Main Menu

మహేష్ ని మెప్పించిన చిన్నారి…

Spread the love

సూపర్ స్టార్ మహేష్ బాబు కి అభిమానుల గురించి ప్రత్యేకంగా చెప్పనవసరం లేదు. టాలీవుడ్ లో మంచి ఫాలోయింగ్ ఉన్న స్టార్స్ లో ఆయన అగ్రపీఠాన ఉంటారు. అయితే తాజాగా యూఎస్ నుంచి ఓ చిన్నారి చేసిన ప్రయత్నం మహేష్ మనసు మెప్పించింది. తన అభిమాని రాసిన లేఖ ఆయన్ని ఆకట్టుకుంది. ఆ విషయాన్ని ఆయన ఫ్యాన్స్ తో పంచుకున్నారు.

“మహేశ్ గారు మీరంటే నాకు చాలా ఇష్టం. నేను మీకు పెద్ద అభిమానిని, మీ సినిమాలన్నీ కచ్ఛితంగా చూస్తాను. మీ సినిమాలన్నింటిలో నాకు ‘శ్రీమంతుడు’ అంటే చాలా ఇష్టం. మీరు చాలా బిజీగా ఉంటారని తెలుసు. కానీ సమయాన్ని కేటాయించి నా లెటర్‌ను చదువుతున్నందుకు థ్యాంక్స్” అంటూ అమెరికా నుంచి ఓ చిన్నారి రాసిన లేఖకు మహేష్ మురిసిపోయారు. దాంతో వెంటనే సమాధానం కూడా రాశారు.

“డియరెస్ట్ నేహా.. ప్రపంచమంతా ఇప్పుడు ఇంటర్‌నెట్, మెయిల్స్‌తో నడుస్తుండగా.. నీ నుంచి ఒక పోస్ట్‌ లెటర్‌ను అందుకోవడం చాలా ఆనందాన్ని కలిగించింది. నా సినిమాలను నువ్వు ఎంజాయ్ చేస్తున్నా అని చెప్పడం చాలా సంతోషంగా ఉంది. సితార, గౌతమ్‌లకు కూడా ‘శ్రీమంతుడు’ అంటే చాలా ఇష్టం. నీకు నచ్చే విధంగా మరిన్ని సినిమాలను చేస్తా. నీ స్కూలింగ్‌కు ఆల్ ది బెస్ట్. నా సమాధానాన్ని నువ్వు పోస్ట్‌బాక్స్‌లో కూడా అందుకుంటావు” అని మహేశ్ సమాధానాన్ని ఇచ్చారు. ఈ సందర్భంగా నేహా రాసిన లెటర్‌ను సోషల్ మీడియాలో పోస్ట్ చేసి మహేష్ తన ఆనందాన్ని పంచుకున్నారు.






Related News

సందిగ్ధంలో స్టైలిష్ స్టార్

Spread the loveస్టైలిష్ స్టార్ అల్లు అర్జున్ కి క్లారిటీ క‌నిపించ‌డం లేదు. ఇటీవ‌ల వ‌రుసగా ఫెయిల్యూర్స్ తో ఆయ‌నRead More

మిడ్ నైట్ మ‌సాజ్ కి వ‌స్తాన‌న్నాడు..!!!

Spread the loveబాలీవుడ్ లోనే కాకుండా టాలీవుడ్ లో కూడా రాధికా ఆప్టే వ్య‌వ‌హారం చ‌ర్చ‌నీయాంశంగా ఉంటుంది. మంచి టాలెంట్Read More

Leave a Reply

Your email address will not be published. Required fields are marked *