పార్టీ పరువు తీసుకుంటున్న వైసీపీ నేతలు

ysrcp
Spread the love

ఏపీలో వైసీపీ పరిస్థితి అసలే అంతంతమాత్రంగా ఉంది. వరుస ఎదురుదెబ్బలతో ఉక్కిరిబిక్కిరవుతోంది. నంద్యాల, కాకినాడ ఓటములతో తీవ్రంగా ఇరకాటంలో పడింది. గట్టెక్కడానికి ఏం చేయాలనే విషయంలో అధిష్టానం మల్లగుల్లాలు పడుతోంది. అందరి వేళ్లూ అధినేత వైపే ఉన్న తరుణంలో ఆయన ఏమేరకు మారతారనే చర్చ మొదలయ్యింది. కానీ ఈలోగానే ఆపార్టీ నేతలు ఉన్న పరువు కూడా బజారున పడేసుకుంటున్నారు. పార్టీని అభాసుపాలుజేస్తున్నారు.

తాజాగా విజయవాడ వ్యవహారం దానికి నిదర్శనం. ఆపార్టీ కార్మిక విభాగం నేత గౌతమ్ రెడ్డి చేసిన వ్యాఖ్యలు కలకలం రేపాయి. వంగవీటి రంగాకి వ్యతిరేకంగా గౌతమ్ రెడ్డి చేసిన వ్యాఖ్యలు వైసీపీలో దుమారం రేపాయి. అసలే పార్టీ పరిస్థితి సమస్యాత్మకంగా మారడంతో తాజాగా గౌతమ్ రెడ్డి చేసిన వ్యాఖ్యలతో ఓ సామాజికవర్గం, ముఖ్యంగా విజయవాడలోని వైసీపీ నాయకుడిగా ఉన్న వంగవీటి రాధా వర్గమే తీవ్రంగా స్పందించడం ఖాయం.అనుకున్నట్టేగా వంగవీటి రాధా అలజడి రేపారు. తన సొంత పార్టీ నాయకుడు చేసిన వ్యాఖ్యలు తనకు బాధ కలిగించినప్పుడు తొలుత పార్టీ అధిష్టానం ముందుకు తీసుకెళ్లాలి. ఆతర్వాత చర్యలు తీసుకోకపోతే రాధా స్పందించి ఉండాలి. కానీ నేరుగా సొంత పార్టీ నాయకుడి తీరు మీద మరో నాయకుడు రోడ్డెక్కే ప్రయత్నం చేయడం. పోలీసులు అడ్డుకోవడం, ఆ సందర్భంగా వంగవీటి రత్నకుమారి కింద పడిపోవడం తీవ్రంగా కలకలం రేపాయి.

అయితే అదే సమయంలో వైసీపీ అధిష్టానం గౌతమ్ రెడ్డిని సస్ఫెండ్ చేసింది. పార్టీ నాయకుడే అయినప్పటికీ వేటు వేసింది. దాంతో వైసీపీ పార్టీకి మరింత నష్టం కలగకుండా చర్యలు తీసుకుంది. కానీ ఈలోగా ఇద్దరు నేతల తీరుతో ఆపార్టీ మరింత అభాసుపాలయినట్టు కనిపిస్తోంది. వాస్తవానికి విజయవాడలో గత ఎన్నికల్లో గౌతమ్ రెడ్డిని సెంట్రల్ సీటు నుంచి నిలబెట్టి వైసీపీ సాహసం చేసింది. చివరకు చేతులు కాల్చుకోవాల్సి వచ్చింది. అయినప్పటికీ కార్మికవిభాగానికి రాష్ట్రనేతగా కొనసాగిస్తూ పార్టీలో తగిన గౌరవం కల్పిస్తున్నారు. అయినా గౌతమ్ రెడ్డి మాత్రం తన తీరు మార్చుకోకపోగా తీవ్ర వ్యాఖ్యలకు దిగి వైసీీపీని ఇరకాటంలో నెట్టారు.

ఇక అదే సమయంలో వంగవీటి రాధా కూడా వచ్చే ఎన్నికల్లో గౌతమ్ రెడ్డి తనకు పోటీ అవుతారని భావిస్తున్నారు. ముఖ్యంగా సెంట్రల్ సీటును మల్లాది విష్ణుకి ఖాయం చేయడంతో ఇక మిగిలిన తూర్పు నియోజకవర్గంలో గౌతమ్ రెడ్డి వేలు పెట్టే అవకాశం ఉందని అంచనా వేస్తున్నారు. అందుకు తగ్గట్టుగానే తాజా వివాదంతో వంగవీటి రాధా వీరంగం చేయడం వైసీపీకి ఇబ్బందికరంగా తయారయ్యింది. ఒకరు మాటలతో, మరికొరు తన చర్యలతో ప్రతిపక్ష పార్టీ పరువు తీసినట్టయ్యింది.



« (Previous News)



Related News

jaleelkhan

ఆ ఎమ్మెల్యేకి హ్యాండివ్వబోతున్న చంద్రబాబు

Spread the loveఏపీ రాజధాని రాజకీయాలు ఎప్పుడూ చర్చనీయాంశంగానే ఉంటాయి. అందులోనూ బెజవాడ పరిణామాలు మరింత ఆసక్తిని రేకెత్తిస్తుంటాయి. అందుకుRead More

MLA Alla Ramakrishna Reddy (2)

వైసీపీ ఎమ్మెల్యేకి ఏసీబీ నోటీసులు

Spread the loveఏపీలో ప్రతిపక్ష ఎమ్మెల్యేకి ఏసీబీ నోటీసులు జారీ చేసింది. అక్రమాస్తుల కేసులో మంగళగిరి ఎమ్మెల్యే ఆళ్ల రామక్రుష్ణారెడ్డికిRead More

  • కన్నా కమల దళపతి కావడానికి కారణం అదేనా?
  • జనసేనకు కన్నం కొట్టి..వైసీపీ కి?
  • ఆయన్ని మార్చేసిన జగన్
  • మళ్లీ నీరుగారిపోయిన జగన్ ఛాంబర్
  • టీడీపీ బలం మీద దెబ్బకొట్టిన జగన్
  • జనసేనకి లోకేష్ సవాల్
  • బాబుకి మరో దెబ్బ: టీడీపీ నుంచి జంపింగ్
  • వైసీపీ వైపు క‌న్నా క‌న్ను
  • Leave a Reply

    Your email address will not be published. Required fields are marked *