Main Menu

స్నానం చేస్తుండ‌గా చిత్రీక‌రించి..!!

Spread the love

ప్రపంచ ప్రఖ్యాత హిల్టన్‌ హోటల్స్‌ అండ్‌ రిసార్ట్స్‌పై ఓ మహిళ దావా వేసింది. హోటల్‌ గదిలో తాను స్నానం చేస్తుండగా రహస్య కెమెరాతో చిత్రీకరించారని, అనంతరం ఆ వీడియోను పోర్న్‌ వెబ్‌సైట్లలో పోస్టు చేశారని బాధిత మహిళ ఆరోపించారు. మూడేండ్ల కింద జరిగిన ఈ ఘటన గురించి ఇటీవలే తెలుసుకున్న మహిళ వెంటనే న్యాయస్థానాన్ని ఆశ్రయించి పరువు నష్టం దావా దాఖలు చేశారు. వివరాల్లోకి వెళ్లితే…షికాగోకు చెందిన ఓ మహిళ న్యాయశాస్త్రంలో ఉత్తీర్ణురాలైన తర్వాత బార్‌ పరీక్షల నిమిత్తం 2015 జులైలో న్యూయార్క్‌ వెళ్లారు. అక్కడ అల్బనీలోని హాంప్టన్‌ ఇన్‌ అండ్‌ సూట్స్‌ హోటల్‌లో గది అద్దెకు తీసుకున్నారు. ఆ సమయంలో సదరు మహిళ గదిలో స్నానం చేస్తుండగా అక్కడే ఉన్న రహస్య కెమెరాలో రికార్డయ్యింది.

ఈ విషయం తెలియని మహిళ తిరిగి షికాగో వెళ్లిపోయారు. అయితే మూడేండ్ల తర్వాత ఈ ఏడాది సెప్టెంబరులో ఆ మహిళకు ఓ అజ్ఞాత వ్యక్తి నుంచి ఈ-మెయిల్‌ వచ్చింది. ‘ఈ వీడియోలో ఉన్నది మీరే కదా’ అంటూ అశ్లీల వెబ్‌సైట్‌ లింక్‌ను ఆ వ్యక్తి ఈ-మెయిల్‌లో పంపారు. తద్వారా ఆ వ్యక్తి బెదిరింపులకు పాల్పడ్డాడు. తనకు పెద్ద మొత్తంలో డబ్బు ఇవ్వాలని లేదంటే ఆ వీడియోను ఇతర సైట్లలో కూడా పోస్టు చేస్తానని బెదిరించాడు. ప్రతీనెల 1000 డాలర్ల ( రూ.70,795) చొప్పున అందజేయాలంటూ ఆ మహిళకు తరుచూ ఈ మెయిల్స్‌ పంపాడు. దీంతో, తీవ్ర దిగ్భ్రాంతికి గురైన బాధిత మహిళ న్యాయస్థానాన్ని ఆశ్రయించారు. ప్రపంచవ్యాప్తంగా ఉన్న అన్ని హిల్టన్‌ హోటళ్లపై 100 మిలియన్‌ డాలర్లకు దావా వేశారు.

ఈ ఘటనపై హిల్టన్‌ గ్రూప్‌ స్పందించింది. హోటల్‌లో బస చేస్తున్న అతిథుల భద్రత, ప్రైవసీపై తాము సీరియస్‌గా ఉంటామని తెలిపింది. ఈ ఘటనకు పాల్పడిన వ్యక్తులపై కఠిన చర్యలు తీసుకునేందుకు పోలీసులకు మేం అన్ని విధాల సహకరిస్తామని హామీ ఇచ్చింది. ఇటీవల హోటల్‌లో పలు మరమ్మతు పనులు చేపట్టామని, ఎలాంటి రికార్డింగ్‌ పరికరలు లభ్యంకాలేదని హిల్టన్‌ గ్రూప్‌ వెల్లడించింది






Leave a Reply

Your email address will not be published. Required fields are marked *