జ‌గ‌న్ కాల్పుల‌పై కేంద్రీక‌ర‌ణ‌..!

jagan
Spread the love

నంద్యాల ఉప ఎన్నిక‌ల బ‌హిరంగ‌స‌భ గ్రాండ్ స‌క్సెస్ అయ్యింది. కానీ దాని ప్ర‌భావం రాష్ట్ర‌మంతా ప‌డ‌కుండా అధికార‌ప‌క్షం వేసిన ఎత్తులు ఫ‌లిస్తున్న‌ట్టే క‌నిపిస్తున్నాయి. దానికి కార‌ణం ప్ర‌తిప‌క్ష నేత నోటిదురుసే కావ‌డం విశేషం. ఒక్క మాట నోరు జార‌డంతో దాని మీద కేంద్రీక‌రించిన అధికార‌ప‌క్షం పెద్ద‌స్థాయిలో ర‌చ్చ చేస్తోంది. ఫిరాయింపు ఎమ్మెల్సీ ని రాజీనామా చేయించి పార్టీలో చేర్చుకోవ‌డం ద్వారా త‌న మార్క్ రాజ‌కీయాలు చూపించిన జ‌గ‌న్ దూకుడు జ‌నంలోకి చేర‌కుండా టీడీపీ ప్ర‌య‌త్నిస్తోంది. 21మంది ఎమ్మెల్యేల‌ను పార్టీలో చేర్చుకున్న‌ప్పుడు గానీ, చివ‌ర‌కు కోర్ట్ నోటీసులు ఇచ్చినా గానీ రాజీనామాల‌కు వెన‌కాడుతున్న చంద్ర‌బాబు తీరును బ‌హిరంగ‌స‌భ సాక్షిగా జ‌గ‌న్ ఎండ‌గ‌ట్టారు. కానీ ఆ విష‌యం ప్ర‌జ‌ల్లోకి
వెళ్ల‌కుండా టీడీపీ విశ్వ‌యత్నాలు చేస్తోంది. అదే క్ర‌మంలో జ‌గ‌న్ పై నైతిక దాడి సాగిస్తోంది. జ‌గ‌న్ , ఆయ‌న తండ్రి మీద సుదీర్ఘ‌కాలంగా ఉన్న ఫ్యాక్ష‌న్ ముద్ర ను మ‌రింత రాజేయాల‌ని చూస్తోంది. సీఎం కాక‌ముందు వైఎస్ మీద ఫ్యాక్ష‌న్ ముద్ర చాలాకాలం ప‌నిచేసింది. ఆత‌ర్వాత కూడా ఆయ‌న్ని బ‌ద్నాం చేయ‌డానికి విప‌క్షాలు అదే నింద‌లు వేసినా జ‌నం మాత్రం వాటిని ప‌క్క‌న పెట్టి వైఎస్ ను ఆద‌రించ‌డ‌డం విశేషం.

ఇక ఇప్పుడు వ‌ర్త‌మానంలో జ‌గ‌న్ కి, వైసీపీకి నంద్యాల‌లో ఆపూర్వ ఆద‌ర‌ణ ల‌భించింది. క‌నీవినీ ఎరుగని రీతిలో నంద్యాల స‌భ జ‌రిగింది. జ‌న‌సందోహంతో కిట‌కిట‌లాడిన స‌భ‌లో జ‌గ‌న్ స‌హా నేతలంతా ఓ రేంజ్ లో దాడి చేశారు. టీడీపీ నేత‌లు, విధానాల మీద దండెత్తారు. జ‌నం కూడా అదే స్థాయిలో స్వీక‌రించారు. ఓట‌ర్ల‌ను స‌భ సంపూర్ణంగా ఆక‌ట్టుకున్న‌ట్టు క‌నిపిస్తోంది. దాంతో కంగారుప‌డిన అధికార‌ప‌క్షానికి జ‌గ‌న్ మాట‌ల సంద‌ర్బంలో చేసిన వ్యాఖ్య‌లు అవ‌కాశం క‌ల్పించాయి. టీడీపీ అనుకూల ప‌త్రిక‌ల్లో బ్యాన‌ర్ ఐటెమ్స్ గానూ, మీడియా హెడ్ లైన్స్ లోనూ ప‌దే ప‌దే ప్ర‌స్తావించ‌డం ద్వారా ప్ర‌జ‌లంద‌రి దృష్టి ఆ విష‌యం మీద మ‌ళ్లించే ప్ర‌య‌త్నం సాగుతోంది. దానికి తోడు టీడీపీ అధిష్టానం ఆదేశాల‌తో రాష్ట్ర‌మంతా త‌మ్ముళ్ళు రోడ్డెక్క‌డం, పీఎస్ లో ఫిర్యాదులు చేయ‌డం సాగిపోతోంది. ఈ నేప‌థ్యంలో గ‌తంలో చంద్ర‌బాబు అసెంబ్లీ సాక్షిగా అంతుచూస్తామ‌ని చెప్పిన మాట‌ల‌ను వైసీపీ నేత‌లు ప్ర‌స్తావిస్తున్నా ప్ర‌జ‌ల్లో మాత్రం కాల్పుల అంశ‌మే కేంద్ర‌స్థానంగా మారుతోంది. మొత్తంగా చంద్ర‌బాబు అండ్ కో అనేక అవ‌కాశాల కోసం ఎదురుచూసి చివ‌ర‌కు కాల్పుల సాయంతో గ‌ట్టెక్కాల‌న్న సంక‌ల్పంతో ఉన్న‌ట్టు స్ప‌ష్ట‌మ‌వుతోంది. మ‌రి ప్ర‌జ‌లు అంత త్వ‌ర‌గా ఈ వాద‌న‌ను అంగీక‌రిస్తారా అంటే అనుమాన‌మే.






Related News

24-1443102383-ys-jagan-ramoji-rao-600

రామోజీ జగన్ రెండో భేటీ రహస్యం

Spread the loveఏపీ రాజకీయాల్లో కొత్త పరిణామాలకు లోటు లేదు. తాజాగా వైఎస్ జగన్ మరోసారి రామోజీరావుని కలవడం చర్చనీయాంశంRead More

DMjD9f8VQAATMr7

అయినా..బాబు మారలేదు

Spread the loveమనిషి మారలేదు..అతని తనివి తీరలేదు అంటూ సినిమా దర్శకుడు రాసిన పాటను ఇక్కడ గుర్తు చేసుకుంటే చంద్రబాబుRead More

  • బాబు ఖాతాలో మరో వికెట్ అంతే…!
  • కేసీఆర్ వ్యూహం..బాబు జాతీయ హోదా గల్లంతు
  • వైసీపీ వ్యూహానికి బుట్టా బలి..
  • చంద్రబాబుకి ఓ ఇంటాయన లేఖ
  • మోడీకి మరో షాక్, దేశద్రోహులకు గ్రీన్ సిగ్నల్
  • కేసీఆర్ తో కేశవ్: కలచివేత ఎవరికి?
  • అమిత్ షా అవినీతికి ఆధారాలివిగో…
  • పవన్ కల్యాణ్ పొజిషన్ ఏంటి?
  • Leave a Reply

    Your email address will not be published. Required fields are marked *