చంద్ర‌బాబుకి గంటా ఝ‌ల‌క్..!

ganta babu
Spread the love

ఏపీ మంత్రి గంటా శ్రీనివాస‌రావు మ‌రోసారి ఝ‌ల‌క్ ఇచ్చారు. చంద్ర‌బాబు ప్ర‌య‌త్నాల‌కు ఆయ‌న దూరంగా ఉన్నారు. తాజాగా కాపుల వ్య‌వ‌హారాన్ని కొలిక్కి తీసుకొద్దామ‌ని భావిస్తున్న ఏపీ సీఎం కి ఆయ‌న స‌హాయ నిరాక‌ర‌ణ చేశార‌నే వాద‌న వినిపిస్తోంది. విజ‌య‌వాడ‌లో కాపు నేత‌ల‌తో నిర్వ‌హించిన స‌మావేశానికి ఆయ‌న దూరంగా ఉండ‌డం విశేషంగా మారింది. ఏపీ క్యాబినెట్ లో న‌లుగురు కాపు మంత్రులున్నారు. కాగా వారిలో ఒక‌రు బీజేపీకి చెందిన మాణిక్యాల‌రావు. మిగిలిన ముగ్గురిలో ఒక‌రు డిప్యూటీ సీఎం చిన‌రాజ‌ప్ప‌, మిగిలిన ఇద్ద‌రూ వియ్యంకుళ్లు నారాయ‌ణ‌, గంటా శ్రీనివాస‌రావు. వారంద‌రిలోనూ గంటానే సీనియ‌ర్ మంత్రి. అయిన‌ప్ప‌టికీ ఆయ‌న మాత్రం కాపుల రిజ‌ర్వేష‌న్ల అంశం మీదు చంద్ర‌బాబు స‌మావేశానికి దూరంగా ఉండ‌డం అంద‌రినీ ఆశ్చ‌ర్య‌ప‌రుస్తోంది.

వాస్త‌వానికి గంటా శ్రీనివాస‌రావు కాపుల విష‌యంలో అంటీముట్ట‌న‌ట్టే వ్య‌వ‌హ‌రిస్తున్నారు. గ‌తంలో కూడా ముద్ర‌గ‌డ విమ‌ర్శ‌ల‌కు కౌంట‌ర్ ఇవ్వాల‌ని అధిష్టానం నుంచి ఆదేశాలు వ‌చ్చినా ఆయ‌న ఖాత‌రు చేయలేదు. తుని ఘ‌ట‌న మొద‌లుకుని అనేక అంశాల‌లో స్పందించ‌లేదు. కానీ ఇటీవ‌ల అడ‌పా ద‌డ‌పా ఆయ‌న కూడా మాట్లాడుతున్నారు. అయిన‌ప్ప‌టికీ ఈ స‌మావేశానికి ఢుమ్మా కొట్ట‌డం ఆశ్చ‌ర్యంగా ఉంద‌ని ప‌రిశీల‌కుల అభిప్రాయం. మిగిలిన మంత్రులు, కాపు ఎమ్మెల్యేలు స‌హా వివిధ జిల్లాల‌కు చెందిన కాపు నేత‌లు పాల్గొన్న స‌మావేశానికి గంటా దూరంగా ఉండ‌డం చ‌ర్చ‌నీయాంశ‌మ‌వుతోంది.

వాస్త‌వానికి గంటా శ్రీనివాస‌రావు 1999 నుంచి రాజ‌కీయాల్లో ఉన్న‌ప్ప‌టికీ 2004 త‌ర్వాత ఆయ‌న ప్ర‌తీసారి నియోజ‌క‌వ‌ర్గం, పార్టీ మారుతూ వ‌స్తున్నారు. ప్ర‌తీ ఎన్నిక‌ల్లోనూ ఆయ‌న మార‌డం ఓ సెంటిమెంట్ గా మారుతోంది. ఈ నేప‌థ్యంలో వ‌చ్చే ఎన్నిక‌ల నాటికి గంటా విజ‌య‌న‌గ‌రం జిల్లా నెల్లిమ‌ర్ల మీద దృష్టిపెట్టిన‌ట్టు ప్ర‌చారం సాగుతోంది. అయితే ఇలాంటి ప‌రిణామాలు గ‌మ‌నిస్తే ఆయ‌న ప‌య‌నం ఎటు మ‌ళ్లినా ఆశ్చ‌ర్య‌ప‌డాల్సిన అవ‌స‌రం లేదు. దానికి త‌గ్గ‌ట్టుగానే కాపుల‌కు రాజ‌కీయ రిజ‌ర్వేష‌న్లు లేకుండా నిర్ణ‌యం తీసుకోవ‌డానికి స‌మాయ‌త్త‌మ‌వుతున్న త‌రుణంలో త‌న అవ‌స‌రాల‌కు త‌గ్గ‌ట్టుగా ఆయ‌న దూరంగా ఉన్నార‌ని భావిస్తున్నారు. ఏమైనా ఇది చంద్ర‌బాబుకి మింగుడు ప‌డే అంశం కాదు.






Related News

giddi esshwari

వైసీపీ నుంచి మరో ఎమ్మెల్యే అవుట్..?

Spread the love6Sharesరాజకీయాలు మరోసారి వేడెక్కుతున్నాయి. వైసీపీ నుంచి మరో వికెట్ పడుతున్నట్టు సంకేతాలు అందుతున్నాయి. పార్టీలో మంచి గుర్తింపుRead More

kothapalli geetha

మహిళా ఎంపీని బ్లాక్ మెయిల్ చేశారు…

Spread the love2Sharesఏపీలో ఫిరాయింపు ఎంపీ కొత్తపల్లి గీత మరోసారి వార్తల్లోకి వచ్చారు. పార్టీ ఫిరాయించినప్పుడు, కుల సర్టిఫికెట్ వివాదంలోRead More

  • బీసీ వర్సెస్ బీసీ
  • బీజేపీలో డూప్లికేట్ నాయకులున్నారంటున్న మంత్రి
  • కులదేవత మీద ఆన..జగన్ అన్నతోనే
  • జనసేన భవితవ్యం చెప్పిన బీజేపీ ఎమ్మెల్సీ
  • అచ్చెన్నా..ఏమిటీ పని?
  • ఉత్తరాంధ్రలో వైసీపీకి మరో షాక్
  • రంగంలోకి మాజీ స్పీకర్ కూతురు
  • కొత్త రాష్ట్రపతి తొలి అడుగు ఉత్తరాంధ్రలో..
  • Leave a Reply

    Your email address will not be published. Required fields are marked *