Main Menu

కాషాయదళంలో జగన్ కి మద్ధతు

Spread the love

హిందూ మత బోధకుల్లో ఏపీ ప్రతిపక్ష నేత వైఎస్ జగన్ కి మద్ధతు పెరుగుతోంది. గత ఎన్నికల ముందు ఆయన మీద క్రిస్టియన్ ముద్ర వేయడం ద్వారా ఒక సెక్షన్ ని ఆయనకు దూరం చేయడంలో ప్రత్యర్థి పార్టీ సక్సెస్ అయ్యింది. ఫలితం కూడా సాధించింది. కానీ ఇటీవలి పరిణామాలు దానికి భిన్నంగా ఉన్నాయి. జగన్ ప్రయత్నాల వల్ల కొంత సానుకూలత ఏర్పడింది. ముఖ్యంగా విశాఖ శారదాపీఠాధిపతి స్వరూపానందతో జగన్ సన్నిహిత సంబంధాలు కొనసాగిస్తున్నారు. కొద్దిరోజుల క్రితం రుషికేష్ లో ప్రత్యేక యాగం కూడా నిర్వహించారు.

ఆ తర్వాత , అంతుకు ముందు కూడా ఒంటిమిట్ట రామాలయం సహా పలు ఆలయాల్లో ప్రత్యేక పూజలు నిర్వహించారు.ఇక తాజాగా చినజీయర్ స్వామి కాళ్లకు మొక్కడం ద్వారా కొత్త చర్చకు తెరలేపారు. అంతలోనే మరోసారి ఆయనతో ప్రత్యేకంగా సమావేశం కావడం ద్వారా కాషాయి దళాధిపతుల ఆదరణ పొందుతున్నట్టు తెలుస్తోంది. బీజేపీ ఎంపీ గోకరాజు గంగరాజు ఇంట్లో కొద్దిరోజుల క్రితం జగన్, చినజీయర్ సమావేశమయినట్టు ప్రచారం సాగింది. అయితే తాజాగా మరోసారి భేటీ కావడం ఆసక్తిని రేకెత్తిస్తోంది.

ఈ సందర్భంగా వైయస్సార్ పెట్టిన అనేక పథకాల్నిస్వామీజీ గుర్తు చేయడం విశేషం . దేవాలయాల పునరుద్దరణకు మంచి పథకాల్ని పెట్టాలని అలాగే పూజారులందరికి నెలా నెలా తండ్రి హయాంలో ఇచ్చినట్లుగానే గౌరవ వేతనం ఇచ్చే విధంగా పధకాలు రూపొందించాలని చినజీయర్ సూచించినట్టు తెలుస్తోంది . ఈ సందర్భంగా అధికారంలోకి వచ్చాక తిరుమలలో టీటీడీని ప్రక్షాలని చేసి రాజకీయాలకి దూరంగా పెట్టి , హిందూ ధార్మిక సంస్థలకి చెందిన స్వామీజీలనే టీటీడీ చైర్మన్ గా నియమించే ఉద్దేశ్యంలో ఉన్నట్లు జగన్ వెల్లడించారు .

వచ్చే నెల మొదటివారంలో జగన్ పాదయాత్ర ప్రారంభించబోతున్నారు. అదే సమయంలో చంద్రబాబుతో చినజీయర్ కి చాలాకాలంగా విబేదాలున్నాయి. గతంలో సీఎంగా ఉన్నప్పుడు తిరుమల తిరుపతి దేవస్థానం విషయంలో ఏర్పడిన విబేధాలు నేటికీ కొనసాగుతున్నాయి. దాంతో చినజీయర్ తో చంద్రబాబుకి ఉన్న విబేధాలను జగన్ సొమ్ము చేసుకుంటున్నారనే వాదన బయలుదేరింది. వాస్తవాలు ఏమయినప్పటికీ జగన్ కి ఆ తరగతిలో ఆదరణ పెరగడం, స్వామీజీలకు ప్రతిపక్ష నేత దగ్గర కావడం మాత్రం రాజకీయంగా చర్చకు దారితీస్తోంది. కేంద్రంలోని బీజేపీ పెద్దలకు మరింత దగ్గర కావడానికి ఈ పరిణామాలు తోడ్పడవచ్చనే అభిప్రాయం వ్యక్తం అవుతోంది.






Related News

టీడీపీకి త‌ల‌నొప్పిగా మారిన మునిసిప‌ల్ వ్య‌వ‌హారం

Spread the loveగుంటూరు జిల్లా టీడీపీ వ్య‌వ‌హారాలు గ‌రం గ‌రం అవుతున్నాయి. మునిసిపల్ రాజ‌కీయాలు పార్టీలో మంట‌లు రేపుతున్నాయి. జిల్లాలోనిRead More

రోజా వాద‌న‌ను అంగీక‌రించిన కోర్ట్

Spread the love13Sharesవైసీపీ ఎమ్మెల్యే రోజా ఎట్ట‌కేల‌కు న్యాయ‌స్థానంలో ఊర‌ట సాధించారు. ఆమె న్యాయ పోరాటం ఫ‌లించింది. టీడీపీ ఎమ్మెల్యేపైRead More

Leave a Reply

Your email address will not be published. Required fields are marked *