మంత్రిగారి సెప‌రేట్ స్వ‌తంత్ర్య‌దినోత్స‌వం ..!

ks javahar
Spread the love

ఏపీలో ప్ర‌భుత్వ వ్య‌వ‌హారాలు కొత్త పుంత‌లు తొక్కుతున్నాయి. తాజాగా స్వ‌తంత్ర్య‌దినోత్స‌వం కూడా త‌మ అవ‌స‌రాల‌కు త‌గ్గ‌ట్టుగా మార్చేసుకోవ‌డం కొత్త ప‌రిణామం. అనూహ్య‌మే అయినా అమాత్యుడు త‌ల‌చుకుంటే అడ్డంకి ఏముంద‌న్న‌ట్టుగా మారిపోయింది. అంతే ప‌శ్చిమ‌లో అధికారులు ప‌రుగులు పెట్ట‌క త‌ప్ప‌లేదు. హుటాహుటీన రెండు చోట్ల జెండా వంద‌నానికి త‌గ్గ‌ట్టుగా ఏర్పాట్లు చేయ‌క త‌ప్ప‌లేదు. దాంతో ఈ ప‌రిణామం జిల్లా వాసుల‌ను విస్మ‌య ప‌రిచింది.

ఏపీ ప్ర‌భుత్వం ఆదేశాల ప్ర‌కారం అన్ని జిల్లా కేంద్రాల్లోనూ అధికారికంగా స్వ‌తంత్ర్య‌దినోత్స‌వం నిర్వ‌హించారు. అన్ని చోట్ల ఇన్ఛార్జ్ మంత్రులు జెండావిష్క‌ర‌ణ‌లు చేశారు. ఇన్ఛార్జ్ మంత్రులు కాని వారు కొంద‌రికి అలాంటి అవ‌కాశం ద‌క్క‌లేదు., అలాంటి జాబితాలో సీనియ‌ర్ మంత్రి కేఈ కూడా ఉన్నారు. కానీ ఆయ‌న మాత్రం స‌ర్థుకుపోయారు. సొంత జిల్లాలోనే అవ‌కాశం ఉన్న చోట జెండా ఎగుర‌వేసి సంతృప్తి ప‌డ్డారు. కానీ అదే స‌మ‌యంలో మ‌రో మంత్రి కేఎస్ జ‌వ‌హార్ మాత్రం దానికి భిన్నంగా వ్య‌వ‌హ‌రించారు. ఇన్ఛార్జ్ మంత్రిగా ప్ర‌త్తిపాటి పుల్ల‌రావు ఏలూరులో జెండా వంద‌న చేస్తుంటే అదే స‌మ‌యంలో పోటీగా మంత్రి జ‌వ‌హార్ కొవ్వూరులో జెండావిష్క‌ర‌ణ చేశారు.

అయితే జిల్లా కేంద్రంలో జ‌రిగిన‌ట్టుగానే కొవ్వూరులో కూడా ఆర్డీవో పేరుతో ఆహ్వాన‌ప‌త్రాల పంపిణీ, శ‌క‌టాల ఏర్పాటు జ‌ర‌గ‌డం విచిత్రం. అంత‌కుమించి జిల్లాలో అధికారుల‌కు ప్ర‌భుత్వం అవార్డులిస్తుండ‌గా కొవ్వూరులో మంత్రి కొత్త‌గా అవార్డులు అందించ‌డం ఆశ్చ‌ర్య‌క‌ర‌మైన అంశంగా మారింది. మంత్రి జ‌వ‌హార్ తొలిసారి ఎమ్మెల్యే.. అయినా సామాజిక స‌మీక‌ర‌ణాల్లో మంత్రి ప‌ద‌వి ద‌క్కించుకున్నారు. అయిన‌ప్ప‌టికీ అధ‌కారిక నిబంధ‌న‌లు తోసిరాజ‌ని, త‌న‌కు న‌చ్చిన రీతిలో వ్య‌వ‌హ‌రించ‌డం ఇప్పుడు చ‌ర్చ‌నీయాంశం అవుతోంది. జెండావంద‌న చేయ‌డం బాధ్య‌తే అయిన‌ప్ప‌టికీ దానికి సంప్ర‌దాయాల‌ను ఉల్లంఘించ‌డం, త‌న‌కు న‌చ్చిన‌ట్టు వ్య‌వ‌హ‌రించ‌డాన్ని ప‌లువురు త‌ప్పుబ‌డుతున్నారు. మొత్తంగా జ‌వ‌హార్ సెప‌రేట్ స్వ‌తంత్ర్య దినోత్స‌వంతో వార్త‌ల‌కెక్క‌డం ఆస‌క్తిదాయ‌క‌మే.






Related News

maddala sunita in ycp

వైసీపీలోకి మరో మాజీ ఎమ్మెల్యే

Spread the loveఇటీవల పలువురు మాజీ ఎమ్మెల్యేలు వైసీపీలోకి క్యూ కడుతున్నారు. ముఖ్యంగా గోదావరి జిల్లాల్లో పలువురు నేతలు వైసీపీRead More

East_Godavari_district

తూర్పున మరో తగాదా

Spread the loveతూర్పు గోదావరి జిల్లా వ్యవహారాల్లో మరో తగాదా తెరమీదకు వచ్చింది. చాలాకాలంగా పెద్దాపురంలో చాపకింద నీరులా ఉన్నRead More

  • చిక్కులు కొనితెచ్చుకున్న చినరాజప్ప
  • జగన్ కి కొత్త సమస్యలు షురూ
  • ప‌శ్చిమ టీడీపీలో చిచ్చు ..
  • రాధాకృష్ణ‌కి ప‌వ‌న్ క‌ళ్యాణ్ ఇచ్చిన బిరుదు…!
  • చిన‌రాజ‌ప్ప‌కి స్కెచ్ వేస్తున్న సొంత పార్టీ
  • జ‌గ‌న్ కి జై కొట్టిన మ‌రో సినీ న‌టుడు
  • కీల‌క ప్రాంతంలో వైసీపీ ఉక్కిరిబిక్కిరి
  • టీడీపీకి జ‌న‌సేన షాక్
  • Leave a Reply

    Your email address will not be published. Required fields are marked *