Main Menu

పార్టీలో గుర్తింపు లేదని ప్రాణం తీసుకునేందుకు…

trs
Spread the love

టీఆర్‌ఎస్‌ అధిష్ఠానం తనకు గుర్తింపు ఇవ్వడం లేదనే అసంతృప్తితో ఓ నేత ఒంటికి నిప్పంటించుకొని ఆత్మహత్యాయత్నం చేశాడు. సాక్షాత్తు మంత్రి మహేందర్‌ రెడ్డి సమక్షంలో వికారాబాద్‌ జిల్లా తాండూరులో చోటుచేసుకుందీ ఘటన. పలువురు పార్టీ ప్రతినిధులు మాట్లాడుతుండగా, పట్టణ మాజీ అధ్యక్షుడు అయూబ్‌ఖాన్‌ వేదిక వద్దకు వెళ్లి మైక్‌ తీసుకున్నారు.

2004 నుంచి ప్రత్యేక రాష్ట్ర ఉద్యమంలో పార్టీ తరఫున తాను చురుగ్గా పాల్గొన్నానని, పార్టీ కోసం అహర్నిశలు శ్రమిస్తున్నానని, అయినా ఇప్పటివరకూ తనకు ఏ నామినేటెడ్‌ పదవీ ఇవ్వలేదన్నారు. విషయాన్ని అధిష్ఠానం దృష్టికి తీసుకెళ్లినా పట్టించుకోవడం లేదని తీవ్ర భావోద్వేగానికి గురయ్యారు. ప్రసంగాన్ని ముగించి బయటికి వెళ్లిన ఖాన్‌ అప్పటికే వెంట తెచ్చుకున్న కిరోసిన్‌ను ఒంటిపై పోసుకుని నిప్పంటించుకున్నారు. శరీరానికి అంటుకున్న మంటలతోనే అరుస్తూ సమావేశంలోకి వచ్చారు. కార్యకర్తలు, పోలీసులు మంటలను ఆర్పివేశారు. ఆయనకు ముఖం, ఛాతీ భాగాల్లో గాయాలయ్యాయి. మంత్రి ఆదేశాల మేరకు కార్యకర్తలు ఆయనను తాండూరులోని ఆస్పత్రికి తరలించారు. అక్కడ ప్రథమ చికిత్స నిర్వహించి మెరుగైన చికిత్స నిమిత్తం హైదరాబాద్‌కు తరలించారు. అక్కడితో సమావేశాన్ని రద్దు చేసిన మంత్రి వెంటనే హైదరాబాద్‌కు వెళ్లిపోయారు.






Related News

renudesai

చావడానికైనా సిద్ధం అంటున్న రేణూదేశాయ్

Spread the loveపవన్ కళ్యాణ్ మాజీ భార్య రేణూదేశాయ్ సంచలన వ్యాఖ్యలు చేశారు. సహజంగా సోషల్ మీడియా విషయంలో ఆమెRead More

modi kcr babu

మోడీ, బాబు మధ్యలో కేసీఆర్

Spread the loveనాలుగేళ్ల క్రితం మంచి మిత్రులుగా కనిపించిన నరేంద్రమోడీ, చంద్రబాబు నాయుడు మధ్య ప్రస్తుతం ఉప్పూ నిప్పులా మారింది.Read More

Leave a Reply

Your email address will not be published. Required fields are marked *