Main Menu

ఏపీలో ఒంట‌రిగా మిగిలిన టీడీపీ!

chandrababu
Spread the love

ఏపీ రాజ‌కీయాల్లో ప్ర‌త్యేక హోదా ఉద్య‌మం హీటు రాజేస్తోంది. అన్ని పార్టీలు అదే డిమాండ్ తో సాగాల్సిన స్థితి వ‌చ్చేసింది. అయితే ఇప్పుడు హోదాని రాజ‌కీయంగా నిల‌బెట్టుకోవ‌డంలో ఛాంపియ‌న్ ఎవ‌ర‌న్న‌దే ప్ర‌శ్న‌. అయితే తాజాగా ఏపీ బంద్ స‌క్సెస్ అయిన తీరు గ‌మ‌నిస్తే అధికార తెలుగుదేశం పార్టీ ఒంట‌రిగా మిగిలిన‌ట్టు క‌నిపిస్తోంది. ఏపీలో బీజేపీ ప్ర‌భావం అంతంత‌మాత్ర‌మే. వాస్త‌వానికి సింగిల్ గా ఎన్నిక‌ల‌కు వెళితే సింగిల్ సీటు కూడా సొంతంగా గెల‌వ‌డం ఆపార్టీకి క‌ష్ట‌మే. దానిని ఆపార్టీ నేత పైడికొండ‌ల మాణిక్యాల‌రావు కూడా అంగీక‌రించారు. తాము వెంట్రుక‌తో స‌మానం అని పేర్కొన్నారు. అయితే తాజాగా హోదా ఉద్య‌మం మాత్రం బీజేపీకి ఉన్న కొద్దిపాటి బ‌లం కోల్పోయే ప‌రిస్థితిని తీసుకొస్తే టీడీపీకి తీవ్ర న‌ష్టం చేకూర్చే ప్ర‌మాదం ఉంది. తాజాగా బంద్ దానికి సంకేతంగా భావించ‌వ‌చ్చు.

బంద్ కార‌ణంగా దాదాపు అన్ని ప‌క్షాలు ఏక‌మ‌య్యాయి. బీజేపీ, టీడీపీయేత‌ర పార్టీల‌న్నీ ఒకే తాటి మీద‌కు వ‌చ్చాయి. ఒకే నినాదం వినిపించాయి.హోదా ఉద్య‌మంలో ప్ర‌జ‌ల నుంచి వ‌చ్చిన విశేష స్పంద‌న‌తో హుషారుగా క‌నిపించాయి. ముఖ్యంగా రెండు నెల‌ల వ్య‌వ‌ధిలో ఇది రెండో బంద్ కావ‌డం విశేషం. అయినా ప్ర‌జ‌లు మాత్రం పార్టీల‌కు స్వ‌శ్ఛందంగా స‌హ‌క‌రించారు. కొన్ని చోట్ల స‌ర్కారు ఆటంకాలు క‌ల్పించిన‌ప్ప‌టికీ జ‌నం మాత్రం హోదా కోసం ఉద్య‌మించారు. త‌ద్వారా పాల‌క‌ప‌క్షాల‌కు కొంత క‌ల‌వ‌రం పెంచారు. ఇప్ప‌టికే ఈ ఉద్య‌మంలో వెనుక‌బ‌డి ఉన్నామ‌ని భావిస్తున్న టీడీపీకి ఈ వ్య‌వ‌హారం కొంత త‌ల‌నొప్పిగా త‌యార‌య్యింది. విప‌క్షాల బంద్ కి ప్ర‌జ‌లు పెద్ద‌స్థాయిలో స్పందించి స‌క్సెస్ చేయ‌డంతో స‌త‌మ‌తం అవుతోంది.

దాంతో టీడీపీ కూడా ఆందోళ‌న ఉధృతం చేయాల‌ని నిర్ణ‌యించింది. అందులో భాగంగానే తాజాగా నిర్వ‌హించిన పార్టీ స‌మావేశంలో దీక్ష‌ల‌తో పాటు రేప‌టి నుంచి నిత్యం కార్య‌క్ర‌మాలు చేప‌ట్టాల‌ని ఆదేశించారు. దాంతో టీడీపీ ఒంట‌రిగా మారిపోతున్న త‌రుణంలో ఈ స‌మ‌స్య నుంచి తేరుకునే మార్గాలు అన్వేషిస్తోంది. ఎలాంటి ఫ‌లితాలు వ‌స్తాయో చూడాలి.






Related News

ANNACANTEEN

అన్న క్యాంటీన్లు- అస‌లు మ‌త‌ల‌బు

Spread the love2Sharesఏపీలో ఎంతో అభివృద్ధి జ‌రిగింద‌ని, దేశ‌మ‌యితే ఎంతో అభివృద్ధి చెందుతోంద‌ని నేత‌లు అదే ప‌నిగా ప్ర‌చారార్భాటం చేస్తున్నRead More

tdp

వార‌సుల కోసం నేత‌ల పాట్లు

Spread the love2Sharesప్ర‌జాస్వామ్యంలో వార‌స‌త్వ రాజ‌కీయాల‌కు కొద‌వ ఉండ‌డం లేదు. ప్ర‌ధాన పార్టీల‌న్నింటా అదే తంతు కనిపిస్తోంది. ఒక‌ప్పుడు కాంగ్రెస్Read More

Leave a Reply

Your email address will not be published. Required fields are marked *