Main Menu

యనమల అవుట్..

Spread the love

తెలుగుదేశం పార్టీ తీరు మారుతోంది. కొత్త తరం తెరమీదకు వస్తోంది. అందులో భాగంగా నారా చంద్రబాబు స్థానంలో చినబాబు పెత్తనం మొదలయ్యే అవకాశాలు కనిపిస్తోంది. దానికి తగ్గట్టుగానే పరిణామాలున్నాయి. తాజాగా టీడీపీ సీనియర్ నేత యనమల రామక్రుష్ణుడి రూటు మారుతుందన్న ప్రచారం చర్చనీయాంశంగా మారింది. వాస్తవానికి యనమల చాలాకాలంగా ఆశిస్తున్నట్టుగానే ఆయనకు రాజ్యసభ బెర్త్ కేటాయించబోతున్నారన్న ప్రచారం విస్త్రుతంగా ఉంది. ఆయన స్థానంలో యనమల కుటుంబం నుంచి ఒకరు రంగంలోకి వస్తారని భావిస్తున్నారు.

యనమల టీడీపీ ఆవిర్భావం నుంచి పార్టీలో ఉన్నారు. ఓ సాధారణ ప్లీడర్ ను పార్టీలోకి పిలిచి టికెట్ ఇచ్చి వెనుకబడిన సామాజికవర్గానికి చెందిన నేతను ఉన్నతస్థానంలో నిలిపిన ఘనత ఎన్టీఆర్ ది. అయితే ఆ తర్వాత ఎన్టీఆర్ ని పదవీచ్యుతుడిని చేయడంలో చంద్రబాబుతో చేతులు కలిపి ఆ నాటి స్పీకర్ గా యనమల వ్యవహరించిన తీరు మీద నేటికీ విమర్శలున్నాయి. అయితే చంద్రబాబుతో యనమల సాన్నిహిత్యం మాత్రం బాగా బలపడింది. దాని ఫలితంగానే చంద్రబాబు సర్కారు పాలనలో ఉంటే ఆర్థిక వ్యవహారాలు యనమలవే. శాసనసభా నిర్వహణలో అవగాహన ఉన్న నాయకుడిగా వాటిలోనూ యనమలదే కీలకపాత్ర.

కొన్నాళ్లుగా యనమల కన్ను కేంద్ర రాజకీయాల మీద పడింది. కేంద్రంలో కొందరు యాదవ్ పెద్దలు చక్రం తిప్పుతున్న నేపథ్యంలో తాను కూడా హస్తిన వెళితే అవకాశాలు మెరుగుపడతాయనే అంచనాలో ఆయనలో ఉన్నట్టు చెబుతారు. కానీ 1983నుంచి అటు శాసనసభలోనూ, ప్రస్తుతం మండలిలోనూ సభ్యుడిగా ఉన్న ఆయనకు పార్లమెంట్ మీద మోజు కలగడంలో పెద్ద విశేషం లేదు. అదే సమయంలో యనమల, నారా లోకేష్ మధ్య పలు విషయాల్లో విబేధాలున్న మాట కాదనలేని సత్యం. దాంతో ఇరువురిని సంత్రుప్తి పరచడంలో భాగంగా యనమలను రాజ్యసభకు పంపిస్తే ఆయన కోరిక తీరడమే కాకుండా, లోకేష్ తో అడ్డంకులు తొలగుతాయన్నది పరిశీలకుల భావన. దానికి అనుగుణంగానే ప్రస్తుతం చంద్రబాబు వచ్చే ఏడాది జరిగే రాజ్యసభ ఎన్నికల్లో యనమలకు బెర్త్ కేటాయించే దిశగా పావులు కదుపుతున్నట్టు కనిపిస్తోంది.

ఆయన వారసురాలిగా వచ్చే ఎన్నికల్లో తుని నుంచి యనమల కూతురు రంగంలో ఉంటారనే వాదన ఉంది. ప్రస్తుతం అక్కడి నుంచి వైసీపీ తరుపున దాడిశెట్టి రాజా ప్రాతినిధ్యం వహిస్తున్నారు. యనమల సోదరుడు యనమల క్రుష్ణుడు వల్ల రాజాని అడ్డుకోవడం సాధ్యం కాదనే ప్రచారం ఉంది. దాంతో తన కుమారుడు శివరామక్రుష్ణన్ కోసం యనమల క్రుష్ణుడు ప్రయత్నిస్తున్నారు. కానీ యనమల మాత్రం తన కుమార్తెను రంగంలో దించాలని ఆశిస్తున్నట్టు సాగుతున్న ప్రచారం యనమల బ్రదర్స్ మధ్య కొత్త వివాదం రాజేసినా ఆశ్చర్యం లేదు. మొత్తంగా యనమల ను ఏపీ క్యాబినెట్ నుంచి పంపిస్తే జరిగే పరిణామాలు తునిలో తీవ్రంగా ఉంటాయని చెప్పక తప్పదు.






Related News

ఫిబ్ర‌వ‌రి నాటికి క్లారిటీ వ‌స్తుందంటున్న ప‌వ‌న్

Spread the loveజ‌న‌సేన అధినేత ప‌ర్య‌ట‌న‌లు జోరుగా సాగుతున్నాయి. ఓవైపు ఉత్త‌రాంధ్ర‌, గోదావ‌రి జిల్లాల యాత్ర‌లు ముగించుకుని ప్ర‌స్తుతం రాయ‌ల‌సీమ‌లోRead More

ఆపార్టీలోనే చేర‌తానంటున్న వ‌ట్టి

Spread the loveఏపీ రాజ‌కీయాల్లో సీనియ‌ర్ నేత‌ల్లో ఒక‌రిగా పేరున్న వ‌ట్టి వ‌సంత‌కుమార్ కి ప‌శ్చిమ గోదావ‌రి జిల్లాలో గ‌ట్టిRead More

Leave a Reply

Your email address will not be published. Required fields are marked *