ముద్ర‌గ‌డ‌తో ముప్పు ఎవ‌రికి..!

mudragada-and-wife
Spread the love

ముద్ర‌గ‌డ ప‌ద్మ‌నాభం. తాజాగా మ‌రోసారి తెర‌మీద‌కు వ‌చ్చారు. రాజ‌కీయంగా సంచ‌ల‌నం రేపుతున్నారు. కాపు రిజ‌ర్వేష‌న్ల సాధ‌నే ల‌క్ష్యంగా ఆయ‌న పాద‌యాత్ర‌కు స‌న్న‌ద్ధ‌మ‌వుతున్న త‌రుణంలో కాపు ఉద్య‌మం మ‌రోసారి కాక‌పుట్టిస్తోంది. ముఖ్యంగా గోదావ‌రి జిల్లాల్లో ముద్ర‌గ‌డ ఉద్య‌మ ప్ర‌భావం స్ప‌ష్టంగా క‌నిపిస్తోంది. ఇప్ప‌టికే ప్ర‌భుత్వం పాద‌యాత్ర‌ను అడ్డుకోవ‌డానికి పావులు క‌దుపుతోంది. పోలీసుల‌ను పెద్ద సంఖ్య‌లో మోహ‌రించింది. పాద‌యాత్ర సాగనిచ్చేది లేద‌ని చెబుతోంది. అనుమ‌తుల్లేని యాత్ర‌లతో శాంతిభ‌ద్ర‌త‌ల స‌మ‌స్య‌లు ఏర్ప‌డ‌తాయ‌ని చెబుతోంది. కానీ ముద్ర‌డ‌గ వాద‌న వేరుగా ఉంది. త‌మ‌కు ఇచ్చిన మాట అమ‌లు చేయ‌క‌పోవ‌డంతోనే పాద‌యాత్ర‌ల‌కు సిద్ధం కావాల్సి వ‌చ్చిందంటున్నారు.

మ‌రోవైపు టీడీపీ ఎదురుదాడికి దిగుతోంది. ముద్ర‌గ‌డ పాద‌యాత్ర‌లో యువ‌త ఎవ‌రూ పాల్గొన‌కూడ‌ద‌ని చెబుతోంది. వైసీపీ రాజ‌కీయ వ్యూహాల్లో భాగంగానే ముద్ర‌గ‌డ కాపుల‌ను రెచ్చ‌గొడుతున్నారని విమ‌ర్శిస్తోంది. మ‌రోవైపు వైసీపీ నేత‌లు మాత్రం చంద్ర‌బాబు అండ్ కో తీరు సరికాదంటున్నారు. కాపుల రిజ‌ర్వేష‌న్ల విష‌యంలో మాట త‌ప్పి, ఇప్పుడు నోరునొక్కే ప్ర‌య‌త్నం చేయ‌డం అన్యాయ‌మంటున్నారు. ప్ర‌భుత్వ తీరును నిర‌సిస్తున్నారు. దాంతో ఈ వ్య‌వ‌హారం రాజ‌కీయంగానూ దుమారం రేపుతోంది. టీడీపీ కాపు నేత‌ల‌ను ఇబ్బందికి గురిచేస్తోంది. కాపుల‌కు రిజ‌ర్వేషన్లు ఖాయం అని ఎన్నిక‌ల్లో చెప్పి మంజునాథ క‌మిష‌న్ తొమ్మిది నెల‌ల్లో రిపోర్ట్ వ‌స్తుంద‌ని ఆ త‌ర్వాత చెప్పి ఇప్పుడు కాల‌యాప‌న చేస్తూ మోస‌గిస్తున్నార‌నే అభిప్రాయం సాదార‌ణ కాపు యువ‌త‌లో క‌నిపిస్తోంది. దాంతో నైతికంగా ముద్ర‌గ‌డ‌కు మ‌ద్ధ‌తు పెరుగుతోంది. పోలీసుల‌ను పెట్టి తాత్కాలికంగా అడ్డుకున్నా చివ‌ర‌కు ప్ర‌జాగ్ర‌హా ఫ‌లితం అనుభ‌వించ‌క త‌ప్ప‌దంటున్నారు.

ఈనేప‌థ్యంలోనే ప్ర‌స్తుతం కిర్లంపూడి నుంచి కోన‌సీమ వ‌ర‌కూ పోలీస్ బందోబ‌స్తు నిర్వ‌హిస్తున్న తీరు కూడా అల‌జ‌డి రేపుతోంది. క‌ర్నూలు ఉప ఎన్నిక‌ల మీద కూడా ఈ ప‌రిణామాల ప్ర‌భావం ఉంటుంద‌నే వాద‌న వినిపిస్తోంది. ఉప ఎన్నిక‌ల‌తోనే కాకుండా సాధార‌ణ ఎన్నిక‌ల నాటికి కాపు సామాజిక‌వ‌ర్గం దూర‌మ‌యితే చంద్ర‌బాబుకి చెమ‌ట‌లు త‌ప్ప‌వు. గ‌త ఎన్నిక‌ల్లో పీఠం ఎక్క‌డానికి పునాదిగా నిలిచిన గోదావ‌రి జిల్లాల్లో కాపులు దూర‌మ‌యితే టీడీపీకి అధికారం కూడా దూర‌మ‌వుతుంది. అందుకే ఆచితూచి వ్య‌వ‌హ‌రించాల్సిన విష‌యంలో చంద్ర‌బాబు కాస్త అస‌హ‌నంతో క‌ష్టాలు కొనితెచ్చుకుంటున్నార‌నే అభిప్రాయం వ్య‌క్త‌మ‌వుతోంది. రాజ‌కీయంగా స‌మ‌స్య‌ల నుంచి గ‌ట్టెక్క‌డానికి ప్ర‌ద‌ర్శించాల్సిన సంయ‌మ‌నం ఆయ‌నలో క‌నిపించ‌డం లేద‌నే వాద‌న కూడా ఉంది. మొత్తంగా ముద్ర‌గ‌డ ఉద్య‌మం సామాజిక అంశాల నుంచి రాజ‌కీయ ప‌రిణామాల వ‌ర‌కూ దారితీయ‌డ ఖాయం. అది బాబు కుర్చీ కింద‌కు నీళ్లు తీసుకురావ‌డం కూడా అనివార్య‌మనే అంచ‌నాలు పెరుగుతున్నాయి.






Related News

kakinada

టీడీపీ ఆఖరి ఆశలు గల్లంతు

Spread the love14Sharesపరిస్థితులు అనుకూలించకపోతే తాడే పామై కరుస్తుందన్న చందంగా మారింది. తాజాగా కోర్టు తీర్పులు కూడా తెలుగుదేశం పార్టీకిRead More

ysrcp-party-flag-647x450

వైసీపీకి భారంగా పార్టీ అధ్యక్షుడు

Spread the loveవైసీపీకి ఇప్పుడు జరుగుతున్న ఎన్నికలు విజయమో..వీరస్వర్గమో అన్నట్టుగా మారిపోయాయి. గత సాధారణ ఎన్నికల తర్వాత రాష్ట్రస్థాయిలో ఆసక్తిRead More

  • మంత్రిగారి సెప‌రేట్ స్వ‌తంత్ర్య‌దినోత్స‌వం ..!
  • సినిమా ఛాన్స్ ఆశ చూపి దర్శకుడి అత్యాచారం
  • కాపు చైర్మ‌న్ కి అవ‌మానం: తోట లేట్ ఎంట్రీ..!
  • వైసీపీకి ఎదురుదెబ్బ‌..!
  • టీడీపీలో గుబులు రేపిన తోట‌
  • వాళ్లిద్ద‌రికీ టికెట్ లేద‌ని చెప్పిన చంద్ర‌బాబు..!
  • కాకినాడ ఎన్నిక‌లు: ఎవ‌రి బ‌లం ఎంత‌?
  • ఏపీలో మ‌రో ఎన్నిక‌లు
  • Leave a Reply

    Your email address will not be published. Required fields are marked *