Main Menu

తారస్థాయిలో టీడీపీ తగాదా

Spread the love

తూర్పుగోదావరి జిల్లా రాజమహేంద్రవరంలోని టిడిపిలో గ్రూపుల పోరు రోజురోజుకూ పెరుగుతోంది. గోదావరి అర్బన్‌ డెవలప్‌మెంట్‌ అథారిటీ (గుడా) ఛైర్మన్‌ గన్ని కృష్ణ, నగర మేయర్‌ రజనీ శేషసాయి మధ్య మాటల యుద్ధం నడుస్తోంది. టిడిపికి చెందిన మేయర్‌ను ఆ పార్టీ వారే చులకన చేస్తున్నారు. నగర పాలక సంస్థ పాలక మండలిపై గన్ని కృష్ణ పెత్తనం చేస్తున్నారని మేయర్‌ భావిస్తున్నారు. స్థాయీ సంఘం అంశాల ఆమోదంపై గన్ని కృష్ణ ఒత్తిడి తెస్తున్నారని ఇటీవల ప్రెస్‌మీట్‌లో మేయర్‌ చిర్రుబుర్రులాడారు. మంత్రివర్గ విస్తరణ తర్వాత గోరంట్లకు పార్టీ అధిష్టానికి మధ్య సఖ్యత చెడిందనే ప్రచారం జరిగింది. అదే సమయంలో గన్ని కృష్ణ గుడా ఛైర్మన్‌ పదవిని పొందారు. అధిష్టానం అండతో గన్ని కృష్ణ తన గ్రూపును బలపరుచుకునే పనిలో ఉన్నారనే ప్రచారం ఉంది. నగరంలో పట్టు సంపాదించడం కోసం నగరపాలనలో ఆయన జోక్యం పెరుగుతోందని మేయర్‌ భావిస్తున్నారు. ఇటీవల గన్ని కృష్ణ నివాసం ఉన్న 42వ డివిజన్‌లో ఇంటింటికీ తెలుగుదేశం నిర్వహించారు. ఇక్కడ సభా వేదికపై ఏర్పాటు చేసిన ఫ్లెక్సీలో వైసిపి నుంచి వచ్చిన ఆదిరెడ్డి అప్పారావు, కాంగ్రెస్‌ నుంచి వచ్చిన చల్లా శంకరరావు ఫోటోలు ఉన్నాయి. మేయర్‌ ఫోటోను ముద్రించలేదు. దీంతో మేయర్‌ కలత చెందారు. ఆదివారం జరిగిన వ్యవసాయ కళాశాల శంకుస్థాపన సందర్భంగా ఏర్పాటుచేసిన శిలాఫలకంపైనా ఆమె పేరు లేకపోవడంతో మనోవేదనకు గురై కంటతడి పెట్టారు. సభా వేదిక నుంచి మధ్యలోనే వెళ్లిపోయారు. తనకు జరుగుతున్న అవమానాలను మంత్రి సోమిరెడ్డికి మేయర్‌ వివరిస్తున్న సందర్భంలోనూ గోరంట్ల ఆమెపై చిర్రుబుర్రులాడటంతో ఆమె కన్నీరుమున్నీరయ్యారు.






Related News

హర్ష‌కుమార్ అటు మొగ్గు చూప‌డానికి కార‌ణం అదే..!

Spread the loveమాజీ ఎంపీ హ‌ర్ష‌కుమార్ కూడా మ‌రో అడుగు వేస్తున్నారు. త్వ‌ర‌లో కొత్త కండువా క‌ప్పుకోబోతున్నారు. ఇప్ప‌టికే గ‌డిచినRead More

మ‌ళ్లీ చింత‌మ‌నేని వీరంగం, ప‌గోలో వివాదం

Spread the loveవివాదాస్ప‌ద ఎమ్మెల్యే చింత‌మ‌నేని ప్ర‌భాక‌ర్ మ‌రోసారి వీరంగం చేశారు. ప‌శ్చిమ‌గోదావ‌రి జిల్లా దెందులూరు శాస‌న‌స‌భ్యుడు త‌న స్థాయికిRead More

Leave a Reply

Your email address will not be published. Required fields are marked *