Main Menu

బాబుని పున‌రాలోచ‌న‌లో ప‌డేసిన వైసీపీ

Spread the love

వైసీపీ కార్య‌క్రమం ఏపీ సీఎం ని పునరాలోచ‌న‌లో ప‌డేసింది. తాజాగా రాష్ట్రంలో జ‌రుగుతున్న ప‌రిణామాల్లో కీల‌క స‌మ‌యంలో వైసీపీ చేప‌ట్టిన ఆందోళ‌న టీడీపీ నేత దృష్టిలో ప‌డింది. ప్ర‌త్యేక హోదా కోరుతూ రాష్ట్ర వ్యాప్త‌గా క‌లెక్ట‌రేట్ల వ‌ద్ద నిర‌స‌న కార్య‌క్ర‌మాల‌కు వైసీపీ పిలుపునిచ్చింది. రాష్ట్రంలోని అన్ని క‌లెక్ట‌ర్ ఆఫీసుల ముందు ఆపార్టీ శ్రేణులు తీవ్ర‌స్థాయిలో నిర‌స‌న‌లు తెలిపారు. అయితే ప్ర‌భుత్వం ముంద‌స్తు సూచ‌న‌ల‌తో పోలీసుల‌ను క‌ట్ట‌డి చేసింది. క‌లెక్ట‌ర్ కార్యాల‌యాలు ముట్ట‌డించిన‌ప్ప‌టికీ ఎక్క‌డా అడ్డుకున్న దాఖ‌లాలు లేవు. అరెస్టులు లేవు. ఒక‌వేళ పోలీసులు సంయ‌మ‌నం పాటించ‌క‌పోతే ప్ర‌జ‌ల్లో ఉన్న వ్య‌తిరేక‌త మ‌రింత పెరుగుతుంద‌ని భావించిన ప్ర‌భుత్వం ముందుచూపుతోనే పోలీసుల‌ను నియంత్రించింద‌ని భావిస్తున్నారు.

అదే స‌మ‌యంలో జిల్లా క‌లెక్ట‌రేట్ల వ‌ద్ద‌కు త‌ర‌లివ‌స్తున్న వారి సంఖ్య‌పై ఎప్పటిక‌ప్పుడు ఇంటిలిజెన్స్ నివేదిక‌ల‌ను సీఎం చంద్ర‌బాబు పరిశీలించిన‌ట్టు చెబుతున్నారు. గ‌తం క‌న్నా భిన్నంగా వైసీపీ శ్రేణుల్లో ఉత్సాహం క‌నిపించింద‌ని ఉన్న‌త స్థాయి ఇంటిలిజెన్స్ అధికారి వ‌ర‌కూ ఆఫ్ ది రికార్డ్ లో చేసిన వ్యాఖ్య సారాంశం స‌ర్కారు దృష్టికి వెళ్లి ఉంటుంద‌ని చెబుతున్నారు. త‌ద్వారా వైసీపీ పిలుపున‌కు విశేష స్పంద‌న ల‌భించింద‌ని పాల‌క ప‌క్ష పెద్ద‌ల్లోనే చ‌ర్చ సాగుతోంది. గ‌తానికి మించి యువ‌త పాల్గొన‌డం, ఆందోళ‌న‌లో భాగ‌స్వాముల‌యిన వారంద‌రిలో ఉత్సాహం క‌నిపించ‌డం కొత్త ప‌రిణామంగా అంచ‌నా వేస్తున్నారు. ఎన్నిక‌ల స‌మ‌యంలో సెంటిమెంట్ తో కూడిన అంశంపై కార్య‌క్ర‌మం ద్వారా జ‌గ‌న్ ఓ అడుగు వేశార‌ని చెబుతున్నారు. అది వైసీపీకి సానుకూలాంశంగా మారే ప్ర‌మాదం ఉంద‌ని టీడీపీ నేత‌లు అంచ‌నా వేస్తున్న త‌రుణంలో విరుగుడుగా ఏదో చేయాల‌నే ఆలోచ‌న‌కు చంద్ర‌బాబు వ‌చ్చార‌ని స‌మాచారం.

దాంతో ఈ వ్య‌వ‌హారంలో చంద్ర‌బాబు నేరుగా క‌న్నా జ‌న‌సేన రూపంలో స్పందించేలా ఓ ప‌థ‌కం సిద్ధం చేయ‌బోతున్నార‌న్న ప్ర‌చారం సాగుతోంది. దానికి త‌గ్గ‌ట్టుగానే ప‌వ‌న్ క‌ళ్యాణ్ తాజాగా ఫోటో షూట్ స్టిల్స్ బ‌య‌ట‌కు వ‌చ్చాయి. త్వ‌ర‌లో ప్ర‌త్యేక హోదాకి సంబంధించి జ‌న‌సేన ఓ కార్య‌క్ర‌మం చేప‌ట్ట‌డం ఖాయ‌మ‌ని భావిస్తున్నారు. త‌ద్వారా జ‌గ‌న్ జంత‌ర్ మంత‌ర్ ధ‌ర్నాకి పిలుపునిచ్చిన నేప‌థ్యంలో కొంద‌రి దృష్టినైనా మ‌ళ్లించే య‌త్నం చేయాల‌న్న అభిప్రాయానికి వ‌చ్చిన‌ట్టు క‌నిపిస్తోంది. వాస్త‌వానికి ఢిల్లీలో ప‌రిణామాలు చూసి యాక్ష‌న్ ప్రారంభించాల‌ని చంద్ర‌బాబు ఆశించినప్ప‌టికీ, తాజాగా జిల్లా కేంద్రాల్లో ధ‌ర్నాల తర్వాత పున‌రాలోచ‌న చేసి కొత్త ప‌థ‌కం సిద్దం చేస్తున్నార‌ని భావిస్తున్నారు. ఏమ‌యినా ఢిల్లీ నేత‌ల‌ను క‌దిలించాల్సిన ప్ర‌త్యేక హోదా నినాదంతో ప్ర‌స్తుతానికి చంద్ర‌బాబులో క‌ద‌లిక‌ను ఖాయం చేసింద‌ని చెబుతున్నారు.






Related News

రాధా ముందు నుయ్యి..వెనుక గొయ్యి..!

Spread the loveవంగ‌వీటి రాధా వ్య‌వ‌హారం ఆసక్తిగా మారుతోంది. వైసీపీలో ఆయ‌న కొన‌సాగుతారా లేదా అన్న‌ది చ‌ర్చ‌నీయాంశం అవుతోంది. మూడుRead More

చంద్ర‌బాబు షాకివ్వ‌బోతున్న ఎమ్మెల్యేల జాబితా ఇదే

Spread the loveఆంధ్ర‌ప్ర‌దేశ్ లో ఎన్నిక‌ల వేడి క్రమంగా రాజుకుంటోంది. అన్ని పార్టీలు అభ్య‌ర్థుల విష‌యంలో క‌స‌ర‌త్తులు ప్రారంభించారు. గ‌తంRead More

Leave a Reply

Your email address will not be published. Required fields are marked *