Main Menu

బాబు ముందుకు బెజవాడ పంచాయితీ

indrakeeladri kanakadurgamma
Spread the love

బెజవాడ కనకదుర్గమ్మ ఆలయ అంతరాలయ దర్శనం టికెట్‌ ధర పంచాయతీ సీఎం దగ్గరికి చేరింది. దుర్గమ్మ దర్శనం టికెట్ల వివాదాన్ని పరిష్కరించే దిశగా ప్రభుత్వం చర్యలు చేపట్టింది. ఆరుగురు సభ్యులతో కమిటీని నియమించింది. ఈ కమిటీ నివేదికను రూపొందించి ప్రభుత్వానికి అందజేయనుంది.

విజయవాడ ఇంద్రకీలాద్రి ఆలయ అంతరాలయం దర్శనం టికెట్‌ ధర వ్యవహారం చినికి చినికి గాలివానలా మారింది. ఈ పంచాయతీ అటూ ఇటూ తిరిగి చివరికి సీఎం చంద్రబాబు దగ్గరికి చేరింది. దర్శనం టికెట్ల లొల్లికి పుల్‌స్టాప్‌ పెట్టేలా ప్రభుత్వం చర్యలు చేపడుతోంది. ఆరుగురు సభ్యులతో తాత్కాలికంగా ప్రభుత్వం ఓ కమిటీని నియమించింది. ఆలయంలో జరుగుతున్న అభివృద్ధి కార్యక్రమాలు, ఇతరత్రా కార్యక్రమాలపై ఈ కమిటీ రిపోర్ట్ తయారుచేసి ప్రభుత్వానికి నివేదిక అందజేస్తుంది.

దర్శనం టికెట్ల ధరను పాలక మండలి 300 రూపాయలు చేసింది. ఇది భక్తులకు భారంగా మారింది. దర్శనం టికెట్ల ధరను తగ్గించాలని భక్తులు కోరారు. 300 నుంచి 150 రూపాయలకు తగ్గించాలని ఆలయ అధికారులకు, ఈవో దృష్టికి భక్తజనం తీసుకెళ్లారు. ఈవో సూర్యకుమారిపై తగ్గే ప్రసక్తేలేదని తేల్చిచెప్పడంతో వివాదం మొదలైంది. దర్శనం టికెట్‌ ధర భారమవ్వడంతో భక్తుల సంఖ్య కూడా తగ్గింది. దీంతో ఇంద్రకీలాద్రికి ఆదాయంకూడా తగ్గింది. దర్శనం టికెట్ల ధరలను తగ్గించాలని సాక్షాత్తు మంత్రి దేవినేని ఉమామహేశ్వరరావు విన్నపాన్ని ఈవో బేఖాతరు చేశారు. ప్రతిపాదనలు పంపితే పరిశీలిస్తామని చెప్పడం పాలక పెద్దలను ఆగ్రహానికి గురిచేసింది. దీంతో ఏపీ సీఎం చంద్రబాబు స్వయంగా దుర్గగుడిలో జరుగుతున్న పరిణామాలపై ఆరా తీశారు. ఈవోకు వ్యతిరేకంగా నివేదికలు వెళ్లడంతో ముఖ్యమంత్రే రంగంలోకి దిగారు. ఆలయ ప్రతిష్టను దెబ్బతీస్తే సహించేదిలేదని, ఈవో, ఆలయ సిబ్బంది, ఉన్నతాధికారులు, పాలక మండలి కలిసికట్టుగా సమన్వయంతో ముందుకెళ్లాలని.. అమ్మవారి చెంత రాజకీయాలుచేస్తే చర్యలు తప్పవంటూ తనదైన శైలిలో మందలించారు. వెంటనే దుర్గగుడిలో నెలకొన్ని వివాదాలపై నివేదిక ఇవ్వాలని సీఎం చంద్రబాబు అధికారులను ఆదేశించారు.

సెప్టెంబర్‌ 21 నుంచి దసరా నవరాత్రి ఉత్సవాలు ఇంద్రకీలాద్రిపై జరుగనున్నాయి. నవ్యాంధ్రలో దసరాను రాష్ట్ర పండుగగా ప్రభుత్వం ప్రకటించినా నిధులను విడుదల చేయలేదు. దీంతో దుర్గమ్మ ఆలయ నిధులు మంచినీళ్ల ప్రాయంలా ఖర్చవుతున్నాయి. ఈ ఏడాది 10కోట్ల రూపాయల నిధులు విడుదల చేయాలని పాలక మండలి ప్రభుత్వాన్ని కోరుతుంది.






Related News

pawan cbn

జ‌న‌సేన‌తో చంద్ర‌బాబు మైండ్ గేమ్

Spread the loveఏపీ రాజ‌కీయాల్లో వేడి రాజుకుంటోంది. బాబుకి జాతీయ స్థాయి నేత‌ల‌తో సాన్నిహిత్యం రీత్యా. తాజా అవ‌స‌రాల కోసంRead More

chandrababu-ashok-babu-Socialpost

టీడీపీ అభ్యర్థిగా అశోక్ బాబు

Spread the loveతెలుగుదేశం పార్టీ తరుపున మరో ఉద్యోగ సంఘం నాయకుడు రంగం మీదకు రాబోతున్నారు. ఇప్పటికే పలువురు ఉద్యోగRead More

Leave a Reply

Your email address will not be published. Required fields are marked *