Main Menu

బాబుకి బ్రేకప్ చెప్పాలనే తపనలో బీజేపీ

Spread the love

ఏపీ బీజేపీ నేతలు దూకుడు పెంచారు. తెలుగుదేశం అధినేతకు తలనొప్పిగా మారుతున్నారు. గుజరాత్, హిమాచల్ ప్రదేశ్ ఫలితాల తర్వాత దూకుడు పెంచిన సోము వీర్రాజు వంటి వారి తీరు ఇప్పుడు చర్చనీయాంశం అవుతోంది. ఏకంగా సొంతంగా పోటీ చేసి సత్తా చాటుతామంటూ ఆయన వ్యాఖ్యానించడం కలకలం రేపుతోంది. దానికి తగ్గట్టుగానే సోము వీర్రాజు మీద బీజేపీ అధిష్టానానికి ఫిర్యాదు చేయాలని టీడీపీ నిర్ణయం తీసుకుంది. దాంతో ఇరు పార్టీల మధ్య ఇప్పుడు మరోసారి మాటల యుద్ధానికి తెరలేచింది.

ఏపీ బీజేపీ నేతలను గతంలో అమిత్ షా నియంత్రించడంంతో కొంత వెనక్కి తగ్గారు. కానీ తాజాగా చంద్రబాబు అవినీతిని, ఫిరాయింపు రాజకీయాలను, అన్నింటినీ సోము వీర్రాజు చెలరేగిపోవడంతో స్వేచ్ఛ లభించినట్టుగా కనిపిస్తోందనే అంచనాలున్నాయి. అదే జరిగితే టీడీపీ, బీజేపీ మధ్య బంధం మరింత సన్నబడడం ఖాయం. ఇప్పటికే పోలవరం విషయంలో బాబుని ఇబ్బందుల్లోకి నెట్టేశారు. రాజధాని విషయంలోనూ గట్టిగా పట్టుదలతో కనిపిస్తున్నారు. అనేక అంశాలలో అంతంతమాత్రంగానే ఉన్నప్పటికీ డీజీపీ నియామకంలో దాదాపుగా బాబు ప్రతిపాదనలన్నీ వెనక్కి పంపేశారు. మొత్తంగా కేంద్రంలో భాగస్వామిగా ఉన్నప్పటికీ దానికి తగ్గ ప్రాధాన్యం మాత్రం టీడీపీకి దక్కడం లేదు.

ఈ నేపథ్యంలో మిత్రపక్షాల మధ్య సంబంధాల గురించి మరోసారి చర్చనీయాంశం అవుతోంది. ఏపీ బీజేపీ నేతలు మాత్రం టీడీపీని వదలకుండా రాష్ట్రంలో పుంజుకునే అవకాశాలు లేవని తేల్చేయడంతో కేంద్రం పెద్దలు కూడా పునరాలోచన చేయడం ఖాయం అవుతోంది. అదే జరిగితే బ్రేకప్ కి ఎక్కువ సమయం పట్టకపోవచ్చు. అదే సమయంలో కొత్త పరిణామాలకు అది నాంది కూడా కావచ్చు.






Related News

బాబుకి కాలు అడ్డుపెడుతున్న కేసీఆర్!

Spread the loveతెలంగాణాలో వ‌ర‌సుగా రెండోసారి విజయం ద‌క్క‌డంతో కారు పార్టీ అధినేత ఉత్సాహం రెట్టింప‌య్యింది. ఎన్న‌డూ లేనంత జోష్Read More

మ‌రో మెగాబ్ర‌ద‌ర్ పొలిటిక‌ల్ ఎంట్రీ క్లియ‌ర్

Spread the loveమెగాస్టార్ చిరంజీవి సినిమా రంగంలో చ‌రిత్ర సృష్టించారు. ఆయ‌న్ని అనుస‌రిస్తూ ఇద్ద‌రు బ్ర‌ద‌ర్స్ టాలీవుడ్ లో ఎంట్రీRead More

Leave a Reply

Your email address will not be published. Required fields are marked *