Main Menu

వైసీపీ కేసులో ఆంధ్ర‌జ్యోతి ఎండీకి ఊర‌ట‌

Spread the love

వైసీపీ ఎమ్మెల్యే ఆళ్ల రామ‌కృష్ణారెడ్డికి చుక్కెదుర‌య్యింది. ఆంధ్ర‌జ్యోతి మీద వేసిన ప‌రువు న‌ష్టం కేసులో సుప్రీం కోర్ట్ పిటీష‌న్ ను తిర‌స్క‌రించింది. విచార‌ణ‌కు అనుమ‌తి నిరాక‌రించింది. దాంతో ఆళ్ల ఆశ‌ల‌పై ఉన్న‌త న్యాయ‌స్థానం నీళ్లు జ‌ల్లిన‌ట్ట‌య్యింది. గ‌తంలో ఈ కేసులో హైకోర్ట్ లోక‌ల్ స్టాండీ అనే పేరుతో పిటీష‌న్ కొట్టేసింది. దాంతో త‌న పార్టీకి న‌ష్టం క‌లిగించేలా క‌థ‌నాలు రాశారంటూ సుప్రీంని ఆశ్ర‌యించారు. దాంతో అక్క‌డ కూడా నిరాశ ఎదుర‌వ‌డంతో న్యాయ‌పోరాటంలో ఆంధ్ర‌జ్యోతిదే పై చేయి అయ్యింది.

అదే స‌మ‌యంలో విచార‌ణ సంద‌ర్భంగా ఇలాంటి క‌థ‌నాలు సాధ‌ర‌ణ‌మేనంటూ సుప్రీం కోర్ట్ న్యాయ‌మూర్తి వ్యాఖ్యానించ‌డంతో వైసీపీ ఆశ‌లు నీరుగారిపోయాయి. ఈ కేసులో జ‌యంత్ భూష‌ణ్ పిటీష‌న‌ర్ త‌రుపున వాదించారు.

గ‌త ఏడాది మే నెల‌లో జ‌గ‌న్ ఢిల్లీ వెళ్లి ప్ర‌ధానిని క‌లిసిన సంద‌ర్భంగా ఆంధ్ర‌జ్యోతి నిరాధారంగా వార్త‌లు రాసి, ప‌రువు న‌ష్టం క‌లిగించింద‌న్న‌ది ఆళ్ల వాద‌న‌. ఏపీ ప్ర‌యోజ‌నాల కోసం తాము పీఎంని క‌లిస్తే దానికి భిన్నంగా వార్త‌లు రాసి నింద‌లు వేశారంటూ ఆరోపించారు. కానీ హైకోర్ట్, సుప్రీంకోర్ట్ లో కూడా ఈ కేసు నిల‌వ‌క‌పోవ‌డంతో ఆంధ్ర‌జ్యోతి ఎండీకి ఇది ఊర‌ట‌నిచ్చే అంశంగా చెప్ప‌వ‌చ్చు. గ‌తంలో ఈ కేసు విచార‌ణ సంద‌ర్భంగా ఏబీఎన్ రాధాకృష్ణ‌ను కోర్ట్ కి హాజ‌రుకావాల్సిందేనంటూ ప‌లుమార్లు న్యాయ‌స్థానం ఆదేశాలివ్వ‌డంతో ఆర్కే స‌త‌మ‌త‌మ‌య్యారు. చివ‌ర‌కు సానుకూల తీర్పు రావ‌డంతో ఊపిరిపీల్చుకునే అవ‌కాశం ద‌క్కింది.






Related News

మీటూ ఎఫెక్ట్: ఇద్ద‌రు ఎడిట‌ర్ల‌పై వేటు

Spread the loveమాజీ పత్రికా సంపాదకులు ఎంజె అక్బర్‌, తరుణ్‌ తేజ్‌పాల్‌ను బుధవారం ఎడిటర్స్‌ గిల్డ్‌ ఆఫ్‌ ఇండియా (ఇజిఐ)Read More

చ‌ర్చ‌నీయాంశంగా మారిన టీవీ9 స‌ర్వే

Spread the loveప్ర‌స్తుతం ఎన్నిక‌ల పోరులో ప్ర‌తీ అవ‌కాశం కూడా వినియోగించుకునేందుకు పార్టీలు తీవ్రంగా ప్ర‌య‌త్నిస్తున్నాయి. మీడియా అందుకు తందానRead More

Leave a Reply

Your email address will not be published. Required fields are marked *