Main Menu

హోదాతో ప‌నేముందిక‌…?

cii summitt vizag
Spread the love

ఏపీ అభివృద్ధి కావాలంటే ప్ర‌త్యేక హోదా కావాల్సిందేన‌ని చాలామంది భావిస్తున్నారు. గ‌త నాలుగేళ్లుగా ప్ర‌భుత్వం చెబుతున్న మాట‌లు ఎలా ఉన్నా అభివృద్ధి కుంటుప‌డింద‌నే న‌మ్ముతున్నారు. ప‌రిశ్ర‌మ‌లు రాలేద‌ని భావిస్తున్నారు. పెట్టుబడుల ప్ర‌చారం ఎలా ఉన్నా ఆచ‌ర‌ణ‌లో ప‌రిశ్ర‌మ‌లు రావాలంటే హోదా ఉండాల్సిందేన‌ని నిల‌దీస్తున్నారు. కానీ చంద్ర‌బాబు స‌ర్కారు తీరు మాత్రం దానికి భిన్నంగా ఉంది. ఇంకా చెప్పాలంటే భార‌త‌దేశం క‌న్నా తామే ముందున్నామ‌ని ఏపీ ప్ర‌భుత్వం చెబుతోంది.

దాంతో బీజేపీ పెద్ద‌లు కొత్త వాద‌న ముందుకు తెస్తున్నారు. హోదా లేకుండానే ల‌క్షల కోట్ల ఎంవోయూలు చేస్తున్న‌ప్పుడు కొత్త‌గా ప్ర‌త్యేక హోదా ఎందుక‌ని వాదిస్తున్నారు. చంద్ర‌బాబు ఘ‌న‌త వ‌ల్ల ఏపీకి పెట్టుబ‌డుల వ‌ర‌ద పారేస్తుంటే అద‌నంగా ప్ర‌త్యేక హోదా అవ‌స‌రం ఏముంద‌ని నిల‌దీస్తున్నారు. భార‌త‌దేశం క‌న్నా ముందున్న రాష్ట్రానికి హోదా ఇవ్వాల్సిన ప‌నేముంద‌ని ప్ర‌శ్నిస్తున్నారు. దాంతో మొత్తంగా ఇప్ప‌టికే ఏపీకి హోదా లేని కార‌ణంగా చివ‌ర‌కు టీడీపీ నేత‌లు కూడా పెట్టుబ‌డుల‌న్నీ కూడా ఇత‌ర రాష్ట్రాల‌కు త‌ర‌లిపోతుంటే విశాఖ‌లో స‌మ్మిట్ ల పేరుతో సాగుతున్న ప్ర‌చార భాగోతం మాత్రం అస‌లు కే ఎస‌రు తెచ్చేలా క‌నిపిస్తోంది.

చివ‌ర‌కు చంద్ర‌బాబు వైఖ‌రితో ఏపీకి ఒన‌గూరే ప్ర‌య‌జ‌నాల మాట అలా ఉంచితే పెద్ద న‌ష్ట‌మే త‌ప్ప‌ద‌నే వారు పెరుగుతున్నారు. ఏపీ అభివృద్ధికి ఈ ప్ర‌చారం పెద్ద అడ్డంకిగా మారుతోంద‌నే అభిప్రాయం బ‌ల‌ప‌డుతోంది. స‌న్ రైజ్ స్టేట్ అంటూ సాగిస్తున్న ప్ర‌చార‌వ్య‌యంతో ఏపీలో ప‌లు కార్య‌క్ర‌మాలు చేప‌ట్టే అవ‌కాశం ఉన్న విష‌యాన్ని విస్మ‌రించ‌డంపై ఆగ్ర‌హం వ్య‌క్తం చేస్తున్నారు.






Related News

bjp

పోల‌వ‌రంపై క‌న్నేసిన క‌మ‌ల‌నాధులు

Spread the loveఏపీ బీజేపీ నేత‌లు దూకుడు పెంచుతున్నారు. క్ర‌మంగా చంద్ర‌బాబు స‌ర్కారుపూఐ ఒత్తిడి పెంచే య‌త్నం చేస్తున్నారు. కొద్దికాలంRead More

telugudesam tdp

టీడీపీని బ‌హిష్క‌రించేశారు..!

Spread the loveఅధికార పార్టీని బ‌హిష్క‌రించారు. అది కూడా ఓ ప‌ట్ట‌ణంలోని పార్టీ కార్య‌క‌ర్త‌లు స‌మావేశం ఏర్పాటు చేసుకుని తీసుకున్నRead More

Leave a Reply

Your email address will not be published. Required fields are marked *