Main Menu

నీర‌వ్ మోడీ బీజేపీకి పార్ట‌న‌ర్

niramodi-k5lG--621x414@LiveMint
Spread the love

పంజాబ్ నేష‌నల్ బ్యాంక్ ని ముంచి, దేశం నుంచి ద‌ర్జాగా పారిపోయిన నీర‌వ్ మోడీ వ్య‌వ‌హారం క‌ల‌క‌లం రేపుతోంది. 2011లో మొద‌ల‌యిన లెట‌ర్ ఆఫ్ అండ‌ర్ స్టాండింగ్స్ వ్య‌వ‌హారంలో కాంగ్రెస్ నేత‌ల పాత్ర ఉంద‌ని బీజేపీ ఆరోపిస్తుండ‌గా, మెజార్టీ ఎల్వోయూలు 2017లోనే జారీ అయిన‌ట్టు సీబీఐ నివేదిక నిర్ధారించింది. దాంతో బీజేపీ నేత‌ల పాత్ర కూడా పెద్ద‌దేన‌నే విమ‌ర్శ‌లు వెల్లువెత్తుతున్నాయి. దాని నుంచి త‌ప్పించుకోవ‌డానికే అన్న‌ట్టుగా నీర‌వ్ మోడీ , ఆయ‌న బంధువుల ఇళ్ల‌పై దాడుల‌తో ఈడీ హ‌డావిడి చేస్తోంది.

అయితే తాజాగా బీజేపీ మిత్ర‌ప‌క్షం శివ‌సేన ఘాటు ఆరోప‌ణ‌లు చేస్తోంది. ఆపార్టీ అధికార పత్రిక సామ్నాలో బీజేపీ వ్య‌వ‌హారం మీద తీవ్రంగా స్పందించింది. 11400 కోట్లుగా చెబుతున్న పీఎన్బీ కుంభ‌కోణంలో ప్ర‌ధాన సూత్ర‌ధారి నీర‌వ్ మోడీ అధికార బీజేపీకి భాగ‌స్వామి అంటూ శివ‌సేన ఆరోపించింది. అనేక ఎన్నిక‌ల్లో బీజేపీకి నీర‌వ్ నుంచి భారీగా చందాలు వ‌చ్చాయ‌ని వివ‌రించింది. అంతేగాకుండా జ‌న‌వ‌రి 1 నాడు దేశం విడిచిపోయిన వ్య‌క్తి ఏకంగా ప్ర‌ధాన‌మంత్రితో ఫోటోల‌కు దిగ‌డం దేనికి సంకేత‌మ‌ని ప్ర‌శ్నించింది. ఇదేనా అవినీతిర‌హిత భార‌తం అని నిల‌దీసింది. అతి పెద్ద బ్యాంకింగ్ కుంభ‌కోణంగా చెబుతున్న నీవ‌ర్ వ్య‌వ‌హారంలో బీజేపీకి పార్ట‌న‌ర్ షిప్ ఉంద‌ని విమ‌ర్శించింది.

అవినీతిని పార‌ద్రోలుతామ‌ని చెప్పి, ఎఫ్ఐఆర్ ఉన్న వ్య‌క్తితో క‌లిసి ఫోటోల‌కు దిగిన వ్య‌వ‌హారంపై మోడీ స‌మాధానం చెప్పాల‌ని నిల‌దీసింది. దేశంలో అవినీతికేసుల్లో లాలూ ప్ర‌సాద్ వంటి వారిని జైల్లో పెడుతూ విజ‌య్ మ‌ల్యా, నీర‌వ్ మోడీల‌ను దర్జాగా దేశం దాటించ‌డానికి స‌హ‌క‌రించిందెవ‌రో చెప్పాల‌న్నారు. చిన్న చిన్న రుణాలు తీర్చ‌లేక రైతులు బ‌ల‌వ‌న్మ‌ర‌ణాల‌కు పాల్ప‌డుతుంటే బ‌డాబాబులు బాహాటంగా బ్యాంకులు దోచేసి విదేశాల్లో కులాశాగా ఉండ‌డ‌మే అవినీతిర‌హిత‌మా అని పేర్కొన్నారు. కేవ‌లం ప్ర‌చారంతోనే మోడీ ప్ర‌భుత్వం ప్ర‌జ‌ల‌ను మోస‌గిస్తోంద‌ని ఆరోపించారు.






Related News

rammadhav

మోడీకి భ‌క్తుడు రాంరాం..

Spread the love10Sharesబిజెపికి కీల‌క నేత దూర‌మ‌య్యారు. ఆయ‌న జ‌నంలో ఉండే నాయ‌కుడు కాక‌పోయినా, జ‌నం నాడి క‌నిపెట్టి, బీజేపీRead More

625352-modi-narendra-pti-092217

ముహూర్తం పెట్టేస్తున్న మోడీ

Spread the love5Sharesఎప్పుడు ఎన్నిక‌లొచ్చినా మేం సిద్దం అంటున్నారు ఏపీ సీఎం చంద్ర‌బాబు. కేంద్రంలో పెద్ద‌లు కూడా అదే ఆలోచ‌న‌లోRead More

Leave a Reply

Your email address will not be published. Required fields are marked *