యూ ట్యూబ్ చానెళ్లపై నిఘా?

nexus2cee_youtube-share-728x408
Spread the love

ఇటీవల కాలంలో ఎక్కడ చూసినా రకరకాల చానెల్ పేరుతో లోగోలు దర్శనమిస్తున్నాయి. శాటిలైట్ చానెల్స్ కంటే యూ ట్యూబ్ చానెల్స్ సంఖ్య ఇబ్బడి ముబ్బడిగా పెరిగింది. అనుమతులతో పని లేదు. చానెల్ వాస్తుందా రాదా అనవసరం. చేతిలో లోగో ఉంటే చాలు చానెల్ ప్రతినిధి కింద లెక్కే. చాలా మంది ద్వితీయ శ్రేణి నేతలకు, ప్రభుత్వ అధికారులకు సమాన్య ప్రజలకు అవి చానెల్సో కాదో తెలియని పరిస్ధితి. దీంతో ఎవరికి వారే సొంత చానెల్ పెట్టుకుని తామె చానెల్ ఓనర్ లా ఫీలవుతున్నారు. మామూలు నగరాల్లో ఐతే పరవాలేదు. హైదరాబాద్, ముంబై, ఢిల్లీ లాంటి నగరాల్లో ఇంటిలిజెన్స్ విభాగానికి ఈ యూ ట్యూబ్ చానెల్స్ సవాలు విసురుతున్నాయి. ముఖ్యంగా సంఘ విద్రోహ శక్తులు, వారితో సంబంధం ఉన్న వారు సైతం మీడియా ముసుగును కప్పుకోవడానికి యూ ట్యూబ్ చానెల్స్ ను ఆయుధంగా మలచుకుంటున్నారు. ఏదో ఒక పేరుతో చానెల్ ను పెట్టి…రిపోర్టర్లుగా చలామణి అవుతున్నారు.

ఇప్పటికిప్పుడు వీరి వల్ల ప్రమాదం లేకపోయినా ఎప్పుడైనా అది జరగవచ్చని ఇంటిలిజెన్స్ హెచ్చరిస్తోంది. డబ్బుకు ఆశపడి ఎవరైనా తీవ్రవాదులకు అమ్ముడు పోతే పెను విధ్వంసం జరిగే అవకాశం ఉందని ఇంటిలిజెన్స్ హెచ్చరికలు జారీ చేసినట్లు సమాచారం. ముఖ్యంగా కీలకమైన నేతలను, కీలకమైన స్ధావరాలను కీలక సమాచారాన్ని తస్కరించడానికి యూ ట్యూబ్ చానెల్ ప్రతినిధులను ఉపయోగించుకునే అవకాశం ఉందనేది ఈ హెచ్చరికల సారాంశంగా తెలుస్తోంది. దీంతో కేంద్రం రాష్ట్ర ప్రభుత్వాలకు కచ్చితమైన ఆదేశాలను జారీ చేసింది.

అక్రిడేటెడ్ జర్నలిస్టులను గుర్తించి మిగిలిన వారి విషయంలో ముఖ్యంగా యూ ట్యూబ్ చానెల్స్ విషయంలో నిర్మొహమాటంగా వ్యవహరించాలని అధికారులకు, ప్రజాప్రతినిధులకు వీటిపై అవగాహన కల్పించాలని ఆదేశాలు జారీ చేసింది. ఇప్పటికే యూ ట్యూబ్ లో పాపులరైన చానెల్స్ కాకుండా…కేవలం చానెల్ పేరుతో లోగోలు పట్టుకుని తిరుగుతున్న వారి వ్యక్తి గత సమాచారాన్ని వారి కుటుంబ సభ్యుల వివరాలను సేకరించాలని కేంద్రం రాష్ట్రాలకు రాసిన లేఖలో పేర్కొన్నట్లు తెలుస్తోంది. నేర ప్రవృత్తి, నేర చరిత కలిగిన వారు ఎవరైనా యూ ట్యూబ్ చానెల్ పేరుతో లోగోలు పట్టుకుని తిరగడం వంటి పనులకు పాల్పడితే అటువంటి వారిని గుర్తించి కఠిన చర్యలు తీసుకోవాలని కేంద్రం ఆదేశించినట్టు ప్రచారం సాగుతోంది.

అయితే దానికి సంబంధించిన పూర్తి సమాచారం అటు ఇంటిలిజెన్స్ వర్గాలు గానీ, ఇటు సమాచార శాఖ గానీ నిర్థారించకపోవడం విశేషం.






Related News

Pattiseema1

ఈనాడు అబద్ధమా..ఎందుకో సుమా

Spread the loveపట్టిసీమకు సంబంధించి తాజాగా ఈనాడు పత్రికలో రాసిన కథనం ఆశ్చర్యం కలిగిస్తోంది. అందరినీ విస్మయానికి గురిచేస్తోంది. వాస్తవRead More

Jagan-Plenary

జగన్ ఆశలు పండలేదు…

Spread the loveవైఎస్ జగన్. గడిచిన దశాబ్ద కాలం రాజకీయాలు పరిశీలిస్తే ఎక్కువ కాలం ప్రజల్లో ఉన్న నాయకుడిగా చెప్పవచ్చు.Read More

  • ఏబీఎన్ అర్కేకి షాకిచ్చిన కోర్ట్
  • ఎల్లో.. ఎల్లో.. మీడియా ఫెల్లో…!
  • అయ్యో..అంధత్వంలో జ్యోతి…
  • తెరమీదకు వచ్చిన తొలి చానెల్
  • విలేకర్లు మూడో పని కూడా చేయాలి…
  • జగన్ అసలు పరీక్ష అక్కడే..
  • జ్యోతి స్వరం మార్చేసింది…
  • జర్నలిస్టుల ముసుగులో..
  • Leave a Reply

    Your email address will not be published. Required fields are marked *