శ్రీచైతన్య, నారాయణకు నోటీసులు జారీ

Hyderabad_High_Court
Spread the love

విద్యార్థుల ఆత్మహత్యలపై నారాయణ, శ్రీ చైతన్య కళాశాలలకు హైకోర్టు నోటీసులు జారీ చేసింది. ఈ రెండు కళాశాలలతో పాటు ఏపీ, తెలం గాణ ప్రభుత్వ ప్రధాన కార్యదర్శులు, విద్య, హౌం శాఖల ప్రధాన కార్యదర్శులు, ఇంటర్‌ బోర్డు కార్యదర్శులు, స్విమ్స్‌, నిమ్స్‌ డైరెక్టర్లకు హైకోర్టు నోటీసులు జారీ చేసి వివరణ ఇవ్వాల్సిందిగా ఆదేశించింది. ప్క్రెవేటు విద్యా సంస్థల్లో, ఐఐటీల్లో విద్యార్థులు తీవ్ర ఒత్తిళ్ల కారణంగా ఆత్మహత్యలకు పాల్పడుతున్నారని, ఇందుకు కారణమైన కార్పొరేట్‌ కాలేజీలపై క్రిమినల్‌ కేసులు పెట్టాలని కోరుతూ లోక్‌సత్తా ఉద్యమ సొసైటీ ప్రకాశం జిల్లా కన్వీనర్‌ దాసరి ఇమ్మాన్యుయేల్‌ రాసిన లేఖను హైకోర్టు ప్రజాహిత వ్యాజ్యంగా పరిగణించి విచారణ చేపట్టింది.

ఆడుతూపాడుతూ చదువుకోవాల్సిన విద్యార్థులపై ర్యాంకుల కోసం తీవ్ర ఒత్తిడి పెంచుతున్నారని, దాని ఫలితంగానే పలు కార్పొరేట్‌ విద్యా సంస్థల్లో విద్యార్థులు ఆత్మహత్యలు చేసుకునే దుస్థితి ఏర్పడిందని ఈ సందర్భంగా హైకోర్టు తీవ్ర వ్యాఖ్యలు చేసింది. దీనిలో తల్లిదండ్రుల పాపం కూడా ఉందని వ్యాఖ్యానించింది. 90 శాతం మార్కులు రావాలనే ఏకైక లక్ష్యంగా పిల్లలు ఏమతున్నారో కూడా చూడకుండా ఒత్తిడిని పట్టించుకోవడం లేదని హైకోర్టు తాత్కాలిక ప్రధాన న్యాయమూర్తి రమేష్‌ రంగనాథన్‌, న్యాయమూర్తి ఎం.గంగారావులతో కూడిన డివిజన్‌ బెంచ్‌ ఆందోళన వెలిబుచ్చింది.

సాక్షాత్తు ఏపీలో ఒక మంత్రికి చెందినదే కార్పొరేట్‌ కాలేజీ అని, కాలేజీలకు, హాస్టల్స్‌కు అనుమతులు లేకుండా నడుపుతున్నారని పిటిషనర్‌ వాదన. ఆత్మహత్యలకు పాల్పడిన కాలేజీలపై విచారణ జరిపి నివేదికలు ఇవ్వలేదని, ఆత్మహత్య ఘటనల తర్వాత కన్న తల్లిదండ్రుల్ని కూడా మతదేహాల దగ్గరకు వెళ్లనీయనంత కాఠిన్యంగా యజామాన్యాలు వ్యవహరిస్తున్నాయని, ఆయా కాలేజీ యాజమాన్యాలపై క్రిమినల్‌ కేసులు నమోదు చేయాలని ఆయన హైకోర్టును కోరారు. ఈ కేసు విచారణను మూడు వారాలకు హైకోర్టు వాయిదా వేసింది.






Related News

Paradise-Papers-Will-Narendra-Modi-Come-to-YS-Jagan-Rescue

బీజేపీతో వైసీపీ పొత్తు ఉంటుందా?

Spread the loveఇదో చర్చ సాగుతోంది. బీజేపీ, వైసీపీ మధ్య బంధం కొంత కాలంగా బలపడుతోంది. రాజకీయ అవసరాల రీత్యాRead More

ys jagan

జగన్ కి పెద్ద లోటు

Spread the loveప్రతీ నాయకుడు తెరమీద రాణించాలంటే తెరవెనుక చాలామంది శ్రమించాల్సి ఉంటుంది. కార్యకర్తల నుంచి వ్యూహకర్తల వరకూ అనేకRead More

  • నారా లోకేష్ కి అవార్డ్
  • ఏపీలో ఎన్నికలు జరుగుతాయా?
  • బీజేపీకి రాజీనామాలు
  • వైసీపీలో జగన్ ని మించిపోతున్న ఎంపీ
  • వైసీపీకి ‘కాపు’ కాచేనా…?
  • జ‌గ‌న్ కి జ‌న‌సేన‌ని ద‌గ్గ‌ర చేస్తున్న బాబు
  • బాబుని మోడీ లైట్ తీసుకుంటున్నారా…?
  • రాజీనామాకి రెడీ అయిన జ‌గ‌న్!
  • Leave a Reply

    Your email address will not be published. Required fields are marked *