Main Menu

వైసీపీలోకి సీనియర్ నేత చేగొండి హరిరామజోగయ్య

Spread the love

పలువురు సీనియర్లు వైసీపీ వైపు చూస్తున్నారు. తాజాగా ఆ జాబితాలో మాజీ ఎంపీ, మాజీ మంత్రి, సినీయిర్ నేత చేగొండి హరిరామజోగయ్య కూడా చేరిపోయారు. త్వరలోనే ఆయన జగన్ గూటిలో చేరడానికి రంగం సిద్ధం అయినట్టు తెలుస్తోంది. అయితే ఆయన వారసుడిగా చేగొండి సూర్యప్రకాశ్ రాజకీయ భవితవ్యం కోసమే ఆయన మరోసారి రాజకీయాల్లో క్రియాశీలం అవుతారని చెబుతున్నారు. వాస్తవానికి ప్రస్తుతం హరిరామజోగయ్య ఆరోగ్యం అంత సహకరించడం లేదు. అయినప్పటికీ ఆయనకు కొంత ఆదరణ ఉంది. ముఖ్యంగా కాపు సామాజికవర్గంలో ఆయనకు ఫాలోయింగ్ ఉంది. కొద్దిరోజుల క్రితం ఆయన రాసిన పుస్తకంలో చంద్రబాబు మీద చేసిన వ్యాఖ్యలు కలకలం రేపాయి. రంగా హత్యకు సంబంధించి హరిరామజోగయ్య చేసిన వ్యాఖ్యలు సంచలనం అయ్యాయి. ఆ తర్వాత కాపు ఉద్యమంలో ముద్రగడకి జోగయ్య మద్ధతు పలికారు. చివరకు ఆయన జనసేనలో చేరతారనే ప్రచారం సాగింది. కానీ అనూహ్యంగా వైసీపీ వైపు మరలడం ఆసక్తిగా మారుతోంది.

వచ్చే ఎన్నికల్లో హరిరామజోగయ్య వారసుడు పాలకొల్లు అసెంబ్లీ స్థానం నుంచి టికెట్ ఆశిస్తున్నారు. చేగొండి సూర్యప్రకాశ్ వ్యాపారరంగంలో ప్రయత్నించినప్పటికీ రాజకీయాల మీద ఆసక్తితోనే ఆయన ఉన్నట్టు కనిపిస్తోంది. దాంతో సూర్యప్రకాశ్ కి టికెట్ కోసం హరిరామజోగయ్య చేసిన ప్రయత్నాలు ఫలించడంతో ప్రజాసంకల్ప యాత్ర పశ్చిమ గోదావరి జిల్లాలో ప్రవేశించిన తర్వాత పార్టీ కండువా కప్పుకునే యోచనలో ఉన్నట్టు కనిపిస్తోంది. ప్రస్తుతం పాలకొల్లు నుంచి టీడీపీ ఎమ్మెల్యే నిమ్మల రామనాయుడు ప్రాతినిధ్యం వహిస్తున్నారు. ఆయనకు ప్రజల్లో కొంత ఆదరణ ఉంది. లోకేష్ కి సన్నిహితుడు. వచ్చే సారి కూడా ఆయన రంగంలో దిగడం ఖాయం. గడిచిన ఎన్నికల్లో వైసీపీ తరుపున మేకా శేషుబాబు పోటీ చేసి ఓడిపోయారు. వచ్చే ఎన్నికల్లో గణబాబుకి టికెట్ ఇస్తారనే ప్రచారం ఉంది. కానీ ఇప్పుడు అనూహ్యంగా చేగొండి ముందుకు రావడంతో సూర్యప్రకాశ్ కి సీటు దక్కవచ్చని చెబుతున్నారు.

అయితే సూర్యప్రకాశ్ అభ్యర్థిత్వం సరైనదేనా అంశం మీద భిన్నాభిప్రాయాలున్నాయి. కానీ రాబోయే రోజుల్లో ఏమేరకు పుంజుకుంటారన్నదానిని బట్టి సూర్యప్రకాశ్ కి టికెట్ దక్కవచ్చని చెబుతున్నారు. హరిరామజోగయ్య అనుభవం ఆయనకు ఉపయోగపడితే కొంత ప్రయోజనం దక్కవచ్చు.






Related News

ఫిబ్ర‌వ‌రి నాటికి క్లారిటీ వ‌స్తుందంటున్న ప‌వ‌న్

Spread the loveజ‌న‌సేన అధినేత ప‌ర్య‌ట‌న‌లు జోరుగా సాగుతున్నాయి. ఓవైపు ఉత్త‌రాంధ్ర‌, గోదావ‌రి జిల్లాల యాత్ర‌లు ముగించుకుని ప్ర‌స్తుతం రాయ‌ల‌సీమ‌లోRead More

ఆపార్టీలోనే చేర‌తానంటున్న వ‌ట్టి

Spread the loveఏపీ రాజ‌కీయాల్లో సీనియ‌ర్ నేత‌ల్లో ఒక‌రిగా పేరున్న వ‌ట్టి వ‌సంత‌కుమార్ కి ప‌శ్చిమ గోదావ‌రి జిల్లాలో గ‌ట్టిRead More

Leave a Reply

Your email address will not be published. Required fields are marked *