Main Menu

బీజేపీ ఆశ‌ల‌కు గండి..!

Spread the love

క‌ర్ణాట‌క ఎన్నిక‌ల‌కు క‌ద‌న‌రంగం సిద్ద‌మవుతోంది. కానీ క‌మ‌ల‌ద‌ళానికి రానురాను క‌ష్టాలు త‌ప్ప‌వ‌నిపిస్తోంది. ముఖ్యంగా జాతీయ స్థాయిలో మ‌స‌క‌బారుతున్న బీజేపీ ప్ర‌భావానికి తోడుగా క‌ర్ణాట‌క కాంగ్రెస్ సార‌ధి, సీఎం సిద్ధి రామ‌య్య ఎత్తుల‌తో బీజేపీ శ్రేణులు ఉక్కిరిబిక్కిర‌వుతున్నారు. ఇప్ప‌టికే కావేరీ జ‌లాల వివాదంలో బీజేపీ తీరు మీద రాష్ట్రంలో ఓ సెక్ష‌న్ తీవ్ర అసంతృప్తిగా ఉంది. దానికి తోడు తాజాగా లింగాయ‌త్ ల అంశం ముందుకొచ్చింది. లింగాయ‌త్ ల‌ను ప్ర‌త్యేక మ‌తారాధ‌కులుగా గుర్తిస్తూ క‌ర్ణాట‌కా ప్ర‌భుత్వం నిర్ణ‌యం తీసుకుంది. ఇది ఇప్పుడు బీజేపీకి క‌ల‌వ‌రం క‌లిగిస్తోంది. రాజ‌కీయంగా కీల‌క‌మ‌యిన లింగాయ‌త్ లు చాలాకాలంగా బీజేపీకి అండ‌గా ఉంటున్నారు. కానీ ఇప్పుడు సిద్ధ‌రామ‌య్య సంచ‌ల‌న నిర్ణ‌యంతో ఆ వ‌ర్గం సంతృప్తి వ్య‌క్తం చేస్తోంది. సంబ‌రాలు జ‌రుపుకుంటోంది. దాంతో బీజేపీ ఆశ‌ల‌కు పెద్ద గండి ఖాయ‌మ‌నే అంచ‌నాలున్నాయి. అదే జ‌రిగితే బీజేపీకి బెంగ‌ళూరు ఆశ‌లు నెర‌వేరే అవ‌కాశం లేద‌ని అంచ‌నాలు పెంచ‌డానికి కార‌ణం అవుతున్నాయి.

ప్ర‌స్తుతం సౌత్ లో క‌మ‌లానికి చోటు లేకుండా పోతోంది. ఇప్ప‌టికే ఏపీలో మిత్ర‌ప‌క్షంతో స్నేహం చెడిన రీతిలో బంధం తెగిపోయింది. బీజేపీ ద‌క్షిణాది నుంచి ఖాళీ అయ్యింది. ఈ నేప‌థ్యంలో ఏడాది క్రితం బీజేపీకి క‌ర్ణాట‌క మీద ఆశ‌లు క‌నిపించాయి. అయితే అవి రానురాను కొడ‌గొట్టుకుపోతున్నాయి. ముఖ్య‌మంత్రి తీసుకుంటున్న ఎత్తుల‌తో కాంగ్రెస్ కి కొత్త ఉత్సాహం క‌నిపిస్తోంది. కుతూహ‌లం ప్ర‌ద‌ర్శిస్తోంది. దాంతో క‌మ‌లానికి ద‌క్షిణాది కోట మింగుడుప‌డద‌నే అంచ‌నాలు పెరుగుతున్నాయి.






Related News

మోడీకి మూఢిన‌ట్టేనా..!

Spread the loveప్ర‌ధానమంత్రిగా బాధ్య‌త‌లు స్వీక‌రించిన త‌ర్వాత తొలుత డిల్లీలో ఖంగుతిన్నారు. రాజ‌ధాని రాష్ట్రంలో ఓట‌మి పాల‌యినా పెద్ద‌గా ఖాత‌రుRead More

మోడీకి మ‌రో షాక్, మంత్రి రాజీనామా

Spread the loveసెమీ ఫైన‌ల్స్ గా భావిస్తున్న ఐదురాష్ట్రాల ఎన్నిక‌ల ఫ‌లితాలు వెలువ‌డ‌డానికి కొన్ని గంట‌ల‌ ముందు బీజేపీ షాక్Read More

Leave a Reply

Your email address will not be published. Required fields are marked *