Main Menu

మ‌ళ్లీ ఢుమ్మా కొడుతున్న వైసీపీ..!

Spread the love

ఏపీ అసెంబ్లీ స‌మావేశాల‌కు రంగం సిద్ధ‌మ‌య్యింది. అధికార పార్టీ స‌క‌ల ఏర్పాట్లు చేస్తోంది. ప్ర‌త్యేక హోదా వేడి రాజుకుంటున్న నేప‌థ్యంలో విప‌క్షానికి అవ‌కాశం ఇవ్వ‌క‌పోవ‌డ‌మే కాకుండా, మిత్ర‌ప‌క్షంతో వైరం విష‌యంలోనూ జాగ్ర‌త్త‌లు తీసుకుంటోంది. ఈ నేప‌థ్యంలో వైఎస్ జ‌గ‌న్ నిర్ణ‌యం చ‌ర్చ‌నీయాంశంగా మారింది.

వాస్త‌వానికి గ‌త శీతాకాల స‌మావేశాలను విప‌క్షం బాయ్ కాట్ చేసింది. ఫిరాయింపుల విష‌యంలో చంద్ర‌బాబు సర్కారు తీరుపై నిర‌స‌న‌గా అసెంబ్లీ బహిష్క‌ర‌ణ నిర్ణ‌యం తీసుకుంది. దానిని కొన‌సాగించాల‌ని నిర్ణ‌యించింది బ‌డ్జెట్ స‌మావేశాల‌కు కూడా దూరం కావాల‌ని భావించింది. ఈ విష‌యాన్ని జ‌గ‌న్ ఇప్ప‌టికే ప‌త్రికా ముఖంగా తెలిపారు. దాంతో బ‌డ్జెట్ స‌మావేశాల‌కు కూడా వైఎస్సార్సీపీ దూరం అవుతుంద‌న్న వాద‌న బ‌ల‌ప‌డింది.

అయితే జ‌గ‌న్ తీరు మీద ప‌లువురు భిన్నాభిప్రాయాలు వ్య‌క్తం చేస్తున్నారు. ఉండ‌వ‌ల్లి వంటి వారు కూడా త‌ప్పుబ‌డుతున్నారు. దాంతో జ‌గ‌న్ పున‌రాలోచ‌న‌లో ఉన్నార‌నే వాద‌న బ‌య‌లుదేరింది. సందిగ్ధంలో ఉన్నార‌నే ప్ర‌చారం మొద‌ల‌య్యింది. ఏం చేయాల‌నే దానిమీద మ‌ల్ల‌గుల్లాలు ప‌డుతున్న‌ట్టు చెబుతున్నారు. అయినా చివ‌ర‌కు ఢుమ్మా కొట్ట‌డం ఖాయ‌మ‌నే వాద‌న ఉంది. త‌ద్వారా ఫిరాయింపు విష‌యాన్ని ప్ర‌జ‌ల్లోకి తీసుకెళ్ల‌గ‌ల‌మ‌ని భావిస్తున్న‌ట్టు తెలుస్తోంది. అదే స‌మ‌యంలో రాజ్య‌స‌భ ఎన్నిక‌ల నేప‌థ్యంలో ఎమ్మెల్యేలకు వ‌ల వేయ‌కుండా చూసుకోగ‌ల‌మ‌న్న అంచ‌నా వైసీపీ నేత‌ల్లో ఉంద‌ని అంటున్నారు. మ‌ళ్లీ ఢుమ్మా కొడుతున్న వైసీపీ..!






Related News

టీడీపీకి త‌ల‌నొప్పిగా మారిన మునిసిప‌ల్ వ్య‌వ‌హారం

Spread the loveగుంటూరు జిల్లా టీడీపీ వ్య‌వ‌హారాలు గ‌రం గ‌రం అవుతున్నాయి. మునిసిపల్ రాజ‌కీయాలు పార్టీలో మంట‌లు రేపుతున్నాయి. జిల్లాలోనిRead More

రోజా వాద‌న‌ను అంగీక‌రించిన కోర్ట్

Spread the loveవైసీపీ ఎమ్మెల్యే రోజా ఎట్ట‌కేల‌కు న్యాయ‌స్థానంలో ఊర‌ట సాధించారు. ఆమె న్యాయ పోరాటం ఫ‌లించింది. టీడీపీ ఎమ్మెల్యేపైRead More

Leave a Reply

Your email address will not be published. Required fields are marked *