బాబు మాట‌ను ఖాత‌రు చేయ‌ని టీడీపీ ఎమ్మెల్యే

thota trimurtulu
Spread the love

ఆశ్చ‌ర్య‌మే అయినా అధినేత తీరుతో ఆ ఎమ్మెల్యే అసంతృప్తిగా ఉన్న‌ట్టు క‌నిపిస్తోంది. నేత‌లంతా ఆ ప‌నిలో ఉండాల‌ని ఆదేశించినా ఈ ఎమ్మెల్యే మాత్రం అందుకు భిన్నంగా వ్య‌వ‌హ‌రించారు. ఓవైపు కాపుల రిజ‌ర్వేష‌న్ల అంశాన్ని ఉప‌యోగించుకుని ముద్ర‌గ‌డ ప‌ద్మ‌నాభం ప్ర‌భుత్వం మీద ఎదురుదాడి చేస్తున్నారు. చంద్ర‌బాబుని ఇర‌కాటంలో పెడుతున్నారు. దాంతో టీడీపీ నేత‌ల‌కు పెద్ద తల‌నొప్పిగా మారుతోంది. చివ‌ర‌కు టీడీపీ జిల్లా అధ్య‌క్షుడిగా ఉన్న త‌మ సామాజిక‌వ‌ర్గ నేత ఇంటిని కూడా కాపులు ముట్ట‌డించారు. స‌లాది రామ‌కృష్ణ‌లాంటి మ‌రికొంద‌రు టీడీపీ నేత‌లు మాత్రం రిజ‌ర్వేష‌న్లు ఇవ్వ‌క‌పోతే టీడీపీకి రాజీనామా చేస్తామంటూ హెచ్చ‌రించారు. ఇలా టీడీపీ తీవ్ర ఒత్తిడిలో ఉన్న స‌మ‌యంలో కూడా ఆ ఎమ్మెల్యే పెద‌వి విప్ప‌క‌పోవ‌డం ఆశ్చ‌ర్యం క‌లిగిస్తోంది. అందులోనూ గ‌తంలో ముద్ర‌గ‌డ ఉద్య‌మాల స‌మ‌యంలో కీల‌కంగా వ్య‌వ‌హ‌రించి, రాయ‌బారాలు కూడా న‌డిపిన తోట త్రిమూర్తులు ఇప్పుడు హ‌ఠాత్తుగా సైలెంట్ గా ఉండ‌డం ఆశ్చ‌ర్యంగా మారుతోంది.

సీనియ‌ర్ ఎమ్మెల్యేగా ఉన్న తోట త్రిమూర్తులు ఇటీవ‌ల మంత్రివ‌ర్గంలో స్థానం ఆశించారు. కానీ అది నెర‌వేర‌లేదు. చిన‌రాజ‌ప్ప‌ను కొన‌సాగించ‌డానికే చంద్ర‌బాబు మొగ్గుచూప‌డంతో తోట‌త్రిమూర్తులు అసంతృప్తికి గుర‌య్యారు. అయినా ఆయ‌న ఆ విష‌యాన్ని బ‌య‌ట‌ప‌డ‌నివ్వ‌లేదు. తీరా ఇప్పుడు అవ‌స‌రం వ‌చ్చిన స‌మ‌యంలో స‌హయ నిరాక‌ర‌ణ చేస్తున్న‌ట్టు క‌నిపిస్తోంది. వాస్త‌వానికి కాపుల్లో తోట త్రిమూర్తుల‌కు మంచి ఫాలోయింగ్ ఉంది. ఇంకా చెప్పాలంటే కాపుల మ‌ద్ధ‌తుతోనే ఆయ‌న రాజ‌కీయాలు చేస్తున్నారు. అలాంటి కాపుల స‌మ‌స్య ముందుకొచ్చిన‌ప్పుడు ఆయ‌న క‌నీసం గొంతు విప్పుక‌పోవ‌డం విశేషంగానే ఉంది. ఇప్ప‌టికే చంద్ర‌బాబు త‌న పార్టీ కాపునేత‌లంద‌రికీ ఈ బాధ్య‌త అప్ప‌గించారు. ముద్ర‌గ‌డ‌కు కౌంట‌ర్ ఇవ్వాల‌ని టీడీపీ అధిష్టానం నుంచి ఆదేశాలొచ్చాయి. గోదావ‌రి జిల్లాల్లోని ఛోటా మోటా నేత‌లంతా ఈ విష‌యంలో ముద్ర‌గ‌డ మీద ప్ర‌తివిమ‌ర్శ‌లు చేశారు. అయినా తోట త్రిమూర్తులు మాత్రం దానికి దూరంగా ఉన్నారు. త‌ద్వారా చంద్ర‌బాబు మాట‌ను కూడా ఆయ‌న ఖాత‌రు చేసిన‌ట్టు క‌నిపించ‌డం లేదు.

వాస్త‌వానికి కాపుల‌కు అన్యాయం చేయ‌డ‌మే కాకుండా ముద్ర‌గ‌డ విష‌యంలో అతిగా వ్య‌వ‌హ‌రిస్తున్నార‌నే అభిప్రాయం టీడీపీ కాపు నేత‌ల్లోనూ ఉంది. చిన‌రాజ‌ప్ప లాంటి ఒక‌రిద్ద‌రు నోరు పారేసుకుంటున్నార‌నే అత్య‌ధికులు భావిస్తున్నారు. ఈ నేప‌థ్యంలో చంద్ర‌బాబు చెప్పిన‌ట్టు ముద్ర‌గ‌డ మీద విమ‌ర్శ‌లు చేసి ఇరుకున‌ప‌డ‌డం ఎందుక‌ని తోట ఆలోచించ‌న‌ట్టుగా క‌నిపిస్తోంది. దాంతో ఆయ‌న జాగ్ర‌త్త‌లు పాటిస్తున్నార‌నే అభిప్రాయం వినిపిస్తోంది. అదే స‌మ‌యంలో లోక్ స‌భ‌లో టీడీపీ నేత‌గా ఉన్న తోట న‌ర‌సింహం కూడా ఆచితూచి వ్య‌వ‌హ‌రిస్తుండ‌డం విశేషం. ఈ నేత‌లంతా చంద్రబాబు ధోర‌ణితో అసంతృప్తిగా ఉన్నార‌ని, చివ‌రిలో ఎలాంటి నిర్ణ‌యం తీసుకున్న ఆశ్చ‌ర్యం లేద‌ని వారి అనుచ‌రులే చెబుతుండ‌డం విశేషం.






Related News

kakinada

టీడీపీ ఆఖరి ఆశలు గల్లంతు

Spread the love14Sharesపరిస్థితులు అనుకూలించకపోతే తాడే పామై కరుస్తుందన్న చందంగా మారింది. తాజాగా కోర్టు తీర్పులు కూడా తెలుగుదేశం పార్టీకిRead More

ysrcp-party-flag-647x450

వైసీపీకి భారంగా పార్టీ అధ్యక్షుడు

Spread the loveవైసీపీకి ఇప్పుడు జరుగుతున్న ఎన్నికలు విజయమో..వీరస్వర్గమో అన్నట్టుగా మారిపోయాయి. గత సాధారణ ఎన్నికల తర్వాత రాష్ట్రస్థాయిలో ఆసక్తిRead More

  • మంత్రిగారి సెప‌రేట్ స్వ‌తంత్ర్య‌దినోత్స‌వం ..!
  • సినిమా ఛాన్స్ ఆశ చూపి దర్శకుడి అత్యాచారం
  • కాపు చైర్మ‌న్ కి అవ‌మానం: తోట లేట్ ఎంట్రీ..!
  • వైసీపీకి ఎదురుదెబ్బ‌..!
  • టీడీపీలో గుబులు రేపిన తోట‌
  • వాళ్లిద్ద‌రికీ టికెట్ లేద‌ని చెప్పిన చంద్ర‌బాబు..!
  • కాకినాడ ఎన్నిక‌లు: ఎవ‌రి బ‌లం ఎంత‌?
  • ఏపీలో మ‌రో ఎన్నిక‌లు
  • Leave a Reply

    Your email address will not be published. Required fields are marked *