వారి నోరు కొట్టేసిన ఆర్కే..!

MLA Alla Ramakrishna Reddy (2)
Spread the love

అవును..ఇదే చ‌ర్చ సాగుతోంది. మంగ‌ళ‌గిరి ఎమ్మెల్యే ఆళ్ల రామ‌కృష్ణారెడ్డి తీరు ఆస‌క్తిగా మారుతోంది. ఆయ‌న ఓ వైపు అన్నార్తుల ఆక‌లి తీర్చ‌డానికి చౌక‌గా క్యాంటీన్లు నిర్వ‌హిస్తున్నారు. చివ‌ర‌కు ఆయ‌న సొంత త‌ల్లి కూడా కొడుకు ప్ర‌య‌త్నాన్ని అభినందించింది. ప‌లువురి క‌డుపు నింప‌డాన్ని చూసి ఆశీర్వ‌దించింది. కానీ అదే ఆర్కే న్యాయ‌స్థానంలో చేసిన పోరాటం కొంద‌రు నోళ్లు కొట్టేసిన‌ట్ట‌య్యింద‌నే ప్ర‌చారం సాగుతోంది. అది కూడా నిజ‌మే అనిపిస్తోంది. ఎందుకంటే కోట్ల ఖ‌రీదైన స‌దావ‌ర్తి భూముల వ్య‌వ‌హారంలో ఆయ‌న చేసిన న్యాయ‌పోరాటం ఫ‌లించింది. ఆ భూములు త‌న‌కు కావాల‌ని కాకుండా ఖ‌రీదైన స‌ర్కారు స్థలాల‌ను కొంద‌రు కారుచౌక‌గా కొట్టేస్తున్నార‌ని ఆయ‌న హైకోర్ట్ లో పిటీష‌న్ వేసి ప్ర‌భుత్వాన్ని కోర్టు బోనులో నిల‌బెట్టారు. చివ‌ర‌కు అనూహ్యంగా కోర్టు ఇచ్చిన తీర్పు ప్ర‌కారం 5 కోట్లు అద‌నంగా చెల్లించి స‌ద‌రు స‌దావ‌ర్తి భూముల‌ను సొంతం చేసుకోవ‌డానికి కూడా ఆయ‌న వెన‌కాడ‌లేదు. అంత పెద్ద మొత్తం చెల్లిస్తే ఐటీ రెయిడ్స్ త‌ప్ప‌వ‌ని ప్ర‌భుత్వంలో కీల‌క మంత్రి హెచ్చ‌రించినా వెనుకాడ‌లేదు. రెండు విడత‌ల్లో 27.5 కోట్ల సొమ్ము చెల్లించి కోర్టులో స‌దావ‌ర్తి భూములు సొంతం చేసుకోవ‌డానికి సిద్ద‌మ‌య్యారు.

కానీ కోర్ట్ అనూహ్యంగా మ‌రోసారి వేలం వేయ‌డానికి, అందులో ఆళ్ల రామ‌కృష్ణారెడ్డి పాల్గొనే అవ‌కాశం ఇవ్వాల‌ని కూడా ఆదేశాలు రావ‌డంతో అనివార్యంగా 27.5 కోట్ల‌కు పైగానే స‌దావ‌ర్తి భూముల వేలం క‌నిపిస్తోంది. దాంతో ప్ర‌భుత్వం గ‌తంలో 22.5 కోట్ల‌కే క‌ట్ట‌బెట్టిన నేప‌థ్యంలో భారీగా చేతులు మారిన‌ట్టు ప్ర‌చారం సాగిన నేప‌థ్యంలో ఇప్పుడు వారంద‌రికీ ఇబ్బందిక‌రంగా మారింది, వాస్త‌వానికి ఈ స‌దావ‌ర్తి భూములు కాజేశారంటూ కాపు కార్పోరేష‌న్ చైర్మ‌న్ రామానుజ పేరు ప్ర‌ధానంగా వినిపించింది. నారా లోకేష్ త‌న బినామీల పేరుతో స‌దావ‌ర్తి భూముల‌ను కారుచౌక‌గా కొల్ల‌గొట్టారని విమ‌ర్శ‌లు వినిపించాయి. ఇప్పుడు అలాంటి నేత‌లంతా భారీగా ప్ర‌యోజ‌నాలు ఆశించిన‌ప్ప‌టికీ ఆర్కే న్యాయ‌పోరాటంతో వారి ఆశ‌ల‌కు గండిప‌డింది.

పైగా వెంట‌నే వేలం నిర్వ‌హించాల‌ని కోర్ట్ ఆదేశించ‌డంతో ఈసారి వేలం ప్ర‌క్రియ‌లో ఆర్కే కూడా పాల్గొంటార‌నడంలో సందేహం లేదు. ఇంత న్యాయ‌పోరాటం చేసిన త‌ర్వాత ఆయ‌న వేలానికి రాక‌పోతే ఆయ‌న పోరాటాన్ని నీరుగార్చిన‌ట్ట‌వుతుంది. అందుకే ఆయ‌న ముందుకొస్తారు. కాబ‌ట్టి స‌దావ‌ర్తి భూములు కొత్త వేలంలో మ‌రికొంత పెర‌గ‌డం ఖాయంగా క‌నిపిస్తోంది. కాబ‌ట్టి 22.5 కోట్ల‌కే స‌దావ‌ర్తి భూములు కాజేయ‌డం ద్వారా భారీగా కొల్ల‌గొట్టాల‌ని ప్ర‌య‌త్నించిన వారి ఆశ‌ల‌కు ఆయ‌న గండికొట్టేసిన‌ట్టే అయ్యింది. మ‌రో ఆస‌క్తిక‌ర అంశం ఏందంటే స‌దావ‌ర్తి భూముల పేరుతో భారీగా చేతులు మారిన కోట్ల రూపాయ‌ల వ్య‌వ‌హారం గురించి ప‌లువురి మ‌ధ్య త‌గాదా కూడా మొద‌ల‌య్యింద‌నే ప్ర‌చారం పొలిటిక‌ల్ స‌ర్కిళ్ల‌లో కొన‌సాగుతుండ‌డం విశేషం.






Related News

jaleelkhan

బాబు క్లాస్ లంచ్ లోనూ వదల్లేదు..

Spread the loveఇటీవల టీడీపీ ఎల్పీ మీటింగ్ తర్వాత ఆసక్తికర పరిణామం జరిగింది. సమావేశంలో ఎమ్మెల్యేలకు సీఎం గట్టిగా క్లాస్Read More

chandra

చంద్రబాబు ఇమేజ్ పెంచడానికి 25 కోట్లు ..

Spread the loveఆంధ్రప్రదేశ్ ముఖ్యమంత్రి ఇమేజ్ పెంచుకోవాలనుకుంటున్నారు. తప్పేముందనుకుంటున్నారా..అందుకు ప్రజల సొమ్మును ఖర్చు చేస్తున్నారు. ముఖ్యమంత్రి కాబట్టి రాష్ట్రం కోసమేRead More

  • జైలుకి పోతారని హెచ్చరించిన బీజేపీ నేత
  • కస్సుమన్న కేవీపీ
  • అసెంబ్లీ వద్ద కలకలం
  • ఏపీలో కొత్త జిల్లాలు లేవు..
  • పెళ్ళి ఎఫెక్ట్: ఖాళీ అయిన అసెంబ్లీ
  • అఖిలప్రియకు అండగా చినబాబు
  • సోషల్ మీడియాపై చంద్రబాబు కన్ను…
  • సిగ్గుపడాల్సిందేగా…?
  • Leave a Reply

    Your email address will not be published. Required fields are marked *