Main Menu

నోట్లరద్దుతో డిజిటల్ ప్రయోజనం కూడా లేదు

bribe-cash_87bce4c6-12cf-11e6-8267-dc0f985e6284
Spread the love

నోట్లరద్దును సమర్థించుకుంటూ మోడీ ప్రభుత్వం మొదటి నుంచీ భిన్న వ్యాఖ్యలు చేస్తూనే వుంది. మొదట్లో నోట్లరద్దుతో నల్లధన కుబేరులు గజగజలాడిపోతున్నారంటూ గొప్పలు చెప్పుకున్న కేంద్రం…తాజాగా 99 శాతం నోట్లు వెనక్కి వచ్చాయంటూ ఆర్‌బిఐ ప్రకటించిన తరువాత మాటమార్చింది. ఆర్థిక వ్యవస్థ ప్రక్షాళనలో భాగంగానే నోట్లురద్దు చేశామని, డిజిటల్‌ చెల్లింపులు ప్రోత్సహించడమే తమ లక్ష్యమని ఆర్థిక మంత్రి అరుణ్‌ జైట్లీ ఇటీవల వివరణ ఇచ్చారు. అయితే డిజిటల్‌ చెల్లింపులపై నోట్లరద్దు ప్రభావం తాత్కాలికంగానే ఉందని, తరువాత అందరూ నగదు చెల్లింపులపైనే ఆధారపడుతున్నారని తాజా గణాంకాల ప్రకారం వెల్లడైంది.

గతేడాది నవంబరు 8న రూ.500, రూ.వెయ్యి నోట్లను ప్రభుత్వం రద్దు చేసింది. దీంతో డిసెంబరులో డిజిటల్‌ చెల్లింపులు గణనీయంగా పెరిగాయి. ఆ ఒక్క నెలలోనే రూ.1044 లక్షల కోట్ల విలువైన డిజిటల్‌ చెల్లింపులు జరిగాయి. తరువాతి కాలంలో రూ.500, రూ.వెయ్యి కొత్త నోట్లు చలామణీలోకి రావడంతో డిజిటల్‌ చెల్లింపులు గణనీయంగా పడిపోయాయి. ఈ ఏడాది జూలైలో రూ.107 లక్షల కోట్లకు పడిపోయాయి. నోట్లరద్దుకు ముందు జరిగిన లావాదేవీల కంటే ఇది తక్కువని గణాంకాలు వెల్లడించాయి. గతేడాది నవంబరులో 67.1 కోట్లగావున్న డిజిటల్‌ లావాదేవీలు డిసెంబరు నాటికి 95.7 కోట్లకు చేరుకున్నాయి. అయితే అదే ఏడాది సెప్టెంబరులో వాటి సంఖ్య 145.2 కోట్లుగా ఉండటం విశేషం. ఈ-కామర్స్‌ కంపెనీలు కూడా ఇదే విషయాన్ని వెల్లడించాయి. ఆన్‌లైన్‌ దుస్తుల వ్యాపార దిగ్గజం మింత్ర సిఇఒ మాట్లాడుతూ ”నోట్లరద్దుకు ముందు 40 శాతం వినియోగదారులు ఆన్‌లైన్‌లోనే చెల్లింపులు చేసేవారు. నోట్లరద్దు అనంతరం ఆ సంఖ్య 55 శాతానికి పెరిగింది. మళ్లీ ఇప్పుడు 45-46 శాతానికి పడిపోయింది” అని చెప్పారు.






Related News

fb

ఫేస్ బుక్ కి కొత్త చిక్కులు

Spread the loveఫేస్ బుక్ యాజమాన్యం వరుస సమస్యల్లో ఇరుక్కుంటోంది. కేంబ్రిడ్జ్ ఎనలటికా సమస్య నుంచి గట్టెక్కకముందే మరో లీకుRead More

lanco-infra-pti

ల్యాంకో దివాళా…?

Spread the loveమౌలిక వసతుల రంగంలోని ప్రముఖ నిర్మాణ సంస్థల్లో ఒకటైన లాంకో ఇన్ఫ్రాటెక్‌ సంస్థ ఇప్పుడు దివాలా దిశగాRead More

Leave a Reply

Your email address will not be published. Required fields are marked *