Main Menu

తెలుగు మీడియాలో బాబుకి అన్యాయం!

Spread the love

ఏపీ సీఎం చంద్ర‌బాబుకి అనుకోని ఘ‌ట‌న ఎదుర‌య్యింది. ఇటీవ‌ల ఆయ‌న అంచనాలు త‌ప్పుతున్నాయి. ప‌లు ఆటంకాలు ఎదుర‌వుతున్నాయి. తాజాగా ఆయ‌న న‌ల‌భై ఏళ్ల ప్ర‌స్థానం గురించి, విశాఖ స‌మ్మిట్ లో పెట్టుబ‌డుల గురించి ఆయన భారీ ప్ర‌చారం ఆశించారు. అది కూడా ఎన్నిక‌ల ముందు జ‌రుగుతున్న వ్య‌వ‌హారం కావ‌డంతో పెద్ద ఆశ‌లే పెట్టుకున్నారు. కానీ ఆయ‌న‌కు అనుకోని ఆటంకం ఎదుర‌య్యింది. శ్రీదేవి రూపంలో చంద్ర‌బాబు ఆశ‌ల మీద నీళ్లు జ‌ల్లింది. అతిలోక సుంద‌రి మ‌ర‌ణంతో అన్ని చానెళ్లు అటు మ‌ళ్లిపోయాయి. వ‌రుస సంతాప సందేశాలు, ప్ర‌త్యేక కార్య‌క్ర‌మాల‌తో మొత్తం మీడియా ఆమె నామ‌స్మ‌ర‌ణ‌లో మునిగిపోయింది. దాంతో చంద్ర‌బాబు పెట్టుబ‌డుల ప్ర‌వాహానికి పెద్ద‌గా చోటు ద‌క్క‌డం లేదు. వ‌రుస‌గా రెండు రోజుల పాటు ఇదే ప‌రిస్థితి త‌ప్ప‌దు. దాంతో తొలిరోజు మిన‌హా మిగిలిన రెండు రోజుల పాటు సీఐఐ స‌మ్మిట్ ప్ర‌చారం గాలికెగిరిపోతోంద‌ని చెప్ప‌క త‌ప్ప‌దు.

శ్రీదేవి మ‌ర‌ణ‌వార్త కోసం ఒక‌రోజు, అంత్య‌క్రియ‌ల కోసం మ‌రో రోజు కేటాయిస్తే ఇక బాబుకి ఛాన్స్ ఉండ‌ద‌నే చెప్ప‌వ‌చ్చు. భారీగా ప్ర‌చారం కోసం యాడ్స్ ఇచ్చిన‌ప్ప‌టికీ వాటిని ప్ర‌సారం చేస్తున్న చానెళ్లు అస‌లు కార్య‌క్ర‌మాన్ని మాత్రం క‌వ‌ర్ చేసి స్థితిలో కూరుకుపోయాయి. దాదాపు అంద‌రూ శ్రీదేవి మ‌ర‌ణానికే ప్రాధాన్య‌త ఇవ్వ‌క త‌ప్ప‌ని ప‌రిస్థితి ఉండ‌డంతో చంద్ర‌బాబుని ప‌క్క‌న పెట్టేసిన‌ట్టు క‌నిపిస్తోంది. ఇది చంద్ర‌బాబు తీవ్ర నిరాశలో మునిగిపోవ‌డానికి ఈ వ్య‌వ‌హారం కార‌ణంగా మారుతోంద‌ని చెప్ప‌వ‌చ్చు. గ‌తంలో కూడా ఒక‌టి రెండు సార్లు ఇలాంటి సందిగ్ధ స్థితి ఏర్ప‌డినా కొంత‌యినా చంద్ర‌బాబుకి అవ‌కాశం ద‌క్కేది. కానీ శ్రీదేవి పుణ్యాన యాడ్స్ కి మిన‌హా అస‌లు కార్య‌క్ర‌మానికి క‌వ‌రేజ్ ఇచ్చే వారే లేక‌పోవ‌డంతో ప్ర‌చార‌మే ఆయుధంగా చేసుకున్న బాబుకి మింగుడుప‌డ‌ని ప‌రిస్థితిగా చెప్ప‌క త‌ప్ప‌దు.






Related News

మీటూ ఎఫెక్ట్: ఇద్ద‌రు ఎడిట‌ర్ల‌పై వేటు

Spread the loveమాజీ పత్రికా సంపాదకులు ఎంజె అక్బర్‌, తరుణ్‌ తేజ్‌పాల్‌ను బుధవారం ఎడిటర్స్‌ గిల్డ్‌ ఆఫ్‌ ఇండియా (ఇజిఐ)Read More

చ‌ర్చ‌నీయాంశంగా మారిన టీవీ9 స‌ర్వే

Spread the loveప్ర‌స్తుతం ఎన్నిక‌ల పోరులో ప్ర‌తీ అవ‌కాశం కూడా వినియోగించుకునేందుకు పార్టీలు తీవ్రంగా ప్ర‌య‌త్నిస్తున్నాయి. మీడియా అందుకు తందానRead More

Leave a Reply

Your email address will not be published. Required fields are marked *