Main Menu

టీడీపీకి జ‌న‌సేన షాక్

Spread the love

తెలుగుదేశం పార్టీకి షాక్ త‌ప్పేలా లేదు. ముఖ్యంగా జ‌న‌సేన మూలంగా టీడీపీ మూలాల‌కే దెబ్బ ప‌డ‌డం ఖాయంగా మారింది. ఇప్ప‌టికే గోదావ‌రి జిల్లాల్లో జ‌న‌సేన ప్ర‌భావం ప్రారంభ‌మ‌య్యింది. ప‌లువురు నేత‌లు టీడీపీకి గుడ్ బై చెబుతున్నారు. ఇప్ప‌టికే కొత్త‌పేట నియోజ‌క‌వ‌ర్గ మాజీ ఎమ్మెల్యే బండారు స‌త్యానంద‌రావు సోద‌రుడు టీడీపీని వీడి జ‌న‌సేన గూటిలో చేరారు. తాజాగా కాకినాడ న‌గ‌ర టీడీపీ సార‌ధిగా వ్య‌వ‌హ‌రించిన నున్నా దొర‌బాబు జ‌న‌సేన‌లో చేరుతున్న‌ట్టు ప్ర‌క‌టించారు. దాంతో తెలుగుదేశం పార్టీకి గ‌డిచిన ఎన్నిక‌ల్లో కీల‌కంగా వ్య‌వ‌హ‌రించిన కాపు సామాజిక‌వ‌ర్గం నుంచి ప‌లువురు నేత‌లు జ‌న‌సేన వైపు చూస్తున్న‌ట్టు స్ప‌ష్టం అవుతోంది.

తూర్పు గోదావ‌రి జిల్లాల్లో 2009లో కూడా ప్ర‌జారాజ్యం రాక సంద‌ర్భంగా టీడీపీకి పెద్ద గండి పడింది. అప్ప‌టి పార్టీ జిల్లా అధ్య‌క్షుడు జ్యోతుల నెహ్రూ కూడా టీడీపీని వీడి ప్ర‌జారాజ్యంలో చేరిపోయారు. ఆ త‌ర్వాత తోట త్రిమూర్తులు, వంగా గీత వంటి నేత‌లు కూడా చిరంజీవి ప‌క్క‌న చేరిపోయారు. దాంతో టీడీపీ తీవ్రంగా స‌త‌మ‌తం అయ్యింది. ఆ త‌ర్వాత కొంద‌రు నేత‌లు మ‌ళ్లీ టీడీపీలోకి వ‌చ్చిన‌ప్ప‌టికీ ఇప్పుడు మ‌రోసారి జ‌న‌సేన వైపు చూస్తున్న‌ట్టు స‌మాచారం. ముఖ్యంగా తోట త్రిమూర్తులు త‌న‌యుడు, తోట న‌ర‌సింహం వార‌సుడితో పాటు మ‌రికొంద‌రు నేత‌లు కూడా ప‌వ‌న్ క‌ళ్యాణ్ శిబిరంలో ఛాన్స్ కోసం చూస్తున్న‌ట్టు ప్ర‌చారం సాగుతోంది.

దానికి త‌గ్గ‌ట్టుగానే ద్వితీయ శ్రేణీ టీడీపీ నేత‌ల వ‌ల‌స‌లు ప్రారంభం కావ‌డంతో టీడీపీలో వ‌ణుకు మొద‌ల‌య్యింది. వారితో పలువురు మాజీలు కూడా జ‌న‌సేన వైపు చూస్తున్నారు. వంగా గీత స‌హా అనేక‌మందికి లైన్ క్లియ‌ర్ కావ‌చ్చ‌ని ప్ర‌చారం సాగుతోంది. అదే జ‌రిగితే మ‌రోసారి కీల‌క‌మైన కాపు నేత‌లంతా జ‌నసేన ను ఆశ్ర‌యించే అవ‌కాశం ఉంది. అదే జ‌రిగితే తెలుగుదేశం పార్టీకి పెద్ద షాక్ త‌ప్ప‌ద‌ని భావిస్తున్నారు.






Related News

వైసీపీలో ఖాయ‌మ‌యిన క్యాండిడేట్స్ వీళ్లే!

Spread the love12Sharesఏపీలో రాజ‌కీయంగా కీల‌క‌మ‌యిన ప్రాంతంలో గ‌త ఎన్నిక‌ల్లో వైసీపీ బోల్తా ప‌డింది. గోదావ‌రి జిల్లాల్లో ఆపార్టీకి పెద్దRead More

చింతమనేనిపై ఎస్సీ, ఎస్టీ కేసు

Spread the love9Sharesరాష్ట్రవ్యాప్తంగా నిత్యం వివాదాల్లో ఇరుక్కునే పశ్చిమ గోదావరి జిల్లా దెందులూరు తాజాగా ఎస్సీ, ఎస్టీ కేసులో ఇరుక్కున్నారు.Read More

Leave a Reply

Your email address will not be published. Required fields are marked *