బాబూ..మీ మాటలు గానీ..!!

CHANDRABABU
Spread the love

నంద్యాల విజయం తర్వాత చంద్రబాబు వ్యవహారం అసాధారణంగా కనిపిస్తోంది. ఆయనకు హద్దూ పద్దూ ఉన్నట్టుగా కనిపించడం లేదు. తాజాగా ఎల్లో నంద్యాల అని పుస్తకం రాస్తారట. నంద్యాల అభివ్రుద్ధిని అందరికీ చూపిస్తారట. అందరూ చూసి తరలించాలట. నంద్యాల మాదిరిగా రాష్ట్రంలోని అన్ని నియోజకవర్గాలను తీర్చిదిద్దురాట. అంతవరకూ బాగానే ఉంది. చంద్రబాబు మాటలు అందరినీ ఆకట్టుకునేలా ఉన్నాయి. కానీ మాటలతో ఆకట్టుకోవడం అందరికీ సులువే గానీ చేతల్లో చూపించడమే చాలా కష్టం. అందుకే చంద్రబాబుకి ఈ ప్రయత్నం సాధ్యమేనా అన్న చర్చ సాగుతోంది. నంద్యాల మాదిరిగా అన్ని నియోజకవర్గాల్లో అభివ్రుద్ధి చేస్తామని చెబుతున్న మాటలు నమ్మశక్యమేనా అనిపిస్తోంది.

రాష్ట్రవ్యాప్తంగా నంద్యాల మోడల్ లో అభివ్రుద్ధి చేస్తామని, సెప్టెంబర్ 1న నేతలంతా నంద్యాల వెళ్లి అదే రీతిలో అందరికీ అభివ్రుద్ధి గురించి చెప్పాలని ఆయన సెలవిచ్చారు. కానీ అసలు విషయం ఏమంటే నంద్యాలలో ఉప ఎన్నిక గట్టెక్కడానికి చంద్రబాబు చేసిన ప్రయత్నం అసాధారణం. పార్టీ పేరుతో చేసిన వ్యయం పక్కన పెడితే అధికారికంగా ప్రభుత్వం నిధుల వరద నంద్యాల కుందూ నదిని మించి పొంగింది. అదే ప్రజల విశ్వాసం చూరగొనడానికి కారణం అయ్యింది. రాబోయే ఏడాదిన్నరలో అభివ్రుద్ధి జరగాలంటే చంద్రబాబుకే ఓటేయాలని జనం విశ్వసించడానికి దారితీసింది. ఒకవేళ టీడీపీకి ఓటేయకపోతే అభివ్రుద్ది ఆగిపోతుందనే ఆందోళన కూడా ఓట్ల వెల్లువకు తోడ్పడింది.

కానీ అదే రీతిలో రాష్ట్రంలోని అన్ని నియోజకవర్గాల్లో చేయాలంటే చంద్రబాబు 175 నియోజకవర్గాలకు 1500 కోట్ల చొప్పున 2,62,500 కోట్ల రూపాయలు కావాలి. కానీ చంద్రబాబు ప్రభుత్వం ఇంకా కేవలం ఒక బడ్జెట్ మాత్రమే ప్రవేశ పెట్టే అవకాశం ఉంది. ఎన్నికల ముందు వచ్చేది ఓట్ ఆన్ బడ్జెట్ మాత్రమే. దాంతో మొత్తం ఏపీ బడ్జెట్ అంతా కలుపుకున్నా 1.5లక్షల కోట్లకు మించదు. అందులో ప్రణాళికా వ్యయం తీసివేయగా మిగిలింది 50వేల కోట్లు కూడా ఉండదు. అందులో మళ్లీ అమరావతి, పోలవరం వంటి కీలక ప్రాజెక్టులకు పోగా మిగిలేది అంతంత మాత్రమే. ఇక రెండేళ్లకు చూసుకున్నా బాబుకి లక్ష కోట్లు కూడా అభివ్రుద్ధికి నిధులుండవు. అలాంటిది నంద్యాల మాదిరిగా రెండున్నర లక్షల కోట్లు కేటాయిస్తానని చెప్పడం విశేషమే. విస్మయకరమే. అందుకే బాబు మాటలకు ఆచరణకు అంత పొంతన ఉండదని మరోసారి రుజువయ్యింది.






Related News

1413461075-1397-600x448

జనసేన మీద కుట్ర వెనుక బిగ్ బాస్ ..!

Spread the love55Sharesఏపీ రాజకీయాల్లో ఆసక్తికర మార్పులు ఖాయమనే అభిప్రాయం వ్యక్తమవుతోంది. నిన్నటి వరకూ బాగా దగ్గరగా కనిపించిన బాబు,Read More

26733970_571158349896684_6572144975541743228_n

సర్వే: ఏపీలో వైసీపీ హవా

Spread the love115Sharesరిపబ్లిక్ టీవీ తాజాగా సర్వే వెల్లడించింది. ఆంధ్రప్రదేశ్ కి సంబంధించి ఆ చానెల్ వెల్లడిచంిన లెక్కలు ఆశ్చర్యకరంగాRead More

  • కత్తి కథతో ఇరకాటంలో కాటమరాయుడు
  • కాంగ్రెస్ తో చేతులు కలిపి మోడీకి షాకిచ్చిన టీడీపీ
  • మళ్లీ పాత నినాదం అందుకుంటున్న టీడీపీ
  • జగన్ జీవితంలో కీలకంగా మారబోతున్న ఏడాది
  • రజనీకాంత్ రాణిస్తాడా?
  • వైసీపీ విఫలమవుతోంది..
  • బాబుకి బ్రేకప్ చెప్పాలనే తపనలో బీజేపీ
  • బాబు ఆశలపై గుజరాత్ ఎఫెక్ట్
  • Leave a Reply

    Your email address will not be published. Required fields are marked *