Main Menu

టీడీపీకి క్లారిటీ వ‌చ్చేసింది…

Spread the love

తూర్పు గోదావ‌రి జిల్లాలో టీడీపీ మ‌రోసారి ప‌ట్టుకోసం ప్ర‌య‌త్నిస్తోంది. వ‌చ్చే ఎన్నిక‌ల్లో మ‌రోసారి స‌త్తా చాటాల‌ని స్కెచ్ వేస్తోంది. దానికి త‌గ్గ‌ట్టుగా పావులు క‌దుపుతోంది. జ‌న‌సేన‌, బీజేపీ దూర‌మ‌యిన‌ప్ప‌టికీ ఒంట‌రిగా సాగ‌డానికి చ‌ర్య‌లు తీసుకుంటోంది. ఈ నేప‌థ్యంలో ఆ జిల్లాలో కీల‌క‌మ‌యిన జ‌గ్గంపేట నియోజ‌క‌వ‌ర్గంలో టీడీపీ రాజ‌కీయాల్లో క్లారిటీ వ‌చ్చేస్తున్న‌ట్టు క‌నిపిస్తోంది. వాస్త‌వానికి గ‌డిచిన మూడు ఎన్నిక‌లుగా ఇక్క‌డ టీడీపీ ఓట‌మి పాల‌వుతూ వ‌స్తోంది. చివ‌రిగా 1999లో జ్యోతుల నెహ్రూ టీడీపీ నుంచి గెలిచారు. ఆ త‌ర్వాత 2004లో ఆయ‌న టీడీపీ త‌రుపున బ‌రిలో దిగి ప‌రాజ‌యం పాల‌య్యారు. 2009, 2014లో జ్యోతుల చంటిబాబుని అభ్య‌ర్థిగా నిలిపినా టీడీపీ గెల‌వ‌లేక‌పోయింది.

అయితే రాబోయే 2019 ఎన్నిక‌ల్లో మ‌రోసారి టీడీపీ త‌రుపున జ్యోతుల నెహ్రూ రంగంలో దిగుతార‌ని ఇప్ప‌టికే టీడీపీ ప్ర‌ధాన కార్య‌ద‌ర్శి నారా లోకేష్ ప్ర‌క‌టించారు. 2014లో వైసీపీ త‌రుపున గెలిచిన‌ప్ప‌టికీ ప్ర‌స్తుతం ఆయ‌న టీడీపీలో ఉన్నారు,. ఆయ‌న త‌న‌యుడు జ్యోతుల న‌వీన్ జెడ్పీ చైర్మ‌న్ గా సాగుతున్నారు. దాంతో వ‌చ్చే ఎన్నిక‌ల్లో అభ్య‌ర్థిగా నెహ్రూ ఖాయం అనే ప్ర‌చారం ఊపందుకుంది. ఈ నేప‌థ్యంలో చంటిబాబు వైసీపీ కండువా క‌ప్పేసుకున్నారు. అదే స‌మ‌యంలో ఈ సీటు మీద కొంత పెట్టుకున్న‌ప్ప‌టికీ ప్ర‌స్తుతం కాకినాడ ఎంపీగా ఉన్న తోట న‌ర‌సింహానికి కూడా స్ప‌ష్ట‌త ఇచ్చేసిన‌ట్టు తెలుస్తోంది. ఆయ‌న కాకినాడ ఎంపీ సీటు కి గానీ, లేకుంటే కాకినాడ ఎమ్మెల్యే సీటు కూడా ద‌క్కించుకునే అవ‌కాశం ఉంద‌నే అంచ‌నాలున్నాయి. జ‌గ్గంపేట‌లో మాత్రం జ్యోతుల‌కి లైన్ క్లియ‌ర్ అయ్యింద‌ని చెబుతున్నారు.

దాంతో జ‌గ్గంపేట రాజ‌కీయాలు చ‌ర్చ‌నీయాంశాలుగా మారుతున్నాయి. అంద‌రిలో ఆస‌క్తిని రాజేస్తున్నాయి. తోట న‌ర‌సింహం స‌హ‌క‌రిస్తే జ్యోతుల‌కి గ్యారంటీ అని చెప్ప‌వ‌చ్చు. కానీ వారిద్ద‌రి మ‌ధ్య స‌ఖ్య‌త మీదే టీడీపీ ప‌రిస్థితి ఆధార‌ప‌డి ఉంటుంది.






Related News

హర్ష‌కుమార్ అటు మొగ్గు చూప‌డానికి కార‌ణం అదే..!

Spread the love3Sharesమాజీ ఎంపీ హ‌ర్ష‌కుమార్ కూడా మ‌రో అడుగు వేస్తున్నారు. త్వ‌ర‌లో కొత్త కండువా క‌ప్పుకోబోతున్నారు. ఇప్ప‌టికే గ‌డిచినRead More

మ‌ళ్లీ చింత‌మ‌నేని వీరంగం, ప‌గోలో వివాదం

Spread the love8Sharesవివాదాస్ప‌ద ఎమ్మెల్యే చింత‌మ‌నేని ప్ర‌భాక‌ర్ మ‌రోసారి వీరంగం చేశారు. ప‌శ్చిమ‌గోదావ‌రి జిల్లా దెందులూరు శాస‌న‌స‌భ్యుడు త‌న స్థాయికిRead More

Leave a Reply

Your email address will not be published. Required fields are marked *