Main Menu

ఆ చానెల్ ని జనసేన టేకోవర్ చేస్తుందా?

Spread the love

మీడియా వర్గాల్లో ఆసక్తికర చర్చ మొదలయ్యింది. తాజా పరిణామాల నేపథ్యంలో జనసేన కూడా సొంత చానెల్ వైపు కన్నేసింది. దానికి తగ్గట్టుగానే సన్నాహాలు షురూ చేసింది. అయితే జనసేన అధినేత త్వరలోనే 99 న్యూస్ చానెల్ ని టేకోవర్ చేస్తారనే ప్రచారం ఊపందుకుంది. అలాంటి అవకాశం ఉందంటూ ఇప్పటికే ప్రచారం జోరుగా సాగుతుండడంతో 99 న్యూస్ కి మంచి రోజులు వచ్చినట్టేననే అభిప్రాయం వినిపిస్తోంది.

కానీ జనసేనాని ఆలోచన భిన్నంగా ఉన్నట్టు కనిపిస్తోంది. వాస్తవానికి జనసేన మిత్రపక్షం సీపీఐ ఆధ్వర్యంలో 99న్యూస్ ప్రారంభమయ్యింది. కానీ దాని నిర్వహణ సక్రమంగా లేకపోవడంతో అనేక ఆటుపోట్లు ఎదుర్కోవాల్సి వచ్చింది. అష్టకష్టాల మధ్య చానెల్ సాగుతోంది. దాంతో 99న్యూస్ ని జనసేన టేకోవర్ చేస్తే ఆ చానెల్ సిబ్బందికి, నిర్వాహకులకు సమస్యలు తీరినట్టేనని చెప్పవచ్చు.

కానీ ఇప్పటికే ఓ ముద్ర ఉన్న చానెల్ కన్నా కొత్త చానెల్ మంచిదనే ఆలోచన జనసేన క్యాంప్ లో సాగుతోంది. కానీ ప్రస్తుతమున్న పరిస్థితుల్లో ఉభయ తెలుగు రాష్ట్రాల్లో కొత్త నెట్ వర్క్ తో జనాలకు చేరడం సామాన్య విషయం కాదు. అయినా పవన్ కి ఉన్న ఛరిష్మాతో అది పెద్ద సమస్య కాబోదని పలువురు భావిస్తున్నారు. ప్రధాన చానెళ్లతో కయ్యానికి దిగన తర్వాత తమకు కూడా సొంతంగా చానెల్ అవసరమన్న విషయం ఖాయం చేశారు. అదే సమయంలో జగన్, చిరంజీవి అనుభవాలను పోలిస్తే సొంత మీడియా లేకపోవడంతో ప్రజారాజ్యానికి ఏర్పడిన సమస్యలు, సాక్షి సహాయంతో జగన్ వాటిని ఎదుర్కున్న అనుభవం కూడా పవన్ మదిలో ఉంది. దాంతో 99 న్యూస్ టేకోవర్ కన్నా సొంత సంస్థ అయితే కొంత శ్రేయస్కరమని భావిస్తున్నట్టు తెలుస్తోంది. మరి కొత్త చానెల్ కి ఎప్పుడు కార్యరంగం సిద్ధం అవుతుందో చూడాలి.






Related News

ఏబీఎన్ ఎందుకు బ‌రి తెగిస్తోంది..?

Spread the loveమీడియాలో క‌థ‌నాల విష‌యంలో యాజ‌మాన్యాల ప్ర‌యోజ‌నాలుంటాయ‌న‌డంలో సందేహం లేదు. వారి రాజ‌కీయ ల‌క్ష్యాల‌క‌నుగుణంగా వార్త‌లు రాస్తుంటార‌న‌డంలో సందేహంRead More

సాక్షికి రెట్టింపులో టీవీ9

Spread the loveతాజాగా ఆంధ్ర‌ప్ర‌దేశ్ విప‌క్ష నేత వైఎస్ జ‌గ‌న్ పాద‌యాత్ర ముగింపు తెలుగు మీడియాలో సెంట‌ర పాయింట్ అవుతోంది.Read More

Leave a Reply

Your email address will not be published. Required fields are marked *