Main Menu

ఒంటరయిపోయిన గంటా

Spread the love

ఏపీ మంత్రి గంటా ఒంటరిగా మారిపోయారు. సొంత గడ్డ విశాఖలో ఆయనకు సహకరించే వారే లేకుండా పోయారు. దాంతో విశాఖ రాజకీయాల్లో చాలాకాలంగా చక్రం తిప్పుతున్న గంటా శ్రీనివాసరావు హఠాత్తుగా ఒంటరిగా మిగిలిపోయిన వ్యవహారం ఆశ్చర్యంగా మారింది. చర్చనీయాంశం అవుతోంది. చివరకు ఆయన అనుచరులుగా ఉన్న ఎమ్మెల్యేలు సైతం ఆయన నిర్వహించిన కార్యక్రమానికి మొఖం చాటేయడం చర్చనీయాంశం అవుతోంది. రాజకీయంగా ఆసక్తి రేపుతోంది. విశాఖ ఉత్సవ్ తెచ్చిన చిచ్చుతో తెలుగుదేశం రాజకీయాల్లో కొత్త హీటు రాజుకుంది. మూడు రోజుల ఉత్సవ్ లో మొదటి రోజుల కార్యక్రమానికి కేవలం ఒక్క అనకాపల్లి ఎమ్మెల్యే మిగిలిన నేతలంతా ఢుమ్మా కొట్టేశారు.

వాస్తవానికి ఉత్సవ్ పేరుతో విశాఖలో భారీగా వసూళ్ల ప్రక్రియ సాగిందనే ఆరోపణలున్నాయి. నగరంలోని అన్ని ప్రధాన సంస్థల నుంచి సాగించిన వసూళ్ల వ్యవహారంలో వాటాల విషయంలో వచ్చిన విబేధాలతో కొందరు దూరం అయ్యారని సమాచారం. అదే సమయంలో ఈవెంట్ మేనేజ్ మెంట్ పేరుతో కొన్ని సంస్థలకు భారీగా ప్రయోజనం కలిగించేలా తీసుకుంటున్న నిర్ణయాలు కూడా పలువురిలో ఆగ్రహం కలిగించినట్టు ప్రచారం సాగుతోంది. పర్యాటక శాఖ అధికారులు కూడా ఒక్క గంటా మినహా మిగిలినవారందరినీ ఖాతరు చేయడం లేదనే అభిప్రాయం ఎమ్మెల్యేల్లో కనిపిస్తోంది. అన్నీ కలిసి మూకుమ్మడిగా నిర్ణయం తీసుకుని విశాఖ ఉత్సవ్ కి దూరం కావడం గంటాకి మింగుడు పడడం లేదు. కనీసం చివరిరోజయినా కొందరినీ విశాఖ ఉత్సవ్ లో కనిపించేలా చేయడానికి ప్రయత్నాలు ప్రారంభించినట్టు సమాచారం.

ఈ కార్యక్రమానికి సీఎం కూడా హాజరుకాలేదు. ఇన్చార్జ్ మంత్రి చినరాజప్ప కనీసం మొఖం కూడా చూపించలేదు. దాంతో ఎమ్మెల్యేలంతా డుమ్మా కొట్టేసిన తీరుతో గంటా గొంతులో వెలక్కాయపడ్డట్టయ్యింది. ఈ పరిణామాలపై టీడీపీ అధిష్టానం ఆరాతీసినట్టు సమాచారం.






Related News

ఉత్త‌రాంధ్ర‌లో ఖ‌రార‌యిన వైసీపీ అభ్య‌ర్థులు

Spread the love9Sharesవైసీపీ అధినేత వ‌చ్చే ఎన్నిక‌ల‌పై దృష్టిపెట్టారు. న‌వంబ‌ర్ మొద‌టి వారంలో త‌న ప్ర‌జాసంకల్ప‌యాత్ర ముగించ‌బోతున్న జ‌గ‌న్ ఈలోగానేRead More

ఫిరాయించేందుకు సిద్ధమవుతున్న టీడీపీ ఎమ్మెల్యే

Spread the love5Sharesతెలుగుదేశం పార్టీ నేతలు సందిగ్ధంలో ఉన్నారు. సొంత పార్టీ మీద విశ్వాసం కొనసాగించలేక, ప్రతిపక్ష వైసీపీలో ధీమాRead More

Leave a Reply

Your email address will not be published. Required fields are marked *