Main Menu

‘కత్తి’ చుట్టూ మీడియా: కథ నడిపిందెవరు?

Spread the love

ఆసక్తికర అంశాలు వినిపిస్తున్నాయి. కత్తి మహేష్ కి, పవన్ కళ్యాణ్ అభిమానులకు మొదలయిన వార్ మరింత ముదరడంలో మీడియాదే ప్రధాన పాత్ర అనడంలో సందేహం లేదు. అందులో టీవీ9ది అగ్రస్థానం. ఏబీఎన్ వంటి వాళ్లు కూడా అగ్నికి ఆజ్యం పోస్టున్నట్టు స్పష్టం అవుతోంది. అనేక సమస్యలుండగా, ఇలాంటి వివాదాస్పద అంశాలు మాత్రమే విస్త్రుతంగా ప్రసారం సాగించడం ద్వారా తమ రేటింగ్ పెంచుకోవడానికి టీవీ చానెళ్లు ప్రయత్నిస్తాయి. అందులో సందేహం లేదు. వ్యాపారం కాబట్టి చేసినా తప్పుబట్టకూడదు.

కానీ అదే సమయంలో మీడియా కొంత మితిమీరి ప్రచారం చేయడం ద్వారా సమాజాని చేస్తున్న చేటు గురించి కూడా ఆలోచించాలి. మెరుగైన సమాజం, ప్రతి అక్షరం ప్రజల కోసమేనని చెప్పుకుంటూ ఇలాంటి వ్యవహారాలలో అతి చేయడం అనర్థదాయకం అన్నది గమనించాలి. గడిచిన వారం రోజులుగా 2018 క్యాలెండర్ ఇయర్ లో గమనిస్తే గజల్స్ గలీజు భాగోతం, ఇప్పుడు కత్తి కథాంశమే తమకు ప్రధాన వనరుగా మీడియా వ్యవహరించింది. తద్వారా వ్యక్తుల సమస్యలను సమాజం నెత్తిన పెడుతూ వ్యవస్థను దిగజార్చడంలో కీలకంగా వ్యవహరిస్తోంది.

అందుకు తోడు పవన్ కళ్యాణ్ ని బద్నాం చేయడమే లక్ష్యంగా మీడియాలో ఓ సెక్షన్ ప్రయత్నిస్తుందనే అనుమానాలు కూడా వినిపిస్తున్నాయి. అందుకు తగ్గట్టుగానే కొందరు మాత్రమే ఈ విషయంలో అతి చేస్తున్న తీరు కనిపిస్తోంది. పవన్ ప్రత్యర్థులతో పాటు, మొన్నటి వరకూ చెట్టాపట్టాలేసుకుని తిరిగిన మిత్రుల్లో కూడా కొందరు పవన్ కళ్యాణ్ ఎదుగుదలని సహించే అవకాశం లేదని, అందుకే ముందరి కాళ్లకి బంధం వేసే పనిలో ఉన్నారని పవన్ అభిమానాలు సైతం సందేహిస్తున్నారు. ఈ నేపథ్యంలోనే కత్తి వెనుక కొన్ని శక్తులున్నాయనే విమర్శలు వస్తున్నాయి. ఎవరు ఉన్నా లేకున్నా, కత్తిని అడ్డు పెట్టుకుని పవన్ ని చిత్తు చేయాలనే సంకల్పంలో ఉన్న సెక్షన్ కి మీడియా తోడ్పాటునందించే పనిలో ఉందనే అభిప్రాయం పెరగడం మాత్రం కొంత ఆశ్చర్యకరమే.

ఇటీవల పవన్ కళ్యాణ్ సినిమా ఆడియో వేడుకను కొన్ని చానెళ్లకు అవకాశం దక్కలేదు. అది కూడా ప్రధానాంశం అయి ఉండవచ్చని కొందరి అభిప్రాయం. ఇలాంటి అనేకనేక రాజకీయ, ఆర్థిక, సామాజిక కారణాలతోనే పవన్ కళ్యాణ్ మీద ప్రశ్నలు సంధించే పరిస్థితికి కత్తి వచ్చేసినట్టు కనిపిస్తోంది.






Related News

బాబు గారి నెపం మీడియా మీదకు నెట్టేశారు..

Spread the loveగోదావ‌రి పుష్క‌రాల సంద‌ర్భంగా ప్ర‌భుత్వం చేసిన అతి ఆఖ‌రికి 27 మంది ప్రాణాలు తీసిన విష‌యం ఎవ‌రూRead More

‘టైమ్’ మారిపోయింది..

Spread the loveతెలుగులోనే కాదు ప్ర‌పంచ వ్యాప్తంగా మీడియా సంస్థ‌లు చేతులు మారే రోజులు వ‌చ్చేశాయి. అనేక సంస్థ‌లు వ‌రుస‌గాRead More

Leave a Reply

Your email address will not be published. Required fields are marked *