Main Menu

బన్నీ సినిమా కాపీ కొట్టలేదట…

Spread the love

టాలీవుడ్ మువీస్ వ్యవహారం ఆసక్తిగా మారుతోంది. ఇతర భాషా చిత్రాలకు కాపీ అనే కామెంట్లు పదే పదే వినిపిస్తున్నాయి.ఇటీవల పవన్‌ కళ్యాణ్‌ నటించిన ‘అజ్ఞాతవాసి’ కూడా ఫ్రెంచ్‌ సినిమా ‘లార్గోవించ్‌’కు కాపీ అనే విషయం తెలిసిందే. తాజాగా అల్లు అర్జున్‌ సినిమా ‘నా పేరు సూర్య నా ఇల్లు ఇండియా’ కూడా కాపీ సినిమా అనే వార్తలు హల్ చల్ చేస్తున్నాయి. ‘ఆంట్వోని ఫిషర్‌’ అనే హాలీవుడ్‌ సినిమా నుంచి కాపీ కొట్టారని, ఆ చిత్రం ఆధారంగా దర్శకుడు వక్కంతం వంశీ ఈ కథను తయారు చేశారనే కామెంట్లు సామాజిక మీడియాలో హల్‌చల్‌ చేస్తున్నాయి.

ఆ సినిమాలో హీరో చిన్నప్పుడు వాళ్ళ నాన్న చనిపోయాక అమెరికా నావీలో చేరతాడు. అప్పట్లో తను చూసిన సంఘటనల కారణంగా కోపంతో ఊగిపోతాడు. దీన్ని గమనించిన ఓ డాక్టర్‌ హీరోని మామూలు మనిషిగా చేయడం, తర్వాత అతను హీరోకు గురువుగా మారడమనేది ఆ చిత్ర కథ. ఇటీవల విడుదలైన అల్లు అర్జున్‌ సినిమా ట్రైలర్‌ సైతం ఇదే పోలినట్టు ఉండటంతో కాపీ అనే న్యూస్‌ సర్వత్రా హాట్‌ టాపిక్‌గా మారింది. తాజా సినిమాలో ఆర్మీ ఆఫీసర్‌గా అల్లు అర్జున్‌, డాక్టర్‌గా అర్జున్‌ నటిస్తున్నారు. వక్కంతం వంశీ దర్శకుడిగా పరిచయమవుతున్న ఈ సినిమాలో అను ఇమ్మాన్యుయెల్‌ కథానాయికగా నటిస్తోంది. ఏప్రిల్‌ 27న ఈ సినిమా విడుదల కానుంది.

దాంతో స్పందించిన సినీ నిర్మాత ఈ కామెంట్స్ ని కొట్టేశారు. నిర్మాత లగడపాటి శ్రీధర్‌ సోషల్‌ మీడియా ద్వారా స్పందించారు. ‘నా పేరు సూర్య నా ఇల్లు ఇండియా’ హాలీవుడ్‌ చిత్రం ‘ఆంట్వోని ఫిషర్‌’ కథను కాపీ కొట్టి తీస్తున్నారని వస్తోన్న వార్తల్లో నిజం లేదు. ఒక టీజర్‌ చూసి కాపీ అని నిర్ణయించడం కరెక్ట్‌ కాదు. దానికి, మా చిత్ర కథకు సంబంధం లేదు. పూర్తి భిన్నమైనది. ఆటోబయోగ్రాఫికల్‌గా వచ్చిన ఆ సినిమా పరాజయం చెందింది. అలాంటి సినిమాను ఎలా కాపీ కొడతాం?’ అని నిర్మాత లగడపాటి శ్రీధర్‌ ప్రశ్నించారు.






Related News

ర‌కుల్ కి మ‌రో ఆఫ‌ర్

Spread the loveటాలీవుడ్ లో ఛాన్సులు లేక స‌త‌మ‌తం అవుతున్న రుక‌ల్ ప్రీత్ సింగ్ కి ఊర‌ట ద‌క్కింది. సౌత్Read More

ఆశ్చ‌ర్య‌ప‌రిచిన చందమామ‌కు ఛోటా ముద్దు

Spread the loveచంద‌మామ‌కు ఛోటా ముద్దు పెట్టాడు. అంద‌రినీ అవాక్క‌య్యేలా చేశాడు. వేదిక‌పైనే బాహాటంగా ముద్దుగుమ్మ బుగ్గ మీద పెట్టినRead More

Leave a Reply

Your email address will not be published. Required fields are marked *