజ‌య‌సాయి పంచేసుకున్నారు..!

jagan-vijaya-645-06-1486361225-06-1499360204
Spread the love

వాళ్లిద్ద‌రూ చిర‌కాల స‌న్నిహితులు. వైసీపీకి కీల‌క నేత‌లు. ఒక‌రు పార్టీ అధ్య‌క్షుడ‌యితే మ‌రొక‌రు ప్ర‌ధాన కార్య‌ద‌ర్శి. ఒక‌రు అసెంబ్లీలో ప్ర‌ధాన ప్ర‌తిప‌క్ష నేత‌గా ఉంటే , రెండోవారు పార్ల‌మెంట్ పెద్ద‌ల స‌భ‌లో పార్టీ ప్ర‌తినిధిగా ఉన్నారు. కానీ పార్టీ వ్య‌వ‌హారాల విష‌యంలో ప‌క్కా ప్రణాళికా బ‌ద్దంగా వ్య‌వ‌హ‌రిస్తున్న‌ట్టు క‌నిపిస్తోంది. ప‌ద‌వుల‌తో సంబంధం లేకుండా ప‌నిపంపిణీతో ముందుకెళుతున్నారు. తాజాగా ఏక‌కాలంలో రెండు ఎన్నిక‌లు జ‌రుగుతున్న త‌రుణంలో ఇద్ద‌రూ చెరోవైపు బాధ్య‌త‌లు నిర్వ‌హిస్తున్నారు.

నంద్యాల ఉప ఎన్నిక‌ల బాధ్య‌త‌ను జ‌గ‌న్ ప్ర‌తిష్టాత్మ‌కంగా తీసుకున్నారు. అక్క‌డే మ‌కాం వేసి మొత్తం వ్య‌వ‌హారాల‌ను చ‌క్క‌దిద్దుతున్నారు. శిల్పా విజ‌యం కోసం చెమ‌టోడుస్తున్నారు. బ‌హిరంగ‌స‌భ విజ‌యవంతం కావ‌డం, తాజాగా రోడ్ షోకి మంచి స్పంద‌న వ‌స్తుండ‌డంతో వైసీపీ శ్రేణుల్లో ఉత్సాహం క‌నిపిస్తోంది. సామాజికంగానూ క‌లిసొచ్చే త‌ర‌గ‌తులు మెజార్టీగా ఉండ‌డ‌మే కాకుండా, ప్రాంతీయంగా సీమ‌లో బాబు మీద వ్య‌తిరేక‌తే కాకుండా, జ‌గ‌న్ మీద ఉన్న సానుభూతి కూడా తోడ్ప‌తుంద‌ని భావిస్తున్నారు. అదే స‌మ‌యంలో టీడీపీలో విబేధాలు కూడా వైసీపీకి తోడ్ప‌డే అంశాలుగా ఉన్నాయి. దాంతో నంద్యాల విష‌యంలో వైసీపీ ఆశ‌లు చిగురులు దాలుస్తున్నాయి.

అదే స‌మ‌యంలో కాకినాడ ఎన్నిక‌లు కూడా ముందుకొచ్చాయి. కోర్ట్ నిర్ణ‌యంతో అనివార్యంగా ముందుకొచ్చిన ఎన్నిక‌లు స్థానిక సంస్థ‌కే అయిన‌ప్ప‌టికీ పార్టీ ప్ర‌భావం చూప‌డం అత్య‌వ‌స‌రంగా మారింది. గ‌డిచిన ఎన్నిక‌ల్లో గోదావ‌రి జిల్లాల్లో చేతులు కాల్చుకున్న త‌ర్వాత జ‌గ‌న్ అక్క‌డ ప‌ట్టుకోసం తీవ్రంగా శ్ర‌మించారు. కీల‌క‌నేత‌లు ప‌లువురిని పార్టీలో చేర్చుకున్నారు. కాకినాడ‌లో కూడా మాజీమంత్రి ముత్తా కుటుంబం, మాజీ ఎమ్మెల్యే క‌న్న‌బాబు వంటి వారు వైసీపీలో చేర‌డం కొంత బ‌లం పెంచింది. దాంతో కాకినాడ ఎన్నిక‌ల్లో పాగా వేయాల‌ని వైసీపీ ఆశిస్తోంది. దానికి త‌గ్గ‌ట్టుగానే జ‌గ‌న్ నంద్యాల‌లో ఊపిరిస‌ల‌ప‌కుండా ఉన్న నేప‌థ్యంలో కాకినాడ బాధ్య‌త‌ల‌ను విజ‌యసాయిరెడ్డి భుజాన వేసుకున్నారు. వ్యూహాలు ర‌చించ‌డంలో ఆరితేరిన ఈ ఆడిట‌ర్ దానికి త‌గ్గ‌ట్టుగా పావులు క‌దుపుతున్నారు. ముఖ్యంగా పార్టీలో పెద్ద‌స్థాయిలో క‌నిపించిన కోఆర్డినేట‌ర్ల మ‌ధ్య విబేధాల‌ను చ‌ల్లార్చ‌డంలో విజ‌య‌సాయి స‌క్సెస్ అయిన‌ట్టు చెబుతున్నారు. అది జ‌రిగితే న‌గ‌రంలో వైసీపీ బ‌లం రెట్టింప‌యిన‌ట్టేగానే భావించాల్సి ఉంటుంద‌ని అంటున్నారు. అందుకే దానికి త‌గ్గ‌ట్టుగా చ‌ర్చ‌లు జ‌రిపిన విజ‌య‌సాయి ఇరువ‌ర్గాల‌ను సంతృప్తి ప‌రిచేలా నిర్ణ‌యం తీసుకోవ‌డంతో కాకినాడ వైసీపీలో ఐక్య‌త‌కు బీజాలు ప‌డ్డాయ‌ని చెబుతున్నారు.

దాంతో నంద్యాల‌ను జ‌గ‌న్, కాకినాడ‌ను విజ‌య‌సాయిరెడ్డి వ్యూహాత్మ‌కంగా న‌డిపిస్తుండ‌డం విప‌క్షానికి తోడ్ప‌డుతుంద‌నే అంచ‌నాలున్నాయి. అదే స‌మ‌యంలో టీడీపీలో అధ్య‌క్షుడిగా ఉన్న చంద్ర‌బాబే రెండు ఎన్నిక‌ల‌ను స‌మ‌న్వ‌యం చేసుకోవాల్సి రావ‌డం విశేషం. ప్ర‌ధాన కార్య‌ద‌ర్శిగా ఉన్న ఆయ‌న వార‌సుడు మంత్రి నారా లోకేష్ ని మాత్రం దాదాపుగా దూరం పెట్టేశారు. దాంతో చంద్రబాబు ఆరోగ్యం అంత‌గా స‌హ‌క‌రించిక‌పోయినా పార్టీ కోసం చెమ‌టోడ్చ‌క త‌ప్ప‌డం లేదు. వైసీపీ లో ఇద్ద‌రు నేత‌లు ప‌క్కా ప్ర‌ణాళిక‌తో అడుగులేస్తుండ‌గా, టీడీపీ శిబిరంలో అన్నింటికీ అధినేత‌వైపు చూడాల్సి రావ‌డం క్యాడ‌ర్ స‌మ‌న్వ‌యంలో స‌మ‌స్య‌లు వ‌స్తున్నాయి. మొత్తంగా ఏపీ వైసీపీకి జ‌గ‌న్ కి త‌గ్గ స‌హ‌చ‌రుడిగా విజ‌య‌సాయి రెడ్డి మారుతుండ‌డం విశేషం. అటు స‌భ‌లోనూ, బ‌య‌టే కాకుండా, ఢిల్లీ నుంచి గ‌ల్లీ వ‌ర‌కూ విజ‌య‌సాయిరెడ్డి నేరుగా ఎన్నిక‌ల స‌మ‌రంలోనూ స్కెచ్ లు వేస్తుండ‌డం ఆశ్చ‌ర్య‌మే. ప్ర‌త్య‌క్ష ఎన్నిక‌ల అనుభ‌వ‌మే లేని విజ‌య‌సాయి నేతృత్వం ప్ర‌స్తుతానికి ఫ‌లితాల‌నిస్తున్న‌ట్టే ఉంది. కానీ చివ‌ర‌కు తుది ప‌లితాలు ఎలా ఉంటాయ‌న్న దానిని బ‌ట్టి ఆయ‌న సార‌ధ్యం మీద క్యాడ‌ర్ లో మ‌రింత విశ్వాసం పెర‌గ‌డ‌మా, త‌గ్గ‌డ‌మా అన్న‌ది ఆధార‌ప‌డి ఉంటుంది.






Related News

24-1443102383-ys-jagan-ramoji-rao-600

రామోజీ జగన్ రెండో భేటీ రహస్యం

Spread the love21Sharesఏపీ రాజకీయాల్లో కొత్త పరిణామాలకు లోటు లేదు. తాజాగా వైఎస్ జగన్ మరోసారి రామోజీరావుని కలవడం చర్చనీయాంశంRead More

DMjD9f8VQAATMr7

అయినా..బాబు మారలేదు

Spread the love15Sharesమనిషి మారలేదు..అతని తనివి తీరలేదు అంటూ సినిమా దర్శకుడు రాసిన పాటను ఇక్కడ గుర్తు చేసుకుంటే చంద్రబాబుRead More

  • బాబు ఖాతాలో మరో వికెట్ అంతే…!
  • కేసీఆర్ వ్యూహం..బాబు జాతీయ హోదా గల్లంతు
  • వైసీపీ వ్యూహానికి బుట్టా బలి..
  • చంద్రబాబుకి ఓ ఇంటాయన లేఖ
  • మోడీకి మరో షాక్, దేశద్రోహులకు గ్రీన్ సిగ్నల్
  • కేసీఆర్ తో కేశవ్: కలచివేత ఎవరికి?
  • అమిత్ షా అవినీతికి ఆధారాలివిగో…
  • పవన్ కల్యాణ్ పొజిషన్ ఏంటి?
  • Leave a Reply

    Your email address will not be published. Required fields are marked *