Main Menu

టీడీపీ మంత్రుల‌ త‌గాదాతో అధికారుల‌కు తంటా..

tdp
Spread the love

అధికార పార్టీ అమాత్యుల వ్య‌వ‌హారం ఆఖ‌రికి ఉరిమి ఉరిమి మంగ‌ళం మీద ప‌డ్డ‌ట్ట‌వుతోంది. సామాన్య అధికారులు బ‌ల‌పశువులుగా మారుతున్నాయి. తాజాగా ఇద్ద‌రు ప‌శుసంవ‌ర్థ‌క శాఖ అధికారుల‌పై క‌లెక్ట‌ర్ చర్య‌లు తీసుకున్నారు. స‌రెండర్ చేసేశారు. విశాఖ జిల్లాలో మంత్రులు అయ్య‌న్న‌పాత్రుడు, గంటా శ్రీనివాస‌రావు మ‌ధ్య వివాదం కొత్త మ‌లుపు తిరిగిన‌ట్ట‌య్యింది.

డీఎల్డీయే ప‌ద‌వి విష‌యంలో అయ్య‌న్న‌ను ఖాత‌రు చేయ‌కుండా గంటా మాట మేర‌కు క‌లెక్ట‌ర్ ప్ర‌వీణ్ నిర్ణ‌యం తీసుకున్నారు. గంటా అనుచ‌రుడిని నియ‌మిస్తూ ఉత్త‌ర్వులు ఇచ్చేశారు. దాంతో అయ్య‌న్న రాజీనామాకు సిద్ధ‌ప‌డ్డారు. ఆ వెంట‌నే స్పందించిన ఇన్చార్జ్ మంత్రి చిన‌రాజ‌ప్ప ఆదేశాల‌తో క‌లెక్ట‌ర్ త‌న ఆదేశాలు వెన‌క్కి తీసుకోవాల్సి వ‌చ్చింది. కానీ ఈ సంద‌ర్భంగా క‌లెక్ట‌ర్ కి, వివిధ వ‌ర్గాల నుంచి అందిన ఉత్త‌ర ప్ర‌త్తుత్య‌రాలు, ఇత‌ర వ్య‌వ‌హారాల‌ను అయ్య‌న్న వ‌ర్గీయులు బ‌య‌ట‌పెట్టారు.

దాంతో ఈ లేఖాంశాలు ప‌బ్లిక్ కావ‌డంతో క‌లెక్ట‌ర్ ఖంగుతినాల్సి వ‌చ్చింది. అయ్య‌న్న‌ను బేఖాత‌రు చేస్తూ ఏక‌ప‌క్షంగా గంటా వ‌ర్గానికి పెత్త‌నం అప్ప‌గించ‌డానికి సిద్ద‌మ‌యిన‌ట్టు భావిస్తున్నారు. ఈ నేప‌థ్యంలో క‌లెక్ట‌ర్ తాజాగా తీసుకున్న నిర్ణ‌యం మ‌రోసారి క‌ల‌క‌లం రేపుతోంది. ఈ లేఖ‌ల‌న్నీ బ‌య‌ట‌కు రావ‌డానికి కొంద‌రు అధికారులే కార‌ణ‌మ‌ని క‌లెక్ట‌ర్ భావిస్తున్న‌ట్టు తెలుస్తోంది. అందుకు త‌గ్గ‌ట్టుగానే ప‌శుసంవ‌ర్థ‌క‌శాఖ జేడీ, ప‌శుగ‌ణాభివృద్ధి సంస్థ ఈడీల‌ను ఆయ‌న ప్ర‌భుత్వానికి స‌రెండ‌ర్ చేస్తూ నిర్ణ‌యం తీసుకున్నారు. దాంతో దున్న‌పోతుల త‌గాదాలో లేగ‌దూడ‌ల కాలు విరిగిన‌ట్ట‌య్యింద‌ని జిల్లా వాసులు వ్యాఖ్యానిస్తున్నారు.






Related News

YS-Jagan-Botsa-Satyanarayana

ప‌ట్టు కోసం పాకులాడుతున్న బొత్సా

Spread the loveఏపీ రాజ‌కీయాల్లో బొత్సాది ఓ భిన్న‌మైన శైలి. ఆయ‌న ఏమి చేసినా అది రాజ‌కీయంగా చ‌ర్చ‌నీయాంశం అవుతుంటుంది.Read More

ashokgajapathiraju-kAV--621x414@LiveMint

మాజీ మంత్రికి రాచ‌మ‌ర్యాద‌లు

Spread the loveఆయ‌న అస‌లే రాజుగారు. అందుకేనేమో పోలీసులు కూడా రాచ‌మర్యాదలు చేశారు. అమాత్య హోదాని వ‌దులుకున్నా ఆయ‌న నియోజ‌క‌వ‌ర్గంలోRead More

Leave a Reply

Your email address will not be published. Required fields are marked *