కీల‌క ప్రాంతంలో వైసీపీ ఉక్కిరిబిక్కిరి

YS-Jagan-Mohan-Reddy-clueless-over-MLC-Elections-1
Spread the love

ఏపీలో అన్నింటికన్నా కీల‌కమైన ప్రాంతం గోదావ‌రి జిల్లాలు. అందులోనూ వైసీపీకి ఆ జిల్లాలు మ‌రింత ముఖ్యం. అయితే ఇప్పుడా జిల్లాల్లో జ‌గ‌న్ పార్టీ ఉక్కిరిబిక్కిరి అవుతోంది. మారుతున్న రాజ‌కీయ స‌మీక‌ర‌ణాల‌తో స‌త‌మ‌తం అవుతోంది. ఏం చేయాలో పాలుపోని స్థితిలో పార్టీ అధినేత ప‌డిపోతున్నార‌నే అభిప్రాయం వ్య‌క్తం అవుతోంది. అదే స‌మ‌యంలో పార్టీలోనే ప్ర‌ధాన నేత‌లుగా ఉన్న వారు బ‌హిరంగంగా చేస్తున్న ప్ర‌క‌ట‌న‌లు వైసీపీని మ‌రింత స‌త‌మ‌తం చేస్తున్నాయి.

గోదావ‌రి జిల్లాల సామాజిక స‌మీక‌ర‌ణాల విష‌యంలో ప్ర‌ధానంగా తూర్పు గోదావ‌రి జిల్లాతో పాటు ప‌శ్చిమ గోదావ‌రిలో కూడా మెజార్టీ ప్రాంతంలో కాపుల‌దే కీల‌క పాత్ర‌. ఆ త‌ర్వాత శెట్టిబ‌లిజ సామాజిక‌వ‌ర్గం ముఖ్య భూమిక పోషిస్తుంది. అందుకు తగ్గ‌ట్టుగానే గ‌డిచిన ఎన్నిక‌ల్లో కాపుల‌కు భారీగా సీట్లు ఇచ్చిన జ‌గ‌న్, శెట్టిబ‌లిజ‌ల‌కు కూడా రామ‌చంద్రాపురం, కాకినాడ రూర‌ల్, ముమ్మిడివ‌రం, పాల‌కొల్లు నియోజ‌క‌వ‌ర్గాల‌ను కేటాయించారు. అయినా ఆశించిన ఫ‌లితాలు రాక‌పోవ‌డంతో వైసీపీ ఢీలా ప‌డింది. శెట్టిబ‌లిజ వ‌ర్గానికి చెందిన అభ్య‌ర్థులు అన్ని చోట్లా ఓట‌మి పాల‌య్యారు. దాంతో వ‌చ్చే ఎన్నిక‌ల కోసం వైసీపీ వ్యూహం మార్చుకున్న‌ట్టు క‌నిపిస్తోంది. సామాజిక నేప‌థ్యం క‌న్నా గెల‌పు గుర్రాల‌ను ఎంచుకోవ‌డ‌మే ల‌క్ష్యంగా సాగుతోంది.

ఈ త‌రుణంలోనే ఇత‌ర పార్టీల నుంచి కూడా నేత‌లు వైసీపీ వైపు చూస్తున్నారు. దాంతో రాబోయే ఎన్నిక‌ల్లో శెట్టిబ‌లిజ సామాజిక‌వ‌ర్గానికి అవ‌కాశాలు కుచించుకుపోయే అవ‌కాశాలు క‌నిపిస్తున్నాయి. ఇప్ప‌టికే ముమ్మిడివ‌రం సీటుని శెట్టి బ‌లిజ వ‌ర్గానికి కాకుండా మ‌త్స్య‌కార సామాజిక‌వ‌ర్గానికి చెందిన మాజీ ఎమ్మెల్యే పొన్నాడ స‌తీష్ కి దాదాపు ఖాయం చేసిన‌ట్టు క‌నిపిస్తోంది. ఆయ‌న పార్టీ తీర్థం పుచ్చుకుని ప్ర‌చారంలో దిగిపోతార‌ని చెబుతున్నారు. అదే విధంగా పాల‌కొల్లు నుంచి కూడా మాజీ మంత్రి చేగొండి హ‌రిరామ‌జోగ‌య్య త‌న‌యుడు అవ‌కాశం కోసం చూస్తున్నారు. ఆయ‌న‌కు సై అంటే కండువా క‌ప్పుకునే అవ‌కాశం క‌నిపిస్తోంది. ఇక కాకినాడ రూర‌ల్ సీటు మ‌రో మాజీ ఎమ్మెల్యే , కాపు సామాజిక‌వ‌ర్గానికి చెందిన కుర‌సాల క‌న్న‌బాబుకి దాదాపు ఖాయం అని చెప్ప‌వ‌చ్చు. అనూహ్య మార్పులు వ‌స్తే త‌ప్ప ఆయ‌నే బ‌రిలో ఉంటార‌ని భావిస్తున్నారు. ఇక రామ‌చంద్రాపురం నుంచి కూడా కీల‌క కాపు నేత‌, సీనియ‌ర్ ఎమ్మెల్యే టీడీపీ నుంచి వైసీపీ లోకి రావ‌డానికి సిద్ధ‌ప‌డుతున్నార‌నే వాద‌న ఉంది.

దాంతో ముమ్మిడివ‌రం మిన‌హా మిగిలిన మూడు చోట్ల ఈసారి కాపుల‌కు అవ‌కాశం క‌ట్ట‌బెట్ట‌డానికి పావులు క‌దుపుతున్నార‌నే ప్ర‌చారం ఊపందుకోవ‌డంతో శెట్టిబ‌లిజ నేత‌లు స్వ‌రం పెంచుతున్నారు. త‌మ సామాజిక‌వ‌ర్గానికి అన్యాయం చేయ‌కూడ‌దంటూ పిల్లి సుభాష్ చంద్ర‌బోస్ వంటి వారు ఇప్ప‌టికే ప్ర‌క‌ట‌న‌లు ఇస్తున్నారు. ప్ర‌త్యేక స‌మావేశాలు నిర్వ‌హిస్తున్నారు. కుల స‌మీక‌ర‌ణాల‌కు సిద్ధ‌మ‌వుతున్నారు. దాంతో వైసీపీకి పెద్ద స‌మ‌స్య‌గా మారే ప్ర‌మాదం క‌నిపిస్తోంది. సామాజిక మార్పులు చెమ‌ట‌లు ప‌ట్టించడం ఖాయం అనే మాట వినిపిస్తోంది. దానిని అధిగ‌మించ‌డానికి ఆపార్టీ ఎలాంటి మార్గం ఎంచుకుంటుందో చూడాలి.






Related News

7500_Deputy CM Chinarajappa

చిన‌రాజ‌ప్ప‌కి స్కెచ్ వేస్తున్న సొంత పార్టీ

Spread the loveఇదో ఆస‌క్తిక‌ర చ‌ర్చ మొద‌ల‌య్యింది. గ‌తంలో ఎమ్మెల్సీగా మాత్ర‌మే ప‌నిచేసిన ఆయ‌న తొలిసారి ఎమ్మెల్యేగా ఎన్నిక కావ‌డంతోనేRead More

636593328862218666

జ‌గ‌న్ కి జై కొట్టిన మ‌రో సినీ న‌టుడు

Spread the loveఏపీలో రాజకీయాలు వేగంగా మారుతున్నాయి. ప్ర‌భుత్వ ప‌క్షం ఇప్ప‌టికే ప్ర‌జా వ్య‌తిరేక‌త‌తో స‌త‌మ‌తం అవుతోంది. మ‌రోవైపు విప‌క్షRead More

  • కీల‌క ప్రాంతంలో వైసీపీ ఉక్కిరిబిక్కిరి
  • టీడీపీకి జ‌న‌సేన షాక్
  • ఏపీ బీజేపీ అధ్య‌క్షుడిగా మాజీ మంత్రి!
  • వైసీపీలోకి సీనియర్ నేత చేగొండి హరిరామజోగయ్య
  • టీడీపీకి క్లారిటీ వ‌చ్చేసింది…
  • గోదావ‌రిలో టీడీపీకి పెద్ద గండి…!
  • టీడీపీ ఎమ్మెల్యేకి త‌ప్పిన ముప్పు
  • జ‌న‌సేనానికి ముద్ర‌గ‌డ మ‌ద్ధ‌తు
  • Leave a Reply

    Your email address will not be published. Required fields are marked *